الجمعة، 22 أغسطس، 2008

وااااااجب كلاكيت تاني مره


بما أني أنهيت مراحلي الدراسيه

وأرتحت من الواجبات المدرسيه

لكن هيهات أن تنتهي الواجبات

ورايا ورايا

أووووم أييييه ربنا بعتلي اللي يبعتلي واجبات تاني

أووووم لقيت الواجبات كترت علي

فكان لابد وحتما من الإسراع في الحل حسب ورودها أولا بأول

والحمد لله لقيت أول واجبين زي بعضهم بالمللي

فأبتسمت إبتسامه ماكره وقلت لنفسي

فرصه حل الواجبين مره واحده وبكده تأخد الدرجه مضاعفه


واللي بعتتلي الواجب الأولاني المدونه أسماء أختكم في الله صاحبة مدونة أجمل أيامنا

وبعتتلي الواجب التاني المدونه أسماء الشيخ صاحبة مدونة كلام وخلاص


وبما أنهم أسماءتان فطلع الواجب متشابه كتشابه الأسم

وهما أختان عزيزتان وواجبهم عالعين والراس فلابد من الحل


هييييييييه إستعنا على الشقا بالله نبتدي

أعطيتك 3 وردات لمن تهدي الوردات اللي معك ؟

واحده لأبي والتانيه لأمي والتالته حخليها لواحده لسه معرفتهاش

لو أعطيتك ورقه بيها 3سطور وقلت لك أكتب فيهم اللي إنت عايزه

حتكتب ايه ؟

حكتب إسمي

وعنواني

ورقم تليفوني

هههههههههههههههههههههههههههههههه

ما هو هدفك في الحياه ؟

يقول ربنا (وما خلقت الجن والإنس إلا ليعبدون )

فأسمى هدف هو أن أكون عند الله من المخلصين

وثانيا ان يوفقني الله ويرزقني بالذريه الصالحه

وأوفق في أن أجعل منهم شباب نافع لبلده وأمته

(حلو كده )

إن شاء الله بكره احلى من النهارده

هل تصدق هذه المقوله ولماذا ؟

في العموم أنا مؤمن بتلك المقوله فهي الأمل التي يحيا به الإنسان

وبدون الأمل في بكره يحكم الشخص علي نفسه بالموت

حتي وإن كان بين الناس من الأحياء

والمؤمن يجب أن يكون دائما حسن الظن بالله

فعلينا أن نجتهد للتغيير للأفضل ونتوكل علي الله

ومن ثم نسلم أمورنا لملك الكون فهو لن يضيع أجر من أحسن عملا

ما هي أجمل مقوله سمعتها في حياتك ؟

كن كالنخيل عن الأحقاد مرتفعا

يرمى بحجر فيلقي بأطيب الثمر

من المغني اللي بتحبه أوي ؟

كتير مش واحد

أم كلثوم , عبد الحليم , محمد عبده ........ ألخ

وأيه أحلى أغنيه بتحبها ؟

برضو كتير لكن حختار القلب يعشق كل جميل لأم كلثوم

غزه تمثل لك أيه ؟

تمثل رمز كرامة أمتنا المفقوده

وهوان أمرنا علي عدونا

أعطي لأنتمائك لوطنك درجه من مائه

150%

بلدي وإن جارت علي عزيزة

وأهلي وإن ضنوا علي كرام

لو تزوجت وأنجبت ولدين وبنتين أي الأسماء تختار لهم ؟

الولدان حمزه و سيف

والبنتين حخلي أمهم تسميهم بس بشرط لازم تعجبني الأسماء

وإلا لما أروح اكتبهم حكتب أللي على مزاجي ههههههههه

(قمة الديموقراطيه )

عمرك غشيت في إمتحان وإنت صغير ؟

طبعا متوقعين أجاوب واقول لا أبدا ومستحيل ومش ممكن

لكن لأ ده انا وبلا فخر كنت بدرس

كيف تغش والمراقب امامك دون ان يلحظك

كنت ببدع في اساليب البرشام ههههههههههههههه

لدرجة إني مره إتقفشت والمراقب فتشني ذاتيا ودور حوالي

ومعرفش أنا مخبي الورقه فين

بس هو ملاحظش إني كنت داهن سطح التخته من جوه بقطعة موز

بحيث تلزق الورقه بمجرد ما أحطها وطبعا متوقعش يدور في سطح الدرج

وسابني بعد ما شعر أنه ظلمني ههههههههههههههههه

بصراحه كنا عفاريت أيام الدراسه ,

كان همنا إزاي نبتكر ونتحايل علشان نخلص وننجح هههههه

لو إتعرضت عليك رشوه وإنت في زنقه ماليه حتعمل أيه ؟

أولا أدعو الله أن لا يوقعني في مثل تلك الزنقات

ثانيا لو مش لاقي آكل مش مجرد زنقه لن أقبل أقل القليل من المال الحرام

فكل لحم نبت من حرام فالنار أولى به

حمانا الله وجميع المسلمين من الرزق الحرام

قول 3 صفات ب3كلمات توصف بيهم شخصيتك

من الصعب أن الواحد يوصف نفسه

فإسمحيلي أعتذر عن إجابة هذا السؤال

برضو وبكلمه واحده أيه أهم صفه عايزها في شريك حياتك ؟

متدينه والباقي مقدور عليه

أيه المجال اللي غير دراستك وشايف نفسك فيه أوي؟

أنا كان نفسي أدخل الكليه الجويه

وفعلا قدمت بس محصلش نصيب

بتحب السفر ؟

جدا وخصيصا باليالي القمريه

وأشغل محمد عبده ليلة خميس طرز بها نور القمر شط البحر

نصف الشهر والليل من فرحو عريس لييييلة خميس

دلوقتي حالا أيه المكان اللي نفسك تكون فيه ؟

مكه المكرمه أو المدينة المنوره

تمرر التاج ده لمين ؟

أنا نفسي أمرره لكل حبايبي وأصدقائي المدونين

بس بلاش لحسن حد يدعي علي



الحمد لله خلاااااااص حليت الواجب

أما أقوم ألعب شويه

سلااااااااام


هناك 32 تعليقًا:

كيارا يقول...

اشششششششششششششششششطه حلوه الاجابات جدا


بس فين بقي الواجبات اللي بعتها



هنزعلوا كده

شفقة هانم واحسان بك يقول...

مبروك الف مبروك احنا كمان حلينا الواجب تيجى نلعب سوا كوتشينه

بسنت يقول...

جميله اجاباتك
بس ما عجبنى طبعا حكايه الغش
تعرف زمان طبعا كنت متفوقه جدا فى المدرسه بس كنت مقتنعه تمام انى لو غشيت فى سؤال فى سؤال تانى اسهل هحله غلط
نفس فكره المال الحرام انه بيضيع ضعفه من المال الحلال
دى افكار لازالت تلازمنى الحمد لله

دمت بخير

مع اصرارى يقول...

الف مبروك يا احمد
انت نجحت وجبت 150%
هايل والله
خليتنى أحب الواجبات
وحبى ليك اتضاعف كام مرة

ربنا يريحك من الوردة التالتة قريب وتديها لصاحبة نصيبها

والورقة اللى عليها اسمك وعنوانك والتليفون هاخدها منك واقطعها

ربنا يرزقك بالذرية الصالحة وبالجنة التى توعدون وبكرة دايما أحلى من النهاردة

بص كل كلامك جمييل وأنا سعيد بيك
بس كفاية تعليق كدة
عشان ماتزهقش منى

لك أغلى تحية
السلام عليكم ورحمة الله

على عبدالله يقول...

نجحت؟؟
مبروك ،، ايدك بقى ع الحلاوة

هههههههههههههه

بس حلوة حكاية الغش دى
الطريقة ماوردتش عليا ازاى مش عارف

ولا اجمل ولا اروع ولا احسن من كده

كن كالنخيل عن الأحقاد مرتفعا

يرمى بحجر فيلقي بأطيب الثمر

السلام عليكم ورحمة الله وبركاته

ورود و أشواك يقول...

ايه الاجابات الجميلة دى يا احمد
بجد كلها اجابات بتدل اد ايه انت انسان محترم و رائع من جواك
ربنا يكرمك و يديلك كل اللى بتتمناه يا رب

و اسفة لتأخرى فى العودة لمدونتك
بس انا بقالى فترة مردتش على حد خالص
فكل يوم بخطف و قت و اقعد على النت و ارد على شوية مدونات لحد ما حاجة تشغلنى فاضطر اقوم و هكذا ...
لان وقتى على النت مبقاش زى الاول خالص

و ميرسى اوى اوى بجد على سؤالك عنى فى مدونة عاصمة الرباعيات و بعتذر ليك انى مردتش لان كان عندى شوية حجات كدة مكعبلة بس الحمد لله دلوقتى بقيت احسن بس ادعيلى الاقى وقت ارد فيه على كل الناس اللى بحبهم هنا فى البلوجر

كل سنة و انت طيب و رمضان كريم

saso يقول...

عزيزيى احمد :

دى اول زياره ليه ف مدونتك ...عجبتنى اوى وقرات فيها اكتر من بوست

بس الحقيقه حلوه الاجابات بتاعتك

بس في اجابه فيهم زعلتنى:

هى انك قلت انك لو جبت اولاد ان شاء الله ربنا يرزقك هتسمي واحد حمزه وانا كنت مختاره الاسم ده ومعتقده ان مفيش حد هيرجع للاسم ده خالص غيري ودايما اقول ابنى ( على اعتبار ما سيكون) هيكون هو الوحيييييييد اللى اسمه كده في القرن القادم لان معظم الناس بتفكر ف هانى وهيثم ووائل ورشا وسحر ههههههههه على راى عبد العال ف مسرحيه ريه وسكينه (امه سحر وابوه وائل) بص حل من اتنين يا تغير اسم ابنك يا تقولى افكر ف اسم تانى

طولت عليك ..........ماااااشي سلام بقه

موناليزا يقول...

عجبتنى صراحتك جدا وجديدة حركة قشر الموز دى

nonni يقول...

ههههههههههههه اجابات صريحة جداا بس حكاية الموز دى غريبة اوى و شكلك كنت شقى اووووى و بتغل المراقبين.

"تحياتى"

ahmed_k يقول...

حاضر يا كيارا
إحنا مش إتفقنا أحل الواجبات اللي
كانت جاتلي بالفعل
ولكن إن شاء الله مش حتاخر
والحل بتاع واجباتك قريبا إن شاء الله
بس حيكونوا في بوستين
مش مره واحده
تمام متفقين

متفقين

تحياتي لكي يا كيارا
********************************************
شفقه هانم وإحسان بيه


يلا بينا نلعب
مش حلينا واجباتنا
يبقى خلاص موافق
بس بشرط نلعب كريزي8 ههههه

تقبلوا تحياتي
**********************************************
بسنت


أصلي أنا مبحبش اكدب
وأجمل الحقائق
يعني أقول اللي كان بيحصل أحسن
ولا أدي فكره مغلوطه عن نفسي
بس ده يا زهره كان أيام الشقاوه
لكن دلوقتي خلااااص بطلت أغش

تقبلي خالص تحياتي
******************************************
مع إصراري


أخي الحبيب مصطفى
والله تعليقاتك بتنور مدونتي دوما
وبعتز جدا بزياراتك هنا
ربنا ما يحرمني من طلتك أبدا

والورقه انا موافق قطعها
بس بعد ما تخزن الرقم على موبايلك

وأبدا يا مصطفى لايمكن أزهق من كلامك لو فضلت تكتب لحد بكره
البيت بيتك وتكتب ما تريد

تقبل خالص مودتي
********************************************
علي عبد الله

ربنا يبارك فيك
كلماتك جميله تثلج الصدر
وانا تعبت وزاكرت علشان أنجح
إنت بقى اللي عليك تجيبلي هديه ههههه

تقبل خالص تحياتي
******************************************
ورود وأشواك


أشكرك علي مرورك وكلماتك الجميله
وحمدا لله علي السلامه
كل الموضوع إني كنت حابب بعد عودتك
أنك تنوريني بتعليقاتك
دونما تذكرة او عتاب مني
بعدما علمت بعودتك بالصدفه

تقبلي تحياتي

ahmed_k يقول...

saso

أهلا وسهلا بكي في زيارتك الولى
وإن شاء الله أسعد بتنويرك هنا دايما

والحكايه اللي زعلانه منها حللها بسيط
إنتي إدتيني حللين ليها
بس أنا شايف في حل تالت ليها
غير الأتنين دووول ههههههههههههه

بجد مرورك وكلماتك جميله
بارك الله فيكي
تقبلي خالص تحياتي
*****************************************
موناليزا

اشكرك أختي علي مرورك الجميل
ومش قشرة موز لأ
لازم قطعه من الموزه نفسها علشان تعمل
مفعول الصمغ ههههههه

نورتي
في امان الله
*********************************************
nonni

يووووووووووه كنا عاملين عصابات
حاجه تجن فعلا
والله كتر خير المدرسين علشان إستحملونا
ليهم الجنه

نورتي يا نوني

في امان الله

appy يقول...

كن كالنخيل عن الأحقاد مرتفعا

يرمى بحجر فيلقي بأطيب الثمر



يا ريت بجد اعرف ابقى زيها الا لو حد حدفنى بحاجه بحدفه بقلل ههههههه

قوس قزح يقول...

احمد انا بشكرك على مشاركتك و ايجابيتك و ان برغم بعدك لكن شاركت معنا ببؤجتك

جزاك الله خيرا

نهر الحب يقول...

احمد
ازيك يا جميل القلب
يارب تكوننا فرحانة جداا انك شاركت فى الحملة وكمان عملت بوست يجنن تسلم ايدك ويسلم قلبك بحب الله يارب
بجد اان فخورة بك جدااا
على فكرة ان شاء الله هنعملها تانى فى رمضان بس يارب تقدر تجى
اما عن صفاتك فهى كلها ماشاء الله عليك فيها ربنا يثبتك على الايمان ومحبة الله ورسولة

جزاك الله خير
ورمضان كريم

مشتاق لله يقول...

لكن هيهات أن تنتهي الواجبات


ورايا ورايا

ahmed_k يقول...

appy

مش صعبه ولا حاجه
شوية تكبير دماغ مع حبة تطنيش
حتلاقي الأمور بقيت زي الفل
وخساره القلل القناوي
غليت الأيام دي

تقبلي خالص تحياتي
*******************************************
قوس قزح


أنتي من تستحقين الشكر والثناء
ولم نقدم سوى أقل القليل

بارك الله فيكي

في أمان الله
********************************************
نهر الحب


كلماتك تدل علي ما أخترتيه
إسما لكي
فأنت نهر فياض بالحب إسما على مسمى
وإن شاء الله أتشرف بالمشاركه معكم في رمضان بس يا ريت يكون بعد الفطار
أصلي قبل الفطار بكون خارج نطاق الخدمه ههههههههههه
أشكركي علي كلماتك الجميله
بارك الله فيكي
وتقبلي خالص مودتي

في أمان الله
********************************************
مشتاق لله


أشكرك علي مرورك وتواصلك

تقبل تحياتي

د/مروة المعداوى .....قباحة سابقا يقول...

والله يا احمد اجاباتك حلوة مووووت

و عايزه اقولك ان المقوله اللى بتحبها هى فعلا اللى مصبرانى على اللى بشوفه



كن كالنخيل عن الأحقاد مرتفعا


يرمى بحجر فيلقي بأطيب الثمر


و هسمى برضو واحد من عيالى سيف بس دا لو حصلت المعجزة ....هاااااااااع

مبسوطة جدا بمرورى انهاردة

تشااااااااوووووووووو

طوبة ذهب وطوبة فضة يقول...

الكلام جامد لا وتلميذ شاطر كمان يالا ربنا يزيد صراحتك ويرزقك بالانسانه المتدينه واكيد بطلت خش انت خلاص كبرت بقى على الحاجات الصغيره دى

محمد الجرايحى يقول...

أخى : احمد
أدعو الله أن يكتب لك ولنا جميعاً زيارم مكة الكرمة ، والمدينة المنورة

اللهم آمين

tote يقول...

السلام عليكم
اجابات ممتازة وهو نفس التاج اللى مرره ليه صديقى وبعض اجاباتك متشابهىة معى هههههههه
ربنا يوفقك ويحققلك امانيك
تحياتى

ahmed_k يقول...

د/مروه

يا مرحبا بأهل الطب
منوره يا دكتوره
ههههه وكويس السيوف كترت
تيجي نتبارز هههههه

مرورك يسعد القلب
بارك الله فيكي
دمتي بكل خير
********************************************
طوبه ذهب وطوبه فضه

بطلت خالص
علشان بطلت إمتحانات هههههه
ربنا يسعدك كما أسعدتيني
بزيارتك الأولى هنا
كرري الزياره دوما

في أمان الله
********************************************
محمد الجرايحي

أخي العزيز حياك الله
أدعو الله أن يرزقنا جميعا
زيارة بيته وقبر رسوله الكريم

في أمان الله
*******************************************
tote

والله ما غشيت منك حاجه ههههههه
بالتأكيد كانت صدفه
ربنا يكرمك يا توتي
فأنتي ضيفه عزيزه هنا
تقبلي خالص تحياتي

في أمان الله

ورود و أشواك يقول...

و الله يا احمد انا مجيتش بس علشان عتابك او تذكرتك
انا كنت كدة كدة حرد على كلو بس
الوقت مش بيسعفنى ارد على كله مرة واحدة
فكنت باخد المدونات من فوق لتحت عندى من ليست المدونات المفضلة

:)

(احمد سكر ) يقول...

هههههههه

ايون ياعم هتلعب كوتشينه مع الشفقه والاحسان

رائع يااحمد اجابتك

اللى قربتنا من شخصيتك رويدا رويدا

تحياتى اخى الفاضل اللى سعدت جداااااا

بالتعرف عليه واتمنى من الله ان اراك قريبا

اخيك

احمد سكر

Gannah يقول...

أستاذ أحمد
بالرغم عدم حضورك ليوم بؤجة الخير لكن كلنا شعرنا بوجودك معانا وربنا يجازيك خير
وربنا يحقق لك احلامك كلها ونشوفك عندنا فى المدينة المنورة قريبا بس ساعتها ممكن ترفض ترجع الغردقة تانى
اول مرة اسمع عن طريقة الغش دى واضح انك انسان مبتكر:)
تقبل تحياتى

سبهللة يقول...

عجبنى اوى اختراعات الغش الهايلة فى الامتحانات
لان انا كنت خايبة اوى اوى فى موضوع الغش دة
فكنت بستسهل واذاكر احسن
كنت بخاف على كرامتى اوى لا احسن اى مراقب يقفشنى وتبقى مصيبة
بس لما كبرت عرفت ان كدة احسن
وعرفت ان ليس منا من غشنا
تحياتى ليك وكل سنة وانت طيب بمناسة رمضان

الريم يقول...

احمد كل سنة وانت طيب

أختكم فى الله يقول...

أخى الكريم


اولا اجابات رائعة ربنا يكرمك ويحققلك كل احلامك

اسفة على التاخير فى الرد

والله العظيم الكمبيوتر عندى بايظ وبنشر بوستاتى يا من عند اصحابي يا من برة

فمش بعرف اعلق فى المدونات الصديقة بسهولى

يا ربيت تقبل الاعتذار


جزاك الله خيرا

ahmed_k يقول...

ورود وأشواك

أنا مقدر يا منه ظروفك
وأسأل الله أن يعينك ويوفقك

تقبلي خالص التحيه
في أمان الله
*******************************************
أحمد سكر

أشكرك يا أحمد علي كلماتك الجميله
وربنا يديم المحبه بيننا فيه
وأجدد شكري لك علي ما بذلته من
جهد بسببي
بارك الله فيك

في أمان الله
*******************************************
جنه

يعجز قلمي علي كتابة رد يلائم
طيب و ذوق ما خطه قلمك
بارك الله فيكي
وهل أنتي مقيمه بالمدينه المنوره ؟؟؟

ما شاء الله إنها والله لأمنيه
أدامها الله عليكم
أنا سبق لي زيارة مكه والمدينه 9 مرات
ولكن أقصى مده في إحداهما كانت 10أيام
نظرا لظروف التأشيره
وصدقتي لولا هذا المانع ما عدت ثانية

أسعدكي الله
وإدعيلي ألقاكم هناك
حيث يرقد خير البشر وسيد العالمين

وتقبلي خالص تحياتي

في أمان الله

ahmed_k يقول...

سبهلله

وكل سنه وحضرتك طيبه
ورمضان كريم

وبالفعل عده أحسن منه
(الغش قصدي) هههههههههه
ومن غشنا فليس منا في الحياه
والمعاملات
أما الطالب الذي يغش
فهو يغش نفسه قبل غيره

وتقبلي خالص تحياتي
والسلام ختام
*******************************************
الريم

وإنتي بالصحه والسلامه
رمضان كريم
*********************************************
أختكم في الله

بارك الله فيكي على كلماتك الجميله
ومقدر سبب التأخر والله
وعلى رأي المثل
كل تأخيره وفيها خيره

وتقبلي خالص تحياتي

في أمان الله

قطرات من شواطئ الحياة يقول...

(كن كالنخيل عن الأحقاد مرتفعا

يرمى بحجر فيلقي بأطيب الثمر )

ما أروعها !!

بصدق استمتعت بمروري هنا .. مدونتك أكثر من رائعة
تحياتي لك و كل عام و انت بخير

kochia يقول...

كل عام وانت بكل خير
وشاطر انك حليت الواجب

احسن ماكان يتكوم عليك

المهم اجاباتك صريحة ومباشرة وواقعية

تحياتي

ahmed_k يقول...

قطرات من شواطئ الحياه

حللتم أهلا ونزلتم سهلا
مرحبا بكي أختي دوما
أنا اللي سعدت جدا بمرورك الجميل
من هنا
وكل عام وأنتم بخير

تقبلي خالص تحياتي
*********************************************
كوشيا

منوره والله
وبصراحه قلت أحل الواجب
أحسن الأستاذ يلم الكراسات
ويلقاني مش مجاوب
وبكده أعمال السنه
ممكن تتأثر هههههههههه

تقبلي خالص التحيه