الثلاثاء، 18 أغسطس، 2009

سياسة الإستخدام العادل للإنترنت في مصر

كثر الحديث في الأيام السابقه في مصر حول القانون الجديد الخاص بمستخدمي شبكة الإنترنت في مصر

والذي ينص على سعه معينه للتحميل من الشبكه كحد أقصى خلال الشهر الواحد ب 25 جيجا للمشترك الواحد , والتحميل الإضافي يدفع عليه مبلغ محدد لكل جيجا مع تفيض السرعه لأقل من النصف ,

وقد ذهبت لوكيل تي إي داتا في الغردقه للإستفسار حول هذا الأمر فأبلغني أنه حدث تغيرات في القانون بسبب كثرة الشكاوي والتذمر التي وردت بكل تأكيد من أصحاب الوصلات لأنهم فقط من سيتأذون من القانون الجديد

فهذا القانون لن يطبق على المشتركين القدامى في شركات الإنترنت , سيطبق فقط على المشتركين الجدد المتعاقدين بعد صدور القانون

وأنه سيطبق لمدة شهرين كتجربه له ومن ثم سيتقرر إن كان سيستمر العمل به أو يتم إلغاؤه .



القانون بالطبع جيد وفي صالح المشتركين بصفه سليمه في الخدمه لأن سقف التحميل 25 جيجا بايت تعد كافيه جدا للمستخدمين العاديين فأنا مثلا لا أتعدى أبدا ال5 جيجا شهريا رغم أن النت تقريبا يعمل معي أغلب اليوم

أما أصحاب الوصلات فتحميلهم يتعدى هذا السقف بكثير ولو أن كل مشترك إشترك بمفرده لخفض إستهلاك الشبكه والتحميل عليها مما سيؤدي إلى إنخفاض الأسعار مما قد يصل لأقل من تكلفة الوصله الغير شرعيه

هناك 21 تعليقًا:

على عبدالله يقول...

السلام عليكم ورحمة الله وبركاته

أول تعليق
:)

على عبدالله يقول...

نعلق بقى براحتنا

أنا سمعت عن القانون دا وكان رد فعلى إنه فاشل !
ليه بقى
لانه كما ذكرت أخى الحبيب المتضررين (أصحاب الوصلات) مش هيسكتوا !
دا غير الناس اللى أنا أعرفهم (مستخدمين عاديين ) زى وزيك كدا ، معدل تحميلهم الشهرى أضعاف أضعاف ال 25 جيجا !!!!
بالاضافة إلى أن المصريين (عفاريت) بيعرفوا يتصرفوا كويس ، يعنى مش هيغلبوا فى موضوع (تقنين معدل التحميل)
ولا إيه
بالنسبة لى ولك مش هاتفرق معانا طبعا وفى أسوأ الظروف لن نتضرر إن شاء الله ، لأن اخرنا تصفح موقع او المشاركة فى منتدى او غير ذلك
لكن فى ناس بتقعد 48 ساعة فى ال 24 ساعة على النت ، لا وأيه شغالين الله ينور تحميل أفلام وبرامج والذى منه
يعنى ممكن مئات الجيجات !
:)

بقولك إيه
عدل إسم المدونة بتاعتى فى الريدر عندك ال url
alabasira.blogspot .com
لانك لو فتحت المدونة مش هتفتح
والله المستعان

حاجة تانية يا ابو حميد
عندى مشكلة فى المدونة ، كل قائمة المدونات فى الريدر اتحذفت (وحدها)
المشكلة دى حصلتلى كتير
ربنا يهدى علينا بلوجر
ما عندكش حل ؟!
أنا عارف هاتقولى اديها بنادول !
إديتها مانفعش
عاوز أديها مضاد حيوى
إيه رأيك ينفع ؟
:)))

كل عام وانت بخير
قلى
انت ناوى تصوم السنادى ولا زى كل سنة
ههههههه

ماما أمولة يقول...

افادك الله اخي الكريم

كل عام وانت بكل خير يارب

Dr Ibrahim يقول...

فيه ناس بتحمل اكتر من 25 جيجا بالذات المبرمجين والمصممين ...

ولكن ايضاً لو اشترك شخص بمفرده هل سيدفع 95 جنيه شهرياً ام يفضل أن يشترك من جاره ب25 جنيه

ولقد تناولت الموضوع فى مقال اسمه

سياسة (الإستخدام العادل) بين العدل والظلم
من هنا

وكل سنة وحضرتك طيب

اللؤلؤة يقول...

السلام عليكم
جهد مشكووووووووووور لصديق عزيز
خالص تقديرى

ريمان يقول...

شكرا بجد ع المعلومه


تحياتى لحضرتك

كل سنه وحضرتك طيب


رمضان كريم

maha zein يقول...

اممممممممممممم
معرفش بقه
طب انا هتضر طيب ولا ايه

اصلي انا اهم حد
ياخدوا رأي بعدين يتكلوا علي الله
كل سنة وانت طيب
و اخبار الغردقة ايه
مرواحي الغردقة ده والله كان دخلة خير عليا
جيت من هناك حياتي اتغيرت وبقيت حد تاني


الغردقة بتاعتكوا دي حلوة اوي

وردة يقول...

علي ما اعتقد ان في وصلات شرعية
يعني مثلا مجموعة من الاصدقاء بيشتركو في وصلة والشركة تعلم انها لمجموعة افراد لانها بتبيع لهم راوتر به عده مخارج مش مخرج واحد
فلو كل واحد حمل شئ صغير او حتي كانت صور
فال 25 جيجا مش حيستحملو
انا بأت اتلخبط بس انا مش مع القانون خالص
ربنا يستر ويتلغي خالص
كل سنة وحضرتك طيب
رمضان كريم عليك ان شاء الله
سلام

اقصوصه يقول...

معلومه جميله

كل عام وانتم بخير:)

Beram ElMasry يقول...

رمضان كريم
أعاده الله عليكم وجميع الأهل والأحبة باليمن والخير والبركة

الحب بين العرب فطرة وشئ مألوف
ولا يحسدوه من الخلق غير القرد والحلوف

mohamed ghalia يقول...

أنا متفق معاك
بس هو ليه يخترعوا ويحددوا السرعات اصلا
موضوع تحس ملوش لازمة

كل سنة وحضرتك طيب

وومن يقول...

بجد شكراً علي المعلومة المفيدة دي وفكرتك عن تخفيض الإشتراك فكرة كويسة يعني لو الشركات خفضت أقل إشتراك عندها لسعر الوصلات ناس كتير هاتشترك لوحدها

تاني حاجة بقي التطبيق علي المشتركين الجدد مش برضة يبقي ظلم

ثالثاً بقي كل سنة وأنت طيب ورمضان كريم ياتري رمضان في الغردقة شكلة إية ؟

موناليزا يقول...

اشكرك على التوضيح
---
كل عام وانتم بخير بمناسبة قدوم شهر رمضان اعاده الله علينا بالخير واليمن والبركات

GiGi world يقول...

كل عام وحضرتك بالف خير
اللهم بلغنا رمضان واجعلنا فيه من عتقائك من النار

ahmed_k يقول...

علي عبد الله



مرحب بيك يا علي اول أو ثاني تعليق
المهم أنك تكون متواجد لأن ده بيسعدني جدا بارك الله فيك
أما بخصوص القانون فهو عموما لن ينجح ولن يطبق أكثر من الشهرين الإختبار
وهو كقرارات كثيره في البلد تخرج بدون دراسه وتموت سريعا
وتم يا فدم تعديل أسم مدونتك في الريدر
ومشكلة المدونات المفضله التي تتحذف معاك ده طبيعي كلما غيرت القالب
لذلك عند تغيير القالب يجب حفظ المدونات المفضله بره وتعيد إضافتهم من جديد (شغلانه يعني )
وطبعا عرفت ليه أنا مش بغير قالب مدونتي (مش فاضي أفضل اضيف كل دول تاني )
وكل سنه وأنت طيب يا بو علي
وطبعا زي كل سنه هههههه
*********************************************
ماما أموله



وحضرتك بالصحه والسلامه
وبعوده عليكي بخير وسعاده
**********************************************
Dr Ibrahim



طبعا أسعار الشركات مبالغ فيها
وده أمر متفقين عليه
ولابد لكي يحاربوا ظاهرة الوصلات اللي لها مشاكل كتير جدايقللوا اسعارهم
وكل سنه وحضرتك بألف خير يا دكتور
*********************************************
اللؤلؤ



وعليكم السلام ورحمة الله
بارك الله فيك أخي الكريم
في أمان الله
**********************************************
ريمان



ربنا يبارك فيكي يا ريمان
وكل سنه وأنتي بألف خير


الله أكرم

ahmed_k يقول...

maha zein



ههههه لأ متافيش مش حتضري
مش حيطبق إلا على المشتركين الجدد ومش حيستمر ده كلام وكيل تي إي داتا هنا
طبعا يا بنتي
أنتي فاكره البلد اللي أنا فيها واللي أخترتها لأعيش بين أحضانها حتكون زي أي بلد تانيه ... لأ طببببببعا
بس عشان تعرفي بلدنا بتعمل أيه في الناس
ده تأثير اليوووود يا مها
*********************************************
ورده



الراوتر اللي بعدة مخارج بيكون للشركات والمكاتب أو السايبرات
ومتقلقيش مش حينجح القانون ومش حيستمر أكتر من 3 شهور وأحنا ملناش دعوه ده حيطبق على المشتركين جديد بس
وكل سنه وانتي طيبه يا ورده
وبعوده عليكي الأيام بكل خير وسعاده
********************************************
أقصوصه



وحضرتك بالصحه والسلامه
عساكم من عواده
********************************************
Beram ElMasry



ربنا يديم المحبه بين أمتنا العربيه والإسلاميه
وكل سنه وحضرتك طيب يا فندم
وبعوده عليك بكل خير وسعاده
*********************************************
mohamed ghalia



أي والله يا محمد على رأيك
وفي يا محمد قرارات كتير جدا بتصدر ملهاش لازمه بس نقول أيه نفسنا أي حسنه نمدح بيها الحكومه بدل ما هو كلله نقد وتذمر
ربنا يكرمنا ونلاقي

وأنت بالصحه والسلامه يا محمد

ahmed_k يقول...

وومن



طبعا يا ميرا لو خفضوا الإشتراكات للحد المعقول مش بالأسعار المبالغ فيها دي ناس كتير حتشترك مباشرة وتريح نفسها من مشكلات الوصلات
وعلى فكره حتى المشتركين الجدد مش حيطبق عليهم القرار أكتر من فترة الإختبار 3 شهور وبعد كده حيتلغي

وأنتي بالصحه والسلامه يا وومن
ورمضان السنه دي في الغردقه مش عارف مش حاسس بيه خالص غير من إضاءة المساجد بعناقيد لمض ملونه
نستنى بالتأكيد حيظهر في أيام رمضان بالبمب اللي وقت المغرب بيضربوه العيال
*********************************************
موناليزا



ربنا يبارك فيكي
وكل سنه وحضرتك بخير وصحه وسلام
وبعوده عليكي
*********************************************
GiGi world



اللهم آمين
وكل سنه وأنتي بخير وصحه وسلام
ومتنسياش من دعواتك

هانى زينهم يقول...

انت فين يا ابنى ؟

ahmed_k يقول...

هاني زينهم


أنا هنا يا بابا هههههههه

Hb يقول...

موضوع قديم بس يظل متجدد
نحن نعاني سوياً من هذه المشاكل في مصر أو في ليبيا أو في اي دولة عربية شقيقة.
القصة أنهم يحاولون مص دمائنا بالضحك علي عقولنا ...أو مص أموالنا بأي شكل من الأشكال.

تحياتي اخي ويومك سعيد

ahmed_k يقول...

Hb


صدقتي أختي الكريمه ففعلا هناك قوانين تصدر كثيرا في دول عالمنا العربي لا غرض منها سوى مص دماء الشعوب
وكأن شعوبنا مكتوب عليها أن تظل جيوبها فارغه
نسأل الله صلاح الحال
وأرجو ان أرى كلماتك هنا دوما
تقبلي خالص تحياتي