الجمعة، 17 أكتوبر 2008

ساعه لقلبك








هناك 40 تعليقًا:

دعاء مواجهات يقول...

جميله أوى يااحمد

انا اصلا بعشق الكاريكاتير

تحياتى ليك

فعلا هم يبكى وهم يضحك

سلام

Gannah يقول...

هههههههه
ضحكت بس بصراحة من باب شر البلية ما يضحك
ياريت الوزارة كلها ربنا يرزقها بعقود عمل بالخارج يمكن الامور تتحسن شوية
برغم انى أظن ان العيب مش فى الاشخاص فقط العيب فى نظام مستهلك يعطى الوزير سلطات غير محدودة بدون رقابة ويخلى الشعب بيدعى ربنا يرزقنا بحد عنده ضمير لان ده الضمان الوحيد للرقابة عليه
اما محدودى الدخل فلهم الله فى ظل حكومة تنحاز لرجال الأعمال مش للفقراء زى ماهى بتقول
يعنى ضحكنا وبرضه قلبت بغم
أظن ان قدرة الشعب المصرى على الضحك حتى من نفسه ومن همومه هى أحد عوامل استمراره فى ظل ابتلائته على مر العصور

اللهم ولى علينا خيارنا ولا تولى علينا شرارنا
انك ولى ذلك والقادر عليه
تحياتى

أختكم فى الله يقول...

تسلم ايدين حضرتك

كاريكاتير جمييل جدا

ربنا يكرمك

saso يقول...

حلوه اوى يا استاذ احمد د احنا لسه ياما هنشوف

الاسعار عماله في الطالع والمرتبات في النازل

على راى استاذ اشرف توفيق..مبسوطه يا مصر؟؟؟؟؟؟

عصفور المدينة يقول...

مش عايزين حد يلحقنا
عايزينهم يحلوا عنا بس

شيماء طلعت يقول...

هم يبكى وهم يضحك

لكن الى متى سنظل نضحك على همومنا
وهل نضحك عليها أم على انفسنا

الكاركتير حلو اوى وفن راقى ومعبر جدا
سلمت يداك

ماما أمولة يقول...

ساعة لقلبك علشان نتغم ونفتكر حالنا اللي مش ناسيينه
حتى العلاج دلوقت اصبح للاغنياء فقط
الواحد علشان يصرف روشتة يموت من القهر علشان حقها مش معاه
ولو تروح التأمين الصحي العلاج مش موجود
بالله عليك يا استاذ احمد
بقى فيه قلب مفتكرش
ممكن سكر وضغط هو دا المتوفر عند الغلابة
دمت بخير اخي احمد
سلام

صبرني يارب يقول...

ههههههههههههههههه
اضحك الله سنك يا استاذنا

حلوه فعلا وانا باحب الكاركتير اصلا

تحياتي لك

kochia يقول...

والله فكرة برده
بس انت قصدت العنوان ؟
ساعة لقلبك فعلا ؟؟
انت تقصد حاجة تخص الضغط ؟؟

تحياتي

بسنت يقول...

لا جميله اوى
تعرف فكرتنى باعلانات مدام فشخره
وانهم يا عينى السبب فى الغلاء
مش عارفه الصراحه كتلر الف خيرنا اننا لسه عايشين
بس اكيد بالامراض العصريه من قولون عصبى لضغط عصبى لمراره عصبيه
وصداع اكيد
الحكومه مشغوله مش عارفه بايه لو مش بالناس واقل حاجه توفير حاجاتها من اكل وشرب
وعجبى

ahmed_k يقول...

دعاء مواجهات


منوره يا دعاء
بس ليه رجعتي تطولي الغيبه تاني
ياريت تنورينا بتواجدك دايما

في أمان الله
********************************************
جنه


السلام عليكم وعلى من تشرفون بجواره
أسعدتيني بتواجدك من أطهر البقاع
وتقبل الله دعائك
فالناس على دين ملوكهم
ففي صلاح ولاة الأمر صلاح المجتمع
وأتفق معكي في كل ما ذكرتي

وتقبلي خالص تحياتي
********************************************
أختكم في الله


منوره يا أسماء
وأسعدني مرورك الجميل

دمتي بكل خير
********************************************
ساسو


دي مش مبسوطه وبس
دي حتطق من كتر الإنبساط
نورتي يا ساسو

تقبلي تحياتي
**********************************************
عصفور المدينه


أستاذي الفاضل يا مرحبا
وفعلا يحلوا عننا وربنا حيعدلها
نورت أخي الكريم

دمت بكل خير

ahmed_k يقول...

شيماء طلعت


سنظل هكذا حتي نشفى من
مرض السلبيه
نورتي يا شيماء

تقبلي خالص تحياتي
********************************************
ماما اموله


ولو لقينا العلاج في التأمين الصحي
تلاقي الماده الفعاله فيه تكاد لا تذكر
يعني سرقه ونصب عالمكشوف
نورتي يا أموله

دمتي بكل خير
*********************************************
صبرني يا رب


الحمد لله أن الكاريكاتيرات عجبتك
بس بعد بوست السادات وبوست
ساعات الندم اللي بذلت لهم مجهود كبير
كان لابد من إستراحه وبعض الفرفشه
منوره يا أم مريم بتواجدك الدائم

في أمان الله
*******************************************
كوشيا


كان في برنامج إذاعي زمان إسمه
ساعه لقلبك
وكان يتم فيه إنتقاد بعض سلبياتنا
بإسلوب فكاهي ومرح
عن طريف أبولمعه والخواجه بيجو واحمد الحداد وغيرهم وكان برنامج ناجح جدا
وأنا لحقته في أواخر أيامه وكنت بحبه جدا , لذلك إقتبست الإسم لأن الكاريكاتير نوع من النقد المغلف بالكوميديا
نورتينا يا كوشيا

تقبلي خالص تحياتي
*******************************************
بسنت


مشغوله الحكومه بتأمين حاجات المدارس لأولاد الوزراء وطلبات الهوانم مرتاتهم
وإختيار سواقين عربياتهم
وبعد كده بيتشغلوا في إزالة أنقاض الجبل لما تقع على راس الغلابه
عشان المنظر بيأذي السياحه
ولنا الله
أسعدني مرورك يا دوك

دمتي بكل خير

nona يقول...

ههههههههههههههههههههههه
هم يضحك و هم يبكى
و طبعا همنا احنا الاى على طول الخط يبكى
الصور جميلة و بتعبر عن حالنا بس بطل افتراء شوفت الناس دول غلابة ازاى طول اليوم بياكل على مائدة الرحمن هههههههههههههههه

الشنكوتي الكبير يقول...

اضحك الله سنك يا اخي الطيب

ربنا يسعد ايامك يا احمد ويحفظك وافرح بيك بقى
اديني بسيح لك اهو علشان الكل يعرف انك لسه عريس تحت الطلب والحجز لم يتم

ههههههههههههههههه

عقبالك لما تدبس زيي
سلاااااااااااااااااااااااام

اخوك ايهاب

على عبدالله يقول...

اضحك الله سنك
ومتعك برؤية وجهه الكريم

فعلا جميلة جدا

تحياتى

norahaty يقول...

السلام عليكم ورحمة الله تعالى وبركاته
لما قرأت الكاركاتير نمرة(5)استغربت اوى ازاى سامحين به؟ لكن رجعت افتكرت انها سياسة السماح بالكلام مادامت لن تمس(ذوى الحصانةالمنيعة الشنيعة المريعة اللى ما بيعيوش ابدآ واللى يقول غير كده يتحبس!!!!!! وبعدين يعفوا عنه)

M.K يقول...

السلام عليكم .........

شر البليه ما يضحك...
الله يرحمنا برحمته...

في أمان الله..

GiGi يقول...

بجد مش عارفه اقول حلوه ولا مؤلمه
دمتبكل خير
تحياتى

طوبة ذهب وطوبة فضة يقول...

بجد جميله اوى ومناسبه للمثل القائل هم يضحك وهم يبكى وشر البليه ما يضحك وما نحن فيه هو حقا ما يضحك تحياتى

الحكمة ضالة المؤمن يقول...

تحية طيبة
اخوي احمد
دائما ما يعبر الكركاتير
بصوره البسيطة ما يعجز عنه اعظم الكتاب

سمكه وحده يقول...

فعلا شر البليه مايضحك
ولا ايه رايك في عمو هشام طلعت مصطفي
تصدق بالله والله العظيم طبعا انا كنت بشوف صورته في الشارع من كام شهر كده من زمان ولا كنت اعرف هو مين ولا ايه ولا ليه منا جاهله بقي
بس سبحان الله مكنش بينزلي من زور والله كرهته كده شوف بقي انا مكشوف عني الحجاب
ولسه ياما هنشوف
تحياتي
سمكه

pusssssy يقول...

جه الوقت اللى بقت مصايبنا تضحكنا ..

ربنا يرحمنا ويخفف علينا كلنا ...

كل مشاكلنا والله ممكن تتحل لو رجعنا لديننا ...

سامحنى انى اتأخرت علي مدونتك كتير ......

مع تمنياتى بالتوفيق .......

Pusssssy

(أم البنين) يقول...

فعلا شر البلية ما يضحك
ولكننا ربما نضحك سخرية من حال مصرنا الحبيبة...ولا نضحك من قلوبنا
كاريكاتيرات معبرة جدا ...
تحياتي وتقديري

Beram ElMasry يقول...

اخى . ahmed_k
السلام عليكم ورحمة الله
اخى عشت معك ساعة فى الخير فبارك الله لك وفيك ومن دعى بدعوة الحق
اللهم ثبتنا بالقول الثابت فى الحياة الدنيا وفى الاخرة
ربنا آتنا فى الدنيا حسنة وفى الآخرة حسنة وقنا عذاب النار
لك كل الشكر والسلام

بحب كل الناس يقول...

تسلم ايد حضرتك

والله كاريكاتيرات جميله
وبتعبر عننا


دمت بكل خير

فاتيما يقول...

أحمد يا k
أزيك يا أستاذ
إنت من الناس اللى وحشونى جدا
أزيك عامل إيه
طبعاَ مش هعلق على البوست لأن كفاية فكرته و هيا إنك تخفف شوية من الغم السائد ...ربنا يفتحها عليك دايماً
يا عزيزى
شكراً على سؤالك عليا أنا و يوسف
تحياتى الخالصة

mony يقول...

ههههه

هم يبكي و هم يضحك

همس يقول...

ههههههههههههههههههههه

حلوه الدعوه بتاعت عم اريال

ربنا يفتحها فى وشه على قبر كدا محترم


وبعدين ايه ساعه لقلبك دا

بحبحها شويه

ولا تخلى الناس تاخد عنك فكره انك بخيل

انا مش قصدى انبههم

يلا حصل خير

روح الله يفتحها فى وشك

ههههههههههههههههه

سلااااااااااموز

خديجه الجُهني يقول...

الغلاء عامل عمايله في العالم كله ..
لكن هيا نار و حتنطفي قريب أن شاء الله

د/مروة المعداوى...........هات التمساحه يالــــــــــــــــــه يقول...

متاخر بس جيت برضه

انت غاوى تقلب عليا المواجع

ثم انت عرفت موضوع الموز دا منيين
دا انا لسه عاملاه امبارح

انت مكشوف عنك الحجاب و لا ايه

اصل انا عامله رجيم

قهرى

يلا تشاااااااوووووووووو

عازفة الأوتار يقول...

حلوة اوى الكاريكاتيرات دى
انا ديما بحب لما يكون فى حاجة مديقانى و مطلعة خلقى اضحك عليها بدل ما انفجر من الغيظ و الفرسة ....
تسلم ايدك على الاختيارات الجميلة دى

و اعذرنى على غيابى كالعادة
بس و الله مدونتك من المدونات اللى ديما فىبالى و بيعجبنى اسلوبها جدا


كل تقديرى و احترامى

rovy يقول...

السلام عليكم

اضحكتنا و قلبت علينا المواجع

صحيح شر البلية ما يضحك

دمت بخير

تحياتى

ahmed_k يقول...

nona


هههه الناس دول كانوا غلابه زمان
مخدتيش بالك أنه كاريماتير زمان ههههه
لكن دلوقتي حالهم أتغير كتيييير
نورتي يا نونا

دمتي بكل خير
*******************************************
الشنكوتي الكبير


وأضحك الله ضرسك يا هوبه هههههههه
وليه التدبيس ده بس يا هوبه
ما انا كده فل الفل

نورتني يا صاحبي ربنا يديم الود

دمت بكل خير
*********************************************
على عبد الله


آمين يا رب
ربنا يبارك فيك يا علي
وتسعدني بوجودك دايما
وأدعيلي ربنا يضحك ضرسي كمان
أصله تاعبني ههههههههه
دمت بكل خير
********************************************
norahaty


وعليكم السلام ورحمة الله
بالرغم أني لي وجهة نظر بخصوص الرجل
اللي إتحبس وبعدين عفوا عنه
إلا اني أتفق معكي فيما قلتي
نورتي يا دكتوره
وأشكرك على تواصلك الدائم
دمتي بكل خير
********************************************
m.k


ربنا يرحمنا برحمته
فعلا يا أختي
أسعدني مرورك الكريم
دمتي بكل خير

ahmed_k يقول...

gigi


الإتنين حلوه ومؤلمه ههههههههه
شكرا لمرورك الجميل
دمتي بكل خير
********************************************
طوبه ذهب وطوبه فضه


يعني الكاركاتير نوع من نقد الذات
بشكل كوميدي
نورتي يا دوك
وخللي بالك من خط المترو هههههه
دمتي بكل خير
*********************************************
الحكمه ضالة المؤمن


فعلا فهو فن الذي لا يقال
فهو نقد بشكل ساخر وبسيط
نورتني أخي العزيز
دمت بكل خير
*********************************************
سمكه واحده


هشام طلعت قد يكون بريئ وما حدث نوع من الحرب عليه لأنه رجل ناجح
وقد يكون مذنب الله أعلم
أنا عن نفسي مسمعتش عنه ولا عن السنيوره القتيله إلا بعد ما أصبح الحادث قضية رأي عام
وسبنا البلد اللي مليانه بلاوي ومسكنا في حكاية واحد بيحب واحده مطربه فاشله ربنا يرحمنا
نوتيني بوجودك الجميل
وتعليقك وكلماتك
دمتي بكل خير
*********************************************
بوسي


يا بوسي إنتي تشرفي في أي وقت
وخللي بالك من نفسك وإن شاء الله ترجعي
بلدك بكل خير وسلامه
وأسعدتيني بمرورك الجميل
دمتي بكل خير

ahmed_k يقول...

أم البنين


أهلا بيكي يا أختي وأسعدتيني بأولى زياراتك هنا
في البدايه إسمك متشابه مع أخت فاضله إيما أم البنين وكنت لسه حسألك أمال فين إيما هههههههههه
بس لما دخلت البروفايل عرفت ان حضرتك غيرها عموما شرفتيني بتواجدك
وليس في الرسومات أي سخريه من مصر
ولكن نقد لحكومة ليست هي كل مصر
ودمتي أختي بكل خير
ومنتظر تكرار الزياره
*******************************************
بيرم المصري


آمين يا رب العالمين
تقبل الله منا ومنكم الصالحات
وأسعدني مرورك الكريم
دمت بكل خير
********************************************
بحب كل الناس


أهلا بك يا صديقي
أسعدني جدا مرورك
وحمدالله على السلامه
وعمره مقبوله
دمت بكل خير
*********************************************
فاتيما


أهلا وسهلا بأختي الغاليه
إنتي والله اللي وحشتينا خاااااالص
أيوه كده عايز أشوف إسمك منور هنا دايما
وربنا ما يحرمني من طلتك وتواجدك
الجميل دايما
ودمتي بكل خير
**********************************************
موني


أزيك يا موني أهلا وسهلا بيكي
أسعدني مرورك الجميل
دمتي بكل خير

ahmed_k يقول...

همس


ده البوست مبياخدش دقيقتين
أنا قلت خليها ساعه من باب البحبحه
تروحي تقولي علي بخيل ههههههههه
خلاص يا ستي ليكي إنتي
يوم لقلبك بس بشرط أوعي تقومي قبل اليوم ميخلص هههههه
نورتي يا همس
دمتي بكل خير
*******************************************
خديجه الجهني


يسمع من بقك ربنا
فعلا الأسعار عالميا عماله تنخفض
وربنا يعدلها
نورتي يا خديجه
ومتطوليش الغياب تاني
دمتي بكل خير
*******************************************
د/مروه المعداوي


حجاب أيه يا دوك
أنا عامل البوست ده قبلك
إنتي بقه اللي لما شفتي الموز عندي
رحتي قلتي أما أخدلي منهم موزه هههههه
وإنتي تيجي في أي وقت
بس المهم أنك تيجي
نورتي يا دوك ودمتي بكل خير
********************************************
عازفة الأوتار


مييييييييييييين منه
أنا مش مصدق نفسي , فينك من زمان
أنا قلت خلاص منه نسيتني ولا حاجه
بس بجد فرحت جدا لما شفتك منوره إنهاردا
يارب دايما
وأشكرك على كلماتك الجميله والرقيقه
كرقة صاحبتها
ودمتي يا منه بكل خير
********************************************
rovy


الحمد لله أن إختياراتي
حازت على إعجابك
نورتيني يا روفي بجد
وأتمنى دايما ما أضيفه ينال الرضا
دمتي بكل خير

محمد بن صالح يقول...

جميله هذه الكاريكتيرات ...

محتوى وتعبير

ahmed_k يقول...

محمد بن صالح


بارك الله فيك أخي العزيز
وأرجو دوام التواصل بننا

دمت بكل خير

mero-moory يقول...

السلام عليكم و رحمة الله و بركاته

ههههههههههههه بموت في الكاريكتير وحاسه من كتر حبي فيه مسيري هتزرع في رسمة منه بسبب طريقة الكلامي الثوغنتته خالث دي ههههههههههه

بالنسبة للغلاء فربنا رحييم بينا والله الواحد تعب من اللي بيشوفه بس تعرف اكتر حاجه بتصعب عليا اللي تحت خط الفقر ببقى هتجنن كل مااحس ان في حد جعان تعبان محتاج حاجه نفسه في حاجه وموش قادر

منه لله اللي كان السبب في اللي حصل خليه يكنز على قلبه أد كده ربنا موش هيهنيه ابدا على حاجه


في رعاية الله

ahmed_k يقول...

mero-moory


ههههههه أنا لو كنت برسم كاريكاتير
كنت حققتلك الأمنيه الغاليه دي
لكن الإيد قصيره والعين بصيره ههههه
ومالهم اللي تحت الخط ؟
دول متهنيين تحت الخط مش احسن
من اللي فوقه اللي ممكن يتكعبلوا هههه

ربنا شاهد ومتطلع
ولنا الله
نورتينا يا مريم كعادتك
دمتي بكل خير