الخميس، 10 يوليو، 2008

أسألك يا فنان




أنا لست شاعرا ولكني احب الشعر وأتذوقه جيدا

وقد وصلتني منذ عدة أيام قصيده علي عنوان بريدي الألكتروني من احد الأصدقاء

وهي عباره عن قصيدة شعر لم يخبرني بأسم كاتبها

يبعث فيها مؤلفها برساله الي الرسام الدينماركي الذي رسم صور مسيئه لنا كمسلمين

قبل أن تكون مسيئه لرسولنا صلوات ربي وسلامه عليه

فهاكم القصيده كما أستلمتها :


فى زمن الردة والبهتان


ارسم ما شئت ولا تخجل


فالكفر مباح يا فنان


فزمان الردة نعرفه


زمن المعصية بلا نكران


ان ضل القلب فلا تعجب


ان يسكن فيه الشيطان


لن يشرق ضوء من قلب


لم يعرف طعم الايمان


فارسم ماشئت ولا تخجل


فالكل مهان


لا تخشى خيول ابى بكر


اجهضها جبن الفرسان


وبلال الصامد فوق المسجد


اسكته صوت السجان


اسألك بريك يا فنان


هل تجرؤ يوما ان تكسر احد الصلبان


ان تسخر يوما من عيسى


او تقذف مريم بالبهتان


خبرنى يوما يا فنان


حين تفيق من الهذيان


هل هذا حق الانسان


ان تغرس حقدك فى الاسلام


ان تشعل نارك فى القرآن


ان تسخر بحبيب الرحمن


سيجيؤك صوت ابى ابكر


ويصيح بخالد قم واقطع رأس الشيطان


فمحمد باقٍٍ ما بقيت دنيا الرحمن

وسيعلو قول الله فى كل زمان ومكان
سيظل ذكرك يا سيدي يا رسول الله خالداعبر كل زمان ومكان
رغم الحاقدين ورغم الحاسدين
فقد أوذيت في حياتك وأوذيت بعد ذلك
لكن الله ناصر دينه ونبيه ولو كره الكافرون
مهما قالوا ومهما رسموا سيظل شانئك هو الأبتر
تحديث
قدمت لي الأخت نور صاحبة مدونة سيبك انت معلومه مهمه بخصوص هذاا لبوست
وهي ان مؤلف هذه القصيده هو الشاعر فاروق جويده
طبعا هذه المعلومه علي مسؤلية نور

هناك 30 تعليقًا:

appy يقول...

ياااااااا على قوتها بجد
انا كنت بتناقش مع حد من يوم فى موضوع زمن الرده والحاجات دى
وانت جيت على القلم بجد هبقى اديها له يقراها تسلم ايديك يا فنان

أليس في بلاد العجائب يقول...

اللهم صلي وسلم وبارك عليه وعلي آله وصحبه وسلم تسليما كثيرا

بارك الله فيك وفي كاتب هذه الابيات

لن يشرق ضوء من قلب
لم يعرف طعم الايمان

حلوة اوي دي ... صحيح هيفضل القلب مظلم الي ان يشاء الله ويأذن بدخول ضوء اليه .. مش اي حد ولا كل حد هيقدر يفهم ازاي الايمان له طعم و مذاق ليس كمثله شيء..

سبحان الله

من خلقنا وبعث فينا رسولا عزيز علينا ويملاء الدنيا سلام و محبة قادر علي ان يرد افتراءات المفتريين كذبا علي رسول الله


اللهم اعز الاسلام والمسلمين و اجعلنا من رفقاء المصطفي صلي الله عليه وسلم في الفردوس الاعلي:)

موناليزا يقول...

احييك على امانة النقل
وماشاء الله اختيار موفق لقصيدة جميلة
اللهم لاتؤاخذنا بمافعل السفهاء منا
اللهم اعز الاسلام وانصر المسلمين فى كل مكان

سبهللة يقول...

اللهم صلى على سيدنا محمد فى الاولين وصلى على سيدنا محمد فى الاخرين وصلى على سيدنا محمد فى الملأ الاعلى الى يوم الدين

سبهللة يقول...

تسمحلى أنشرها؟؟

ahmed_k يقول...

appy

منوره والله يا ابي
مبسوط ان القصيده عجبتك
ولما تديهاله يقرأها عرفيه ان القصيده اللي باللون الأحمر بس لكن المقدمه والنهايه من دماغ العبد لله

تسلمي علي تعليقك الجميل
ونوريني دايما
ودمتي بخير
******************************************************
اليس في بلاد العجائب

اتفق معاكي في كل اللي قلتيه
و فعلا القلب العامر بالأيمان لا تصبه الظلمه ابدا
واحب اصحح نقطه ان الذي ليس كمثله شيئ هو الله عز وجل وليس شيئ آخر

وتقبل الله دعائك
وشكرا أختي الكريمه
ومنتحرمش من طلتك دايما
*******************************************************
موناليزا

اشكرك اختي علي كلامك الجميل
والكلام المنقول هو القصيده اللي باللون الأحمر فقط والمقدمه والنهايه من العبد لله

وتقبل الله دعائك

ووجودك دوما يسعدني
دمتي بخير
*******************************************************
سبهلله

عليه الصلاة والسلام

شكرا لمرورك الكريم
ومنتحرمش من طلتك دوما

وطبعا يا أختي أنشريها كما تشائين

دمتي بكل خير

ورود و أشواك يقول...

القصيدة جميلة جدا و واضح فيها القوة الأدبية و القدرة على صياغة المعنى فوق راحة السطور ...
ميرسى على امتاعنا بيها يا احمد

بس اعتقد ان الغرب محتاج لناس تقدر توصل المعنى الحقيقى للإسلام بشكل كويس و يشيلوا الصورة السودة اللى عندهم عن المسلمين انهم عبارة عن دقن و نقاب و مدفع ... لازم يعرفوا ان الارهاب لا دين له

حاجة كمان

احنا لازم نفهمهم اكتر
علشان نعرف دوافعهم و فى كلامى اللى جاى انا ابداً مش بلتمس ليهم اعذار ...

بس هما فعلا بينزلوا كاريكاتيرز على سيدنا عيسى و ستنا مريم
و بجاحتهم بتخليهم يسخروا حتى من الله
ربنا يعافينا


الموضوع محتاج لدراسة بعيد عن التعصب علشان نقدر نفهم الناس دى بتفكر ازاى
و انا شايفة ان ابلغ رد هو ما قام به عدد من مستخدمى الانترنت بإنشاء مواقع اسلاميه بلغات العالم و السعى ورا نشر المواقع دى عندهم علشان يفهموا طبيعة دينا السمحة اللى مش بتدعى للحروب زى ما هما فاهمين
و كمان يفهموا ان الدين و الله و الرسول من المقدسات التى لا نقبل العبث بها
بالتالى ثورتنا و احتجاجنا يكون ليه مردود عندهم


اسفة على الاطالة و اتمنى اللى يقرا كلامى يفهمه كويس و مياخدهوش من منطلق انى بتهاون فى حق رسولى
ربنا يعلم ايه وقع الاهانات و الكاريكاتيرز عليا لما بسمع بيها

ربنا يعز المسلمين يا رب

دمتم بخير

nonni يقول...

جميل اوى كلام الرسالة دى مش عارفة حسيت و انا بقراه اننا المفروض منديش اى اهتمام للحاجات المسيئة للرسول او لدينا بصفة عامة انا احيانا بحس انهم بيعملوا كده علشان يحرقوا اعصابنا او يجيبولنا الضغط او يمكن علشان يثيروا ال\عر فى البلاد الاسلامية

بوست جميل
"تحياتى"

البت قباحة يقول...

الكلمات جميلة و سلسة و تدخل القلب بسرعة

هزتنى اوى المقارنة و توضيح الفرق فى المعاملة بين الرسولين

والله دة هم كبير هنتسال علية يوم القيامة

تحياتى

أليس في بلاد العجائب يقول...

بعتذر بس انا كنت اقصد ان مفيش حلاوة تضاهي حلاوة الايمان

واستغفر الله العظيم ان كنت قدر اخطأت التعبير

جزاك الله خيرا

tote يقول...

مشاء الله جميلة جدا ومن القلب فعلا وفى قلب كل مسلم وبالرغم من كدة الافعال دائمااحسن من الاقوال لان البعض بيتكلم من غير فعل حقيقى

جـود الحـزن يقول...

صباح الخير...

اللهم صلي وسلم على سيدنا محمد
جزاك الله خير الجزاء اخي احمد..
وبارك الله لك في هذه المدونه..

تحيتي

ahmed_k يقول...

ورود وأشواك

دايما ردودك جميله
شاعره بقي

انا معاكي انهم ممكن يكونوا بيرسموا صور للسيد المسيح عليه السلام والسيده مريم بس مش بالبجاحه دي ولا بالأسلوب الساخر دهوكمان الرسامين اللي بيرسموا عن النبي عيسى أو السيده مريم لا يعاملوا معاملة الأقزام اللي بيرسموا اسائات للمسلمين من حيث التأييد والتكريم

والمواقع اللي تكلمتي عنها شيئ كويس بس هما مش عايزين يسمعونا لأنهم معتقدين اننا نكذب
فأعلامهم مصدق لديهم تماما وهو ما ينقل الصوره المشوهه للأسلام وأهله
فعلي أخواننا المسلمين من ابناء جلدتهم ان يكون لهم دور من حيث انشاء قنوات اعلاميه تصحح تلك المفاهيم لأنهم الأقدر علي توصيل المفهوم الصحيح لأبناء جلدتهم
وهم بحمد الله يقومون بتلك المهمه ولكن ينقصهم التمويل اللازم لتلك الرساله.

انا عن نفسي ميهمنيش فكرتهم عننا حاليا لأن تغيير الفكره المشوهه محتاجه لوقت طويل
الحل السريع هو المواجهه لكن كيف؟؟؟؟
من وجه نظري احسن مواجهه لتلك الرسوم يكون برسوم ساخره مقابله
لا أقول نسخر من النبي عيسى عليه السلام فنحن نؤمن به ونقدره ولا من السيدة العذراء التي نكن لها من القدسيه أكثر منهم
ولكن في عقيدتهم من التشويه والفضائح ما نستطيع ان نعبئ به مجلد من الرسوم

سعدت جدا بمرورك
ومتحرمش من طلتك ابدا
دمتي بكل خير وود
**********************************************************

nonni

احنا لازم ندي كل أهتمام لهذه الأسائات
لأنه ان لم يحدث ردة فعل سيحدث تمادي فيها
ولكن الرد يكون بعقلانيه وما دام قد بدأت المواجهة العقديه فليكن لنا مبادراتنا نحن ايضا في تلك الحرب

وهما بيعملوا كده لنهم عارفين كويس قدراتنا المحدوده في المظاهرات والكلام وبدون فعل مؤثر حقيقي
فهان أمرنا عليهم فهنا كذلك في أعينهم

ولكن الصحوه بسبب ما فعلوا قادمه وكلام اليوم سيتحول لفعل مؤثر غدا

وسعدت بمرورك جدا
وتقبلي خالص تحياتي

ahmed_k يقول...

البت قباحه

الدكتوره الذيذه منورانا هنا
يادي الهنا
صدقتي فيما قلتيه
فالله سبحانه سيحاسب كل من لديه القدره علي الدفاع عن خير البشر ولم يفعل
فرسول الله حبه والدفاع عنه من صلب عقيدتنا

جميل مرورك يا دكتوره ونورينا دوما
********************************************************

أليس في بلاد العجائب

أختي الكريمه ,الله أعلم بنياتنا
وانتي نيتك حسنه

تقبل الله منا ومنكم أعمالنا وأقوالنا
بنياتنا الحسنه

دمتي بكل خير
*********************************************************

tote

سعدت جدا بمرورك الجميل
وصدقتي والله فيما قلتي

أعاننا الله علي تغيير الواقع المؤلم

دمتي بكل خير
********************************************************

جود الحزن

عليه الصلاة والسلام
شكرا لكي أختي الكريمه علي كلماتك الجميله
ومتحرمنيش من تواجدك دوما

دمتي بكل خير

إيما ( أم البنين) يقول...

ربنا يكرمك إنك وصلت لينا كلمات جميله وقويه كده ...
جزاك الله كل خير

ورود و أشواك يقول...

احمد باشا
ليك واجب عندى فى المدونة
اتفضل عندى فى المدونة علشان تاخده و تحله قبل الحصة ما تخلص
و تجيبهولى بعد كدة أصححه :)) هههه
مستنياك فى المدونة

wael يقول...

انا قريتها قبل كده وبجد عجبتني جدا
احييك جدا على اختيارك الله بجد
رائعه

ahmed_k يقول...

ايما أم البنين

ربنا يكرمك علي كلماتك الجميله

وشرفتيني بمرورك
دمتي بخير
*****************************************************
ورود و أشواك

رغم اني بطلت حل واجبات من زمان
بس مقدرش اردلك طلبك

حاضر يا باشا
وربنا يسهل وأجيب درجه كويسه

واجبك هو البوست القادم باذن الله
*********************************************************
wael

منور يا دكتور
أيوه كده خلينا نشوفك عندنا دايما
ده انت يا راجل في قايمة المفضلين عندي
ومشوفكش هنا خالص لا مينفعش

عموما نورتني
وأسعدني بتواجدك دايما يا دكتور

بسنت يقول...

كلام جميل فعلا من اللى كاتبها
سبحان الله الزمن دا فعلا كترت فيه
الافتراءات على ديينا ورسولنا عليه الصلاه والسلام
سلمت على امانه النقل

الشنكوتي الكبير يقول...

سلمت ايدك على الموضوع الجميل يا ابو حميد

انا عايز اقولك ان في عصر النبي (ص )
برده كانوا اعدائه واعداء ديننا الجميل بيسبوا دينا ورسولنا الكريم كتير لأن الشيطان وانفسهم البغيضه خايفه من الألتزام حياة الفسق والفساد بالنسبه ليهم فايده ومش عايزين يضحوا بيها برغم انها زائله وهم عارفين كده
حتى الأن لسه نفس عقولهم ونفوسهم بيتوارثوها من بعض علشان كده مش بس الأسلام وسيدنا محمد (ص) لا كمان هتلاقيهم في تعاملهم مع المسيحيه بيقولوا كلام رهيب لا يقوله احد على ديانه المفروض انه بيؤمن بيها
علشان كده انا من زمان عرفت ان الناس دي مش القصه عندها تعصب لدين مقابل الأخر
القصه عندهم انهم متعصبين ضد اي قول حق وكلما شعروا بأنه حق كلما كرهوه
ختم الله على قلوبهم
==========================

انا لما عرفت انك من الغردقه فرحت جدا اتمنى فعلا نقدر نتقابل هناك ونتعرف يا احمد بس انا معرفش حاجه في الغردقه اول زياره ليا لما نوصل هكلمك انشاء الله ونشوف هنعرف نتقابل ازاي
بجد سعيد جدا بمعرفتك
سلاااااااااااااااااااااااااااام
اخوك ايهاب

كلام وخلاص يقول...

القصيدة جميلة اكيد لغتها سهلة بس معانيها مؤثرة جدا حسيت بحزن من المقارنة للاسف المشكلة فعلا فينا احنا انت عارف افضل رد عملى انا شفته بعد الرسم ده كان واحدة زملتنا فى الكلية انتقبت من يومها قالت احسن رد اننا نتمسك اكتر بالسنة وعلى قد ما قدرت عملت من غير كلمة نقد واحدة فى مظاهرة عجبنى اوى موقفها واحترمت وجهة نظرها جدا
على فكرة اسم زكى الدين حلو اوى

dina يقول...

الله
بجد القصيدة دى حلوة اوى و اللى كاتبها فعلا موهوب ...انا بس مختلفة معاه فى نقطة اهانة الرموز الدينية المسيحية و دا هما فعلا عملوه فى الغرب..الفكرة عندهم مش فكرة دين ولا شخصية مقدسة...هما فاكرين ان دى حرية انه يتناول اى حاجة مقدسة بالاسلوب دا حتى لو فى دينه
بجد مرسى انك شاركتنا القصيدة الحلوة دى
تحياتى

ahmed_k يقول...

بسنت

مرورك جميل وكلماتك جميله

اشكرك علي الأطراء الجميل
ودايما منوره مدونتي المتواضعه

دمتي بكل خيييير
*********************************************************
الشنكوتي الكبير

النبي محمد عليه الصلاة والسلام من أكثر أولوا العزم من الرسل ايذائا في حياته وبعد انتقاله للرفيق الأعلي
ومعك كل الحق انهم من فسادهم وانحرافهم قد يسخرون من دينهم الذي يؤمنون به ولكن ليس بكم الحقد والكراهيه لدين الأسلام ونبي الأسلام

وبالنسبه لرحلتك ان شاء الله حتتبسط فيها وان شاء الله نسعد برؤياك في مدينتنا
وأنا متأكد انك حتحبها
هي المشكله بس ان الجو الأيام دي بيكون فيه نسبة رطوبه عاليه حتي نهاية شهر أغسطس
بس مجرد التغيير حلو
انا جايز اذهب للقاهره في مهمه لن تستغرق أكثر من 3 ايام باذن الله
وبعدها حكون في الغردقه لأسعد برؤيتك

ونورت المدونه بتعليقك الجميل


ودمت بكل ود

ahmed_k يقول...

كلام وخلاص

سعدت جدا يا أختي بكلامك الجميل في تعليقك
واعاء الأسلام لا يعرفون انهم بتكالبهم علي ديننا يزيدون فينا قربا من الله
وان الله قد ينصر دينه بالرجل الفاجر كما أخبرنا سيد الخلق عليه الصلاة والسلام
فحاول اللعين زكريا بطرس ان يشكك المسلمين في دينهم ولكن الله رد كيده في نحره وجعل بعض الناس من غير المسلمين يسعوا للبحث وتقصي الحقائق بعد ان لفت انتباههم لدين الأسلام فاسلم بسببه أناس كثيرين ولله الحمد والمنه

واشكرك يا أختي علي ذوقك العالي
وربنا ميحرمنيش من تواجدك دوما
****************************************************

دينا

ازددت شرفا بزيارتك الكريمه لمدونتي
ومتفق معاكي فيما قلتيه
ولكنهم بالنسبه للأسلام ونبي الأسلام يكون في سخريتهم كم من الحقد والكراهيه زائد عن الحد
الم تعلمي ان ملكة بريطانيا أهدت للفاسق سلمان رشدي وساما تكريما له علي مؤلفه الملعون في حق ديننا ونبينا

لم تفعل ذلك مع شخص تهجم علي دين آخر

دمتي بكل خيير

نور يقول...

فعلا القصيده دى روعه و بجد بترد على الكل الكلام و الصور المسيئه والحاجات دى
الله المستعان
بجد تسلم على نشرها عندك
على فكره اللى كاتبها فاروق جويده
تحياتى الحاره ليك

ahmed_k يقول...

نور

انا مش مصدق نفسي اخيرا نورتي مدونتي يادي الهتا يادي الهنا

أسعدتيني جدا بتنويرك للمدونه
مش انتي نور
وان شاء الله تكوني اسم على مسمى

وأشكرك علي معلومة اسم صاحب القصيده

بس هل انتي متأكده من كده , علشان أعمل اضافه للبوست

شكرا لمرورك ودمتي بكل خير

ادم المصرى يقول...

ياااااااااااه جزاك الله خير يا اخى بعد اذنك اكيد هنشرها ولكن انتا ابدعت وايقنت وتفوقت بجد جزاك الله عنا وعن المؤمنين والمسلمين خير الريه

ahmed_k يقول...

آدم

منور البلوج كلله يا باشا
اأنشرها طبعا زي ما أنت عاوز

وربنا يبارك فيك علي كلماتك الجميله

دمت بكل ود

نور يقول...

احمد ازيك الأول
انا متأكده ان فاروق جويده كتبها
و بعدها اخدها منه الشيخ محمد حسان وقالها فى شريطه الا رسول الله بعد ما عدل كلمات بسيطه فيها
تحياتى ليك و هعدى علطول ماشى

ahmed_k يقول...

تنوري يا نور دايما

البيت بيتك

وحعمل تحديث للبوست

شكرا ليكي يا نور