الاثنين، 3 نوفمبر 2008

أكلت يوم أكل الثور الأبيض




السلام عليكم


طالعتنا الصحف ووسائل الإعلام منذ أيام بخبر مفزع


فقد قامت الولايات المتحده بإعتداء جوي على مدينة


سوريه صغيره تقع بالقرب من الحدود العراقيه ,


هي مدينة البوكمال الحدوديه والقريبه من مدينة


القائم العراقيه ,


وتم هذا العدوان في صبيحة يوم 27/10/2008


بحجة ضرب محطه لنقل المقاتلين العرب والأجانب


إلى العراق لمحاربة قوات الإحتلال ,


فقامت أربعة طائرات مروحيه
بضرب مبنى مدني تحت الإنشاء,


وأسفرت الغاره عن مقتل ثمانية مواطنين سوريين


من ضمنهم رجل وأبنائه الأربعه ورجل وزوجته
بخلاف المصابين .


وأتسائل هل من حق أمريكا أن تعتدي على بلد مستقل ذو سياده


حتى وإن كان مبررها لشن تلك الغاره صحيحا ؟؟؟؟


طبعا لأ ولكن أمريكا وخصوصا أمريكا بوش تعودت على أن تضرب


بكل المعاهدات والمواثيق الدوليه عرض الحائط من أجل مصالحها ,


ولكن ما هي المصلحه من وراء هذا العمل الأحمق ؟؟؟؟


أمريكا تفرض حاليا على العراق إتفاقيه تمكنها من إنشاء قواعد عسكريه
دائمه في العراق , مما يستتبع أن تخفض عدد قواتها وعتادها ,


فكان لزاما من إعطاء ضوء أحمر لكافة الجبهات المعاديه للوجود الأمريكي


بالعراق وعلى رأسهم سوريا وإيران ,
وطبعا لأن سوريا هي الجانب الأضعف


فقد تلقت هى هذه الرساله , أما لو تم إعتداء على إيران
فقد تفهمه طهران بشكل خاطئ


على أنه بداية عدوان أمريكي عليها بسبب برنامجها النووي
مما قد يثير حكام طهران


والذين لديهم القدره أن يحيلوا الوجود الأمريكي
بالعراق وأفغانستان والخليج إلى جحيم ,


فإيران تملك من الأوراق ما يمكنها
من الرد وبشراسه على أي إعتداء عليها ,


مما يجعل مستقبل المنطقه والعالم على صفيح ساخن ,


وهو مالا تستطيع أمريكا مواجهته ,
فمصالحها كلها ستصبح معرضه للخطر ,


أما سوريا فمعلوم مقدما قدراتها وردود أفعالها محسومه ومعروفه


وخصوصا بعدما أقدمت إسرائيل في سبتمبر 2007على ضرب موقع


الكبار النووي السوري بدعم مخابراتي أمريكي
ولم يزد ردها عن التنديد والشجب,


وكذلك ردة الفعل العربي الذي لا يزيد عن الموقف السوري شيئا ,


ونتعجب ألا يوجد لدي الأشقاء بسوريا سلاح دفاع جوي !!!!!


فالغاره تمت بطائرات مروحيه يسهل جدا إسقاطها


أم أن المارد الأمريكي أصبحت له اليد الطولى في المنطقه
يسرح ويمرح كيفما أراد؟؟


وثم يخرج علينا الناطق بإسم الحكومة العراقيه
لكي يبرر إقدام أمريكا على هذا العمل


وطبعا هذا هو المتوقع من حكومة عميله لاتملك من أمرها شيئا ,


أتذكر قصة درسناها ونحن أطفال تحكي أن هناك ثلاث ثيران


أبيض وأحمر وأسود وكان أسدا يريد أن يفترسهم ,


وكلما حاول وجدهم مجتمعين فلم يتمكن من إفتراسهم, ففكر للأمر


فعمل على أن يفرقهم ,


فتحدث إلى الثورين الأحمر والأسود وقال لهم دعكم من الثور الأبيض


ودعوني ألتهمه وأعدكم أني لن أقترب منكما أبدا , فتركاه ليأكله


وبعد فتره تحدث للثور الأحمر وقال له نفس الأمر ليأكل الثور الأسود


فتركه ولم يدافع عنه حتى جاء الدور على الثور الأحمر ليتم إفتراسه


هنا تنبه الثور لتلك الخدعه وقال المثل الشهير
(أكلت يوم أكل الثور الأبيض)


ونفس هذا المثل ينطبق على حال أمتنا


فهاهم إنتهوا من العراق والآن سوريا فياترى من القادم ؟؟؟؟؟


هناك 58 تعليقًا:

خَديجَه الجُهني يقول...

أنا سعيدة لأن نهايه أمريكا باتت قريبه بإذن الله / الخوف ممن سـ يسيطر على العالم بعدها .. أتراها الصين ؟


.. العالم الإسلامي العربي لازال بكل أسف تحت وطئه التسلط و العدوان
من افغانستان و العراق و فلسطين و السودان والصومال
ربي لطيف بعبادة

بنت مصريه يقول...

امريكا تسيطر والعالم العربى لايبالى
متى سنفوق
سعدت بمدونتك وبوستك الرائع

ارحم امتك يا رب
امين

nona يقول...

عادى باة ما انضربت افغانستان و الكل سكت و بعد كدة العراق و الكل ساكت و فلسطين من زمان مطحون و برضة الكل ساكت تفتكر يعنى انهم هيجوا يطبطبوا علينا و يدولنا حاجة حلوة
اكيد هيفضلوا يضربوا فى واحد وراء التانى لغاية لما يتمحى الوجود العربى نهائى
ربنا يرحمنا برحمتة

على عبدالله يقول...

لا اطمئن
الدور مش على مصر ولا حاجه
لان مصر مامنه نفسها كويس
يعنى عندك مثلا معاهدة كامب ديفيد
ومعروف ان اليهود ليسو ناقضى عهود منذ عهد النبى صلى الله عليه وسلم
اما الامريكان فهم احبابنا واسيادنا وعلى راسنا من فوق
وما غلطوش ابدا لما احتلوا افغانستان ولا العراق حتى لانهم كانوا بيحاربو الارهاب !!!
وفلسطين شعب ابن ستين عشان كده كان لازم حامى الحمى "امريكا يعنى " يساند اسرائيل لتهذيب هذا الشعب

لتانى مرة بقولك اطمئن على مصر خاصة والوطن العربى عامة
وخصوصا لتوافر القيادات السياسية التى لا تقبل مجرد المساس بكرامة الامه العربيه ،،،، الا ترى الجهود المبذولة فى الشجب والادانه !!!!!



ربنا لا تؤاخذنا بما فعل السفهاء منا

تحياتى لك اخى احمد

كاميليا بهاء الدين يقول...

ولكن ما هي المصلحه من وراء هذا العمل الأحمق ؟؟؟؟

....

ضربة وقائية .. تحمل رسالة الى العرب مفادها .. ان الازمة المالية التى تطحن اميركا الان .. والتخبط السياسى الدائر فيها .. لا يعنى أن سياستها الخارجية سوف تتغير ..

بالعربى .. يا عربى اوعى تحلم.

ربنا يرحمنا
من حكامنا


احترامى

محمد فاروق الشاذلى يقول...

نردد جميعا قصة الثيران الثلاثة والحكمة منها منذ سنوات عدة ولكن الواقع لم يتغير فى شىء، يبدو أننا مصريين على أن يأكلنا الأسد الأمريكى!!!

رئيس جمهوريه نفسى يقول...

الفكرة مش في كدة
بصي يا احمد اولا فاتورة الوجود الامريكى فى المنطقة من ايام حرب الخليج بيتحملها دول الخليج والوجود الامريكى بعد حرب العراق ما هو الا لمجرد تامين امدادت البترول الخليجى لامريكا خاصة بعد موقف فنزويلا وايران احد اكبر دول العالم انتاج للبترول ضدها فكان لازم المنطقة تفضل مولعه علشان امريكا تفضل في المنطقة بحجة حماية المصالح وكمان الاستفادة من زيادة الفرقة بايقاع مناوشات سوريا عراقية لانى الضربة لتامين العراق من المسلحين
كمان اشعال المنطقة حيكون لية تاثير على الانتخبات بتوجية الناخب الامريكى ناحية ماكين علشان سياسة حماية المصالح العراقية تستمر

غروب يقول...

قصه جميله اوى يا استاذ احمد

لكن الاهم هو المعنى

امتى فعلا هنقدر نتجمع ومنبقاش تيران

اشكرك على الموضوع الجميل

تحياتى لك

غروب

صبرني يارب يقول...

تحياتي لحضرتك علىالتحليل ده الى فعلا واقعي ومقنع جدا

وفعلا فعلا هو ده الى بيحصل انهم بيجبونا واحد واحد
واحنا ساكتين برضه
واحنا لسسسسسسسه سااااااااااكتين
يارب نبطل سكووووت

تحياتي لك استاذنا

فاتيما يقول...

كلنا متاكلين بالفعل يا أحمد
و مصر مش منتظرة غارة عسكرية على أراضيها و لا حاجة
الغارة ممكن تاخد شكل تانى ثقافى أو سياسى أو حتى إقتصادى
كلنا فى الهم شرق يا صديقى
و الوليمة بدءت من زمن بعيد

هانى زينهم يقول...

أم أن المارد الأمريكي أصبحت له اليد الطولى في المنطقه
يسرح ويمرح كيفما أراد؟؟
ده سؤال يا احمد ؟؟ انت لسة شاكك ؟؟
عموما اجمل حاجة فى البوست ده الربط بين قصة الثور وبين حال العرب وفعلا شكلنا كدة احنا الثور القادم ... قصدى الدور القادم ؟؟

Empress appy يقول...

كل ما فى الموضوع بوش حب يسيب لنا تذكار بس قبل ما يغور
ويعنى سوريا عملت ايه كل اللى عملته اشجبت وصوتت وولولت
على فكره هما مواليين ليهم يعنى منها فيها يا كابتن الاسد كده اللهى يوعده بفار يقرضه

ahmed_k يقول...

خديجه الجهني


فعلا قد يكون سقوط نظرية
الرأس ماليه بداية السقوط
لأمريكا كقوه إقتصاديه كبرى
والصين مازال يحكم بالشيوعيه
والقهر والظلم فيها هو الطاغي
فلا أظن أن الصين هي القادم
ربما أوروبا والله أعلم
أشكر مرورك الجميل يا خديجه
دمتي بكل خير
*********************************************
بنت مصريه


أهلا بيكي ومرحبا
أمريكا تسيطر لنها تملك القوه
ولأننا نسينا أمر ربنا
أن نعد لهم ما أستطعنا من قوه
ليس بالضروره كما يملكون
ولكن الإستطاعه ثم الله ناصرنا

تقبلي خالص تحياتي
**********************************************
nona


فعلا قالوا لفرعون أيه فرعنك
قال ملقيتش حد يردني
ندعوا الله أن يكشف عن أمتنا كل غمه
اسعدني مرورك يا نونا
دمتي بكل خير
***********************************************
علي عبد الله


فعلا يا علي المفاهيم إنقلبت لدى المجتمع الدولي,
والبركه في اللوبي الصهيوني
وإعلامهم النافذ والمسيطر ,

نورت يا بو علي وبسعد جدا بكلماتك
وتعليقاتك الجميله
تقبل خالص تحياتي
**********************************************
كاميليا


طبعا كلامك قد يكون صحيحا
ولكن للأزمه الإقتصاديه تأثير واضح
لكل متابع الأحداث
فوقت حدوثه بالإضافه للإنتخابات
قد أدي لفرط الزمام قليلا من أيديهم,
لذلك آثروا إرسال تلك الرساله,
خصوصا أن توقيتها غير منطقي بالمره
بالنسبه لأحداث الأعمال الفدائيه بالعراق فقد خفت وتيرتها.
أسعدني مرورك يا كامي
دمتي بكل خير
**********************************************
قلب مصري


المشكله أمام الأسد في الواقع
أن الثيران ليسوا 3
بل أكتر من كده خالص
عشان كده الوقت طول شويه ههههههه
ربنا يستر
منورني يا صديقي
وتقبل خالص تحياتي

ahmed_k يقول...

رئيس جمهورية نفسي


في البدايه قد نختلف بخصوص توجيه الناخب الأمريكي بإتجاه ماكين,
فمعظم الشعب الأمريكي يرغب في سحب القوات من العراق وعدم التورط في حروب جديده لأثرها البالغ على إقتصادهم,
ويستطيعون بوسائل عديده العمل لزيادة التوتر في المنطقه بتشجيع
طرفي الشيعه والسنه على التقاتل فيما بينهم وهو أمر أصبح سهلا عليهم ,
أما ضرب سوريا وفي هذا التوقيت بعد إنخفاض حدة التوتر فبالتأكيد له
علاقه بالإتفاقيه الأمنيه المفروضه على العراق ...... هذا والله اعلم
طبعا سعدت جدا بتشريفك يا متر
وياريت متغيبش عننا كتير تاني

دمت بكل خير
*********************************************
ما بعد الغروب


أهلا بيكي أختي العزيزه في
أولى زياراتك هنا
وأرجو أن تكون بداية تواصل دائم.
وربنا يستر ومنطلعش تيران
ويكون مصيرنا السلخانه.
وتقبلي خالص تحياتي
*********************************************
صبرني يا رب


أهلا بيكي يا ام مريم
وبارك الله فيكي
وزي ما في قصة الثيران يتم الخداع
بتمنيتنا بما نطمع فيه
وفي الآخر لا نطول الجلد ولا الساقط.
ربنا يستر على أمتنا وأوطاننا

تقبلي خالص تحياتي
*********************************************
فاتيما


أهلا أهلا بأختي الغاليه
وبالنسبه لمصر فقد تم تحييدها منذ فتره,
ليتم نهش باقي الطراف الواحد تلو الآخر
لعلمهم أنه لا حرب بدون مصر,
ولعلمهم أنه لا سلام بدون سوريا وهم
لا يريدون السلام لذلك يتم مناوشتها دوما ,
ولكن لازم ياجي اليوم إن لم نفق ليتم أكلنا حته حته هم هم هم.
نورتي يا فاطمه
تقبلي خالص تحياتي
**********************************************
هاني زينهم


أخيرا هاني باشا هنا
يادي الهنا يادي الهنا
ليه الغيبه الطويله دي يا صاحبي؟
عموما منورني يا هاني
وحقا ما قلت فنسأل الله العفو والعافيه,
وتقبل خالص تحياتي
**********************************************
appy


فار يقرضه هههههههههههه
كلامك حكم والله مقدرش أقول حاجه عنه,
ومعاكي حق بوش لازم يأكد لآخر لحظه
أنه ليس بطة عرجاء كما يظن البعض,
والحمد لله أن أمريكا ليست بلد عربي
وإلا كان بوش كتم على نفسنا العمر كلله,
بس منوراني يا آبي
متغبيش كتير تاني
تقبلي خالص تحياتي

اقصوصه يقول...

الله يستر

والقادم اسوأ,,!

mahasen saber يقول...

امريكا بقا العالم العربى وارضه تحت رجلياها يا احمد ولما بتدوس وبتوجع محدش بيقولها ااقفى عندك شيلى ايدك اليى عايزه قطعها عن اخويا ...يعنى احداث ابو غريب ومجازر اسرائيل وانتهاكات فرنسا فى الجزائر حتى ولو تسترت تحت لواء الجماعات الاسلاميه كما تدعى والخراب اليى اتصنع فى قطر من قواعد جويه لامريكا ومساندتنا دولنا وبلادنا العربيه ليها فى كل خطواتها الانتهاكيه المباركه عارف بنساندها ازاى يا احمد بالشجب والتنديد والصمت اليى بيكون ابلغ من الكلام
جسد امتنا مات من زمان واحنا صوتنا اتخرس من قبله واخر عهدنا بالكرامه كان فى 73 فسوريا هتضرب اكترمن كده وهتبقى عراق جديد لانها الوحيده اليى ليها شوية صوت تزعق بيهم وتقول لامريكا ايدك دى هقطعهالك حتى ولو جعجعه على الفاضى ناهيك عن مساندة سوريا لحزب الله فلازم زى ما قلت تتضرب عشان الرساله توصل لغير
.............
قلبت المواجع يا احمد والواحد خلاص كان بيحاول يشغل فريون اعصابه ويجمدها

مهرة سالم يقول...

السلام عليكم...
نسأل الله أن يرحم جميع الموتى ويلهم ذويهم الصبر...
.............
فرق تسد...أنجح السياسات...
......................
ليتنا نعتصم بحبل الله جميع و لا نتفرق ..
........

مـجـنـووون يقول...

معدش فيه نخوة ولا رجوله

كان زمان لو عرض واحده مسلمة انتهك كانت جيوش كاملة تطلع علشان تحررها وتاخد حقها

ولا ننسي موقف الحجاج ابن يوسف الثقافي

عندما علم أن أمراة مسلمة عند الفرس تستغيث به

فجهز جيش قوامه الف الف رجل وتكلفته الف الف دينار علشان يفك اسرها


الي بتعمله امريكا مش هادفه سوريا بس ولكن بتجس نبض العرب وتشفهم حيعملوا ايه لو قعدوا في العراق او ضربوا بلد تانيه

واحنا قاعدين وحيجي اليوم الي نقول فيه أكلت يوم أكل الثور الأبيض

تقبل مروري
مجنووون

moory-mero يقول...

السلام عليكم و رحمة الله و بركاته

أونكل أحمد سعيدة بمتابعتي مدونتك الكميلة خالث دي
كل اللي عايزة أقوله موش في حد قوي للأبد ومهما فعلت أمريكا وظلمت وقتلت وحرقت وخربت لها يوم وحاساه قريب ان شاء الله وبتمنى يكون بيد عربية مسلمة
بالإضافة إن الدولة دي بجد من أكبر الدول التي تتمتع بالفساد الإنساني أنا ساعات بحس إنهم لو موش لاقوا حد يحربوه ويموتوه هيموتوا نفسهم بلد متسلطة وغبية
ولهم رب العالمين أقوى منهم وقادر عليهم إن شاء الله
عندي إحساس إن إما أوربا أو اليابان هي الدولة الأم المسيطرة قادما

كنت أتمنى تكون مصر بس بعيني الصغيرة المنفتحه على العالم وبرؤيتي المتواضعه شايفه إن بلدنا ممكن تتغير للأفضل وتصعد للقمة لو اللي ماسكها أصلا بيحب البلد موش بيسرق البلد

ربنا معانا يارب وينجي الناس من شر أعداء الإنسانية

في رعاية الله

ahmed_k يقول...

أقصوصه


أهلا بك أختي العزيزه
ونسأل الله العفو والعافيه
دمتي بكل خير
**********************************************
محاسن صابر


يا باشا شغل الفريون وعيش الحياه
براحتك خالص لسه الدور بتاعنا مطول
وامريكا في عهد بوش كانت لعنه على العالم
أنا أول ما تم ترشيحه قلت الراجل ده باين عليه الغباء بشكل مستحكم
وفعلا كان نكبة على العالم
أسأل الله أن يرينا فيه يوما هو وأعوانه
منوره كعادتك دايما يا محاسن
وسلميلي على الست الوالده
وتقبلي خالص تحياتي
********************************************
m.k


وعليكم السلام
وحقا ليتنا نعى ونتعلم من دروس
تفرقنا في العصور الماضيه
ولا نتمادى فيه
أسعدني مرورك يا أختي
دمتي بكل خير
*********************************************
مجنووون


أهلا وسهلا بالصديق الغالي
طولت الغيبه عننا يا مازن
ودعني يا صديقي أصحح أن الخليفه
الذي جيش الجيوش لنصرة المرأة المسلمه هو المعتصم بالله وليس أبو الحجاج الثقفي
وكانت تلك المرأه من عموريه عندما لطمها رجل في السوق فصرخت واامعتصماه
فوصله النبأ فقال مقولته الشهيره
لبيك أختاه والله لآتينك بجيش أوله عندك وآخره عندي, وحقق الله بسبب تلك المرأه فتح عموريه,
ولكن كانت أمتنا يومها موحده تحت لواء خليفة واحد ولم نكن دويلات كحالنا اليوم
نورت يا مازن
دمت بكل خير
*********************************************
mero-moory


وعليكم السلام ورحمة الله
إزيك يا اونكل أخبارك أيه؟؟؟
أخدتوا أيه في المدرسه إنهارده؟؟ ههههه
وفعلا بدأ الإنهيار بإنهيار إقتصادي
فالحروب والكوارث الطبيعيه من أعاصير وفياضانات بدات في إجتياحها وهذا من بوادر السقوط,
والقادم حسب رؤيتي هي اوروبا لأن اليابان دوله خانعه وذليله لأمريكا سياسيا
ومصر بمفردها لا يمكن تكون دوله عظمى فلابد من وحدة العالم العربي على الأقل لننال تلك المكانه
ولو إتحد
نا كأوروبا وتظل كل بلد لها هويتها الخاصه لأصبحنا من أعظم القوى في العالم
ولكن الغرب لن يتركنا لنصل لتلك المرحله ويساعده على ذلك عملاؤه من الحكام والتابعين من أبناء العروبه
للأسف الشديد
نورتي يا مريوم
تقبلي خالص تحياتي

Mony يقول...

ربنا يسترها علينا و الله

الواحد مش عارف يروح فين و لا يعمل ايه غير الدعاء

انسب عنوان للبوست هو اللي اخترته

Geo Amr يقول...

حسبى الله ونعم الوكيل ما اخد بالقوة لا يرد الا بالقوة

مـجـنـووون يقول...

سيدي الفاضل انا بتكلم عن واقعه حدثتمع الحجاج ابن يوسف الثقافي وانا قريها في كتاب بس مش متذكر اسمه

تقبل مروري استاذي العزيز
مجنووون

Unknown يقول...

أخى الفاضل: أحمد
السلام عليكم ورحمة الله وبركاته
عرض قيم وتحليل واع
لقد سيطرت أمريكا بالفعل على المنطقة وفرضت سيادتها عليها ومازالت إيران كما تفضلت وأوضحت هى الشوكة والتى طرفها سورية ودائماً الأطراف هى أضعف مافى الجسم
وطبعاً سورية لاتستطيع رداً....
وليس مستغرباً رد الفعل السلبى للعرب والجامعة العربية التى أصبحت هيكلاً أجوفاً

الدور على مين ..هذا هو السؤال...

رئيس التحرير يقول...

أعذرني صديقي العزيز
فنحن ( هنا في المدونات )او كما يحلو لصديق لنا ان يسميه عالم التهوين ، لا يختلف دورنا و موقفنا عن موقف الدول العربيه التي لا تستطيع حتي ان تستنكر ما يحدث . قدرتها توقفت عند الشلل التام .كذلك نحن الحال من بعضه و لنا الله .

أمل حمدي يقول...

اخي احمد

صار ما نلاقيه ونكابده مسلسلا هزليا

مملا

سئم المتفرجون اخي

تمنيت ان يتغير الابطال ربما ينتهي المسلسل

والله المستعان

مواطن مصرى نايم يقول...

تحليل بجد فى محله
ممكن فعلا تكون ضربة امريكا لسوريا للسبب اللى انت ذكرته
بس سواء كده او للسبب اللى هى بتقول عليه
كان من الاولى للعرب عموما ان يكون فى تصرف للكل الدول العربية و لكن هيهات
مفيش عرب خلاص

ربنا يتولانا

تحياتى

اسلام

ابو نظارة يقول...

أستاذ أحمد
لما اسرائيل ضربت سوريا السنة الماضية خرج الكومبارس الهزلي بشار الأسد ندد واستنكر ثم طالب بضبط النفس !!!
بيطالب مين مش عارف ، مش المفروض ان يكون فيه طرف محايد مش عايز يقرف نفسه معاهم - زي مصر مثلا - هي اللي تطالب الطرفين بضبط النفس ؟ ولا تفتكر هو قرأ من الورق بتاع التمثيلية دور غير الدور بتاعه ؟
المنظر الهزلي الآخر بعد الضربة الأمريكية الأخيرة لكومبارس آخر هو وزير الخارجية السوري الذي سأله الصحفيون عن الخيارات السورية المطروحة فرد بكل قوة وهو يرفع حاجب التحدي الأيسر : الخيارات كلها مفتوحة
ولست أعرف ما هي الخيارات المفتوحة أمام سيادته غير الاستنكار والشجب وضبط النفس
فعلا كومبارس درجة ثالثة
جزاكم الله خيرا

رئيس التحرير يقول...

السلام عليكم ورحمه الله
اشكركم علي زيارتكم الجميله ...الحمد لله متفقين في كل النقاط..ولن نختلف علي شيئ. هناك تطابق في وجهات النظر ...لا تحرمونا من فيض كرمكم بتكرار الزياره .دامت بيننا المحبه...
موضوعكم عميق ويحتاج لكثير من التروي..وقد حسمت القضيه بقصه العجول الثلاثه ...دمت أخي الحبيب.

إيمان قنديل يقول...

اللهم رد كيدهم في نحورهم


آمين

shimaa يقول...

سنظل ننادى ونحذر ونعترض ولكن فى النهاية لن يتغير ما بنا
لاننا لا نفعل شيئا من اجل التغيير
فالخوف قاتلنا منذ زمن
ومصالح حكامنا تسيطر على كرامتنا

ليتنا نفيق

دمت بخير

طوبه فضه وطوبه دهب يقول...

لا يسعنا الا ان نقول حسبنا الله ونعم الوكيل يمهل ولا يهمل تحياتى لك اخى العزيز وعلى مشاعرك النبيله تجاه تلك الافعال

صباح الصباح يقول...

خبر عجيب فعلا يا احمد والحقيقة اول مرة اسمعة

بس هوة البجاحة توصل الى كدة

طب والكلام دة تم امتى والناس كلها مشغولة بانتخابات الرئاسة اللى نجحت اوباما واللى اعتقد وبشدة انة هيكون سىء برضة بس غبى زى بوش الابن

Unknown يقول...

ازيك يا حاج احمد
بص ياعم الحاج
امريكا لها مخططات فى الاستلاء على البترول العربى وتفتيت اى موطن اسلامى والقضاء عليه ولها حلفاء مش بيقولوا بم منهم واقواهم مصر فعايز اية يعنى حد يحتج او يقول التزامات واتفاقيات دولية دا كلام الناس اللى مندهمش غير الصوت والبكاء فى مجلس النمل ايوة النمل مش الامن وطبعا برضوا بيطلعوا غلطنين بحق الفيتو
كمان انت ناسى ان العالم قسم من بعد 2001 الى مع امريكا او ضد واللى ضد شاف الويل وطلعوه من تحت الارض ومثلة بجسدة
مين بقى انت شايفة راجل وممكن يتحمل كدة ؟؟ من اللى بالى بالك ؟؟؟
ولا حتى يتحمل انه يترك الكرسى ؟
يبقى الحصيلة ان كله مع ويا امريكا اعملى اللى تحبيه
سمعنا وطاعه
حرقت دمى وخلتنى اكتب بالبلدى اوى الله يسمحك

كـــيــــــــارا يقول...

مش عارفه اقولك ايه بجد يااحمد فعلا مش عارفه انا خلاص اوشكت علي الياس

ahmed_k يقول...

mony


بارك الله فيكي يا موني
والدعاء قد يغير القدر
أسعدني مرورك الكريم
دمتي بخير
*********************************************
geo amr


فعلا صدقت
والكرامه يلزمها قوة تحميها
أشكر مرورك الكريم
دمت بخير
********************************************
مجنووون


أهلا بك أخي الحبيب
أنا لم أسمع عنها تلك الواقعه
وسأبحث عنها
أشكر متابعتك ومرورك الكريم
دمت يا صديقي بكل خير
********************************************
محمد الجرايحي


وعليكم السلام ورحمة الله
صدقت يا أخي
فالجامعة العربيه هناك من العرب من يريدون تهميش دورها
وجعلها مجرد قهوه يجتمعون فيها لإحتساء
القهوه وتبادل الشتائم
وهي التي كان معقودا عليها الكثير من الآمال
أشكر مداخلتك الكريمه
دمت بكل خير
*********************************************
رئيس التحرير


أهلا بك أستاذي العزيز
وأشكر مرورك الكريم
ولكن أعذرني لم أعي ما هو المقصود
من تعليقك
فبرجاء إيضاح تلك النقطه
وتقبل خالص تحياتي

ahmed_k يقول...

ماما اموله


صدقتي نفس الوجوه
ونفس الأدوار
والنهايات معروفه ومحسومه
أشكرك على المداخله الجميله
دمتي بكل خير
*********************************************
مواطن مصري نايم


أبشر يا صديقي فأمة العرب مازال
عرق الحياة ينبض فيها
ولكنه بنج الحكام والمنتفعين
وإن غدا لناظره قريب
أسعدني مرورك الكريم
دمت بكل خير
*********************************************
أبو نظاره


أهلا وسهلا أخي الكريم في اولى زياراتك
وأرجو أن تفيدنا بتعقيبك
على ما نكتب هنا دوما
وحضرتك مش واخد بالك أن الخيارات اللي مفتوحه اللي بيتكلم عنها هي كيلو خيار مجهز للحشو بالأرز
يعني بيقولهم خليكم الغدا قرب يجهز
وده من الكرم الخاص بالسيد الوزير

وتقبل خالص تحياتي
***********************************************
رئيس التحرير


وعليكم السلام ورحمة الله
بارك الله فيك أخي العزيز
وأدام ربنا المحبة فيه بيننا
أشكر لك اخي دوام التواصل

دمت بكل خير
************************************************
كباريه


آمين يا رب العالمين
أسعدتيني أختي الكريمه بزيارتك
والتي أرجو أن تتكرر دوما

دمتي بكل خير

ahmed_k يقول...

شيماء طلعت


أهلا وسهلا بشيماء
طولتي الغيبه
وصدقتي فيما ذكرتي
فإن الله لا يغير ما بقوم حتي يغيروا ما بأنفسهم

تقبلي خالص تحياتي
***********************************************
طوبه ذهب وطوبه فضه


بارك الله فيكي يا دوك
ونسأل الله أن يكشف عن أمتنا الغمه

تقبلي خالص تحياتي
*********************************************
صباح الصباح


إزاي مسمعتش يا محمد عن الغاره
دي وسائل الإعلام كلها كانت متابعه الموضوع ده
بس للأسف إعلامنا إحنا كان بيشير للموضوع على إستحياء
نورت يا محمد وأسعدني تواجدك

دمت بكل خير
**********************************************
نهر الحب


أهلا إزيك يا حاجه نهر ههههه
طبعا أمريكا ليها مصالح وكانت بتقاتل
لتحمي مصالحها
لكن إحنا ما هو دورنا؟؟؟
لماذا لا نحمي مصالحنا ونقاتل من أجلها ؟؟؟
ربك يصلح الحال
أسعدني مرورك الكريم

دمتي بكل خير
********************************************
كيارا


لالالالا غلط
لا يأس مع الحياه ولا حياة مع اليأس
فلأمل في الله كبير
نورتي يا كيارا

دمتي بكل خير

Unknown يقول...

السلام عليكم
ورحمة الله تعالى وبركاته
تتسآل أستاذ احمد:
(هل من حق أمريكاأن تعتدي
على بلد مستقل ذو سيادة)
اقولك بالبلدى اه من حقها
بمنطق القوة والجبروت والفتونة
واللى مش عاجبة يورينى حيعمل ايه؟
مظاهرات ؟تنديدات؟شجب؟اشياء لا تؤثر
فى عالم القوة والسلاح الذى نعيش فيه !!
عالمنا او واقعنا ومستقبلنا
بات شديد السواد وللاسف الشديد
وعذرآ لتشاؤمى هذا ياأستاذ
احمد فما ارى من تسلسل الاحداث
الا ان الدور قادم علينا
لا يهم اليوم او غدآ
ولكنه وللاسف قادم.

حياتنا الزوجية...(عضو رابطة هويتي إسلامية) يقول...

السلام عليكم ورحمة الله وبركاته

الموضوع رائع سأرد في اقرب فرصة

قريبا عرضت علي فكرة مشروع فكري واتمني ان تكون من المؤسسين لهذا المشروع ولمعرفتي باسلوبك شجعت وجودك في هذا المشروع.

اتمني لك التوفيق اتمني منك اضافة هذا الايميل الي ايميلك او ارسال رسالة اليه لاني اود عرض موضوع مهم عليك


اتمني سرعة الاجابة

NOSTOPTOTOP@YAHOO.COM

حياتنا

حياتنا الزوجية...(عضو رابطة هويتي إسلامية) يقول...

صدقني انت من القلة المختارة لهذا المشروع فلا تبخل بمجهودك تجاهه



صاحب مدونة جبهة الدفاع عن العمدة حزين


حياتنا

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي

رابطة هويتي اسلامية يقول...

خش برجلك اليمين يا وله

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية


ابو فاطمة مستنيك علي باب الرابطة وهات الرابطة معاك

ahmed_k يقول...

norahaty


وعليكم السلام ورحمة الله وبركاته
وما ذكرتيه يا دكتوره ليس تشاؤم
بقدر ما هو ذكر لحقائق تحدث على الأرض.

أسعدتيني بمرورك يا دوك
تقبلي خالص تحياتي
********************************************
حياتنا الزوجيه


وعليكم السلام ورحمة الله وبركاته
أسعدني مرورك أخي العزيز
وأشكرك على الدعوه الكريمه أعزك الله
وقد قمت بإضافة الإيميل بالفعل
وفي إنتظار قبول إضافتك عندي

دمت بكل ود
**********************************************
م/ الحسين لزومي


حياك الله اخي العزيز
وأنا بالفعل أقوم بهذا العمل
في محيط دائرتي لمن لي صلة بهم.
وسيكون لي بخصوص هذا الأمر بوست خاص

دمت بخير
*********************************************
رابطة هويتي إسلاميه


حياكم الله
أشكركم على الدعوه الكريمه
بارك الله فيكم
وسيكون بإذن الله هناك إتفاق
بيني وبين أخي أبو فاطمه بهذا الخصوص

مع خالص تحياتي

جنّي يقول...

السلام عليكم

ازيك يا استاذ احمد عساكم بخير

ان لم يكن لامريكا الحق في ضرب سوريا فهل كان لها الحق في احتلال العراق وأفغانستان ؟

اما الثيران فما أكثرهم في وطننا العربي ..

ولكن هل بقي ثيران الآن ؟!!

احنا اكلنا من زمان والسلام

موناليزا يقول...

فى الاتحاد دائما قوة والتفرق دائما ضعف

rovy يقول...

السلام عليكم

اتمنى ان يفيق العرب قبل ان يتم افتراسنا و احدا تلو الاخر و نحن مغيبين و مستسلمين ..
ياارب نفوق ..

بوست رائع ..

تحياتى

رابطة هويتي اسلامية يقول...

يا عم احمد انت موقفني عند باب الرابطة مستنيك ايه يا عم التئل ده كله وهات مجنون معاك ماشي ولا اجيلكم انا والعمدة


ابو فاطمة

هات يا بني كمان كباية شاي

المشاريب بفلوس يا عم احمد

انقذني هات فلوس معاك وانت جاي


استودعك الله

محاولات مخنوقة يقول...

حسبنا الله ونعم الوكيل
خلاص سياسة الخضوع والسكوت عن الحق هى السائدة وهى سياسة العرب
بوست جميل ومعناه اروع

المستنصر بالله يقول...

عندك حق اخى الكريم
وامريكا تبرر اى شئ وتفعل اى شئ فى اى وقت انها لارقيب عليها ونحن غثاء السيل
نسال الله العفو العافيه

تحياتى

r يقول...

شوف يا احمد انا قريت ان الغاره دى
كانت بهدف دعم المرشح الجمهورى المنهزم ماكين كدليل على اتباعه منهج قرينه بوش
اما فكره انه بهدف تخويف السايب اللى هو ايران فضربت المربوط اللى هى سوريا فدا ممكن بردوا

بس فعلا الغريب امر الدول العربيه اللى اكتفت بتصريحات جوفاء مش مثلا تنديد باتحاد الصف العربى ومساندته لسوريا لا فى كتير التزموا الصمت زى السعوديه واللى اتكلموا زى مصر ادانت سوريا وامريكا!
وكأن المجرم والضحيه سواء
شوف الحال المايل دا للاسف مش هيتعدل
واديك شايف العرب بيعملوا ايه فى بعض اخرهم قضيه الطبيبين المصريين فى السعوديه
خلاص العروبه والدنيا عليها السلام
وحاليا لا صوت يعلو على امريكا بالرغم من خسارتها وخساره رجال الاعمال واثرياء العرب فى بنوكها
ولا حول ولا قوه الا بالله العلى العظيم

سمكه واحده يقول...

بجد مش عارفه اعلق اقول ايه
كل اللي اقدر اقوله
ان العالم العربي لا يبالي
نقول الطف يارب بعبيدك
تحياتي علي موضيعك الجميله والممتعه جدا جدا
دمت بكل ود
نحياتي

ahmed_k يقول...

جني


وعليكم السلام ورحمة الله
إزيك يا سعيد منورنا
والحمد لله أمتنا ما زالت حيه
فلولا حياة فينا ما مكر بنا
الشرق والغرب
ولكن السبات ما زال عميقا
أسعدني مرورك أخي الحبيب

دمت بكل خير
*********************************************
موناليزا


نعم فما هان أمرنا على الكل
إلا بعدما تفرقنا
أسعدني مرورك موناليزا
دمتي بكل خير
**********************************************
rovy


مشكلتنا اننا نعلم جيدا ما
يحاك لنا من مؤامرات
ولكن المصالح الشخصيه هي الحاكمه
نسأل الله العفو والعافيه

دمتي بكل خير
***********************************************
رابطة هويتي إسلاميه


هههههههه أهلا أهلا بأخي العزيز
أنا تحت أمرك
أرجو فقط أن نتواصل عبر الميل
أنا ضفتك عندي لكن لم يتم قبول الإضافه
فمش عارف ليه

والمشاريب علي يا باشا ولا يهمك ههههه

تقبل خالص تحياتي

ahmed_k يقول...

محاولات مخنوقه


أهلا بكي اختي العزيزه في
أولى زياراتك وأرجو دوام التواصل
سياسة الخنوع هي السائده فعلا
وإن تجرأ أحد ورفع رأسه
لقي منفردا العداء والتطاول

ليس لها من دون الله كاشفه
أسعدني مرورك
دمتي بكل خير
********************************************
المستنصر بالله


فعلا لقد تجاوزت المدي وفاض الكيل
من أفعالهم وتحكماتهم
ولكن قيل لفرعون أيش فرعنك
قال لم أجد من يردني

أسعدني مرورك أخي الكريم
دمت بكل خير

ahmed_k يقول...

بسنت


إزيك يا زهره منوره
حكاية أن الغاره لدعم المرشح
الجمهوري فهذا تحليل لا يمكن تصديقه
فأين سوريا من أولويات القضايا
المؤثره على الناخب الأمريكي ؟؟؟
طبعا بعيده جدا
بالنسبه لمدى ردة الفعل العربي فده
متوقع خصوصا بعدما وصفهم الرئيس
السوري بأنهم أشباه رجال هههههههه
فطبعا رد فعلهم حيكون كده

ولنا الله
وتقبلي خالص تحياتي
*********************************************
سمكه واحده


ربنا يبارك فيك يا سمكمك
وأنتي تعلقي زي ما تحبي
صحيح في أزمة شماعات بس مش مشكله
نجيب شماعه مخصوص هههههههه

وأنضم إليك وأقول
ألطف يا رب بعبيدك

دمتي بكل خير

غير معرف يقول...

هو مخطط...
ولسنا ندرى متى يدرك العالم أنه حان
الوقت لرد عدوانها
وتفتيت كيانها..

Gannah يقول...

السلام عليكم
ازيك يا أستاذ أحمد؟؟
قل لى بالله عليك هل تحرك أحد لمواجهه ما يحدث وهل أصبحنا كلنا مجتميعين أضعف من ايران
وهل نسكت حتى لا يعود فينا حتى ثور أحمر ليأكلوه
الثور الابيض أكلته أمريكا بمباركة منا فلا يجب أن نلوم الا انفسنا
الدور على مين؟؟؟
هو فيه حد لسه فاضل
كلنا اتاكلنا بس بطرق مختلفة
تحياتى

ahmed_k يقول...

الشيشان فخر الأمه


تفتيتها أخي الكريم يأتي من الله
فهو القادر وهو حسيبنا
نورت أخي الكريم
وأرجو أن أسعد بتواجدك دوما

دمت بكل خير
*********************************************
gannah


وعليكم السلام ورحمة الله
أهلا ومرحبا بأختي جنه
نحن بخير حال والحمد لله
وطبعا ونحن مجتمعين لسنا أضعف من إيران
بل أقوى بكثير
ولكن هل نجتمع؟؟؟؟
نحن تفرقنا وإستقوائنا على بعضنا
هو سبب ما نعاني منه من ذل وهوان
ربنا يهدي ولاة أمورنا
أسعدتيني بإطلالتك يا دكتوره
تقبلي خالص تحياتي