الجمعة، 23 أغسطس 2013

حكاوي قادم الأيام والأزمان





كان ياما كان في سالف الأزمان
ثوره أشعلوها الأجداد في 25 يناير لما كانوا شبان
وحملوا بعضهم على الأكتاف وحملوا مصر كمان
ولكنه حدث كان ثم صار في خبر كان
ليه ولماذا وعلشان ؟؟!!
لأن المواطن العادي اللي كان غلبان
صار فوضوي وتحول لكائن هيجان
كسر إشارات مرور وسير عكس الإتجاه وحوادث في كل مكان
سطو على الأراضي ووضع يد وقطع طرق وبلطجه وكمان عصيان
وأراضي زراعيه صارت مباني في غمضة عين وكأنه فعل جان
ومليونيه ورى مليونيه علشان البلد والشعب يفضل تعبان
وموظف يتقاعس فتلومه يقولك ، دي الحريه يا سهتان
وسواقين من غير موقف ولا على جمب يقف وصوته يجيب آخر الميدان
وبائعين في كل رصيف يلحق يزحم كأنها وكاله من غير سجان
وبعد كده زعلانين على ثوره خدها الغراب وطار طيران !!!؟
أحنا يا شعب اللي عملنا ده في نفسنا ولسه اللي جاي كمان
لا عيش ولا حريه ولا كرامه ده كان حلم ، إصحى يا نعسان
.
عبرات من / أحمد زكي الدين

هناك 8 تعليقات:

غريب يقول...

لعل فيما يحدث خير واصطفاء ليذهب الله الخبث ويبقي ما ينفع الناس فهذه الامة مرحومة مأجورة حتى الشوكة يشاكها المؤمن يؤجر بها بمعنى حديثه صلى الله عليه وسلم , في بعض الأحيان يكون الالم مسير يدفعنا نحو بر آمن,نحو أوبة وتوبة لنغير ما بأنفسنا , فالنصر يا صديقي خص به الأبرار , أسأل الله أن يجعلنا وإياك منهم , وها انت ترى ما حال أمتنا مع الله ,فقد كثرت المعاصي والذنوب والإعراض عن الحق و نجدنا نصيح بأعلى الصوت أين النصر , نبتغيه ولا ندرك معانيه , فمتى ما نصرنا الله في انفسنا ياتي النصر , تأمل حفظك الله قول ربنا عز وجل (يا أيها الذين آمنوا إن تنصروا الله ينصركم ويثبت أقدامكم) [محمد : 7]
أسأل الله أن يحفظ مصر أهلها

احترامي وتقديري

P A S H A يقول...

كل سنة وحضرتك طيب وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليك وعلى أسرتك الكريمة وتحقق فيه كل ما تتمنى
:)

أطيب تحياتي

غير معرف يقول...

فعلا ثوره اخدها الغراب وطار

كلماتك.واقعيه جدا وبتعبر عن الحقيقه اللى مصر عيشاها الوقتى

فوضى...تخلف....جهل....

الله المستعان
اتمنى التواصل
سعيدع بمرورى هنا

على فكره انا مدونه قديمه اوى واكيد هتفتكرنى لكن مدونتى الاساسيه قفلتها من زمان

ahmed_k يقول...

غريب


صدقت أخي فقد أظهرت هذه الأحداث بالفعل معادن الناس الغث من الثمين

شاكر مرورك وتواجدك
---------------------------------
باشا


وحضرتك بألف خير وصحه وسعاده

منور
---------------------------------
قمر وليل وغيوم


تسلمي أختي على مرورك وتشجيعك
والتواصل مع حضرتك أكيد يسعدني
وياترى حتقوليلي أسم المدونه القديمه ولا عايزاني أخمن أنا :) ؟

منوره

غير معرف يقول...

السلام عليكم اقول باخي كل ألدول العرببة تدعي ان تنصركم عن القوم الظالمبن امين....

ahmed_k يقول...

غير معرف


بارك الله فيك يا أخي وتقبل منكم دعائكم

الحكمة ضالة المؤمن يقول...

كم نحبكم و ندعوا لكم بان يزول الهم و ترجع الطمأنينة لكم .. تحياتي

ahmed_k يقول...

الحكمه ضالة المؤمن


بارك الله فيك يا أخي
وإنا نحبكم في الله كما أحببتمونا
وتقبل الله منك صالح الدعاء ولك بمثل