الثلاثاء، 21 أكتوبر 2008

الوثيقة التأسيسيه للمدونين


عناصر الوثيقة التأسيسية للمدونين
1- عدم المساس لأي دين أو مذهب بالتجريح
وعدم نشر العداوة بين المذاهب المختلفة
2- عدم نشر روح الأنهزاميه بين المدونين ومحاولة السمو بالأفكار والإستفادة منها للصالح العام
3- البعد عن المصلحه والأطماع الشخصية وجعل التدوين نزيه وله هدف سامي
4- المحافظة علي شرف التدوين ومحاولة الأرتقاء به لأعلي الدرجات
5- البعد عن تعليقات المجاملة والعمل علي النقد البناء الذي يهدف إلي تصحيح المفاهيم والتقريب بين الأفكار
6- نشر روح المحبه والأخوه بين الناس
7- البعد عن الأفكار الهدامه والتمسك بالقيم والمبادئ الإسلاميه الحنيفه

8- عدم التخلي عن التدوين قدر المستطاع ومحاولة التواصل حتي ولو علي فترات متباعده
9- مساعدات أخوننا المدونين علي قدر المستطاع ونشر الخير بينهم
10- عدم التعرض بالآساءة أو الألفاظ الجارحه لمن يقوم بالرد علي مدوناتنا
11- التضامن مع أخوننا في كل انحاء العالم وأظهار لهم روح الترابط والأخوة عن طريق التواصل عبر المدونات
12- متابعة تعليقات من نقوم بالرد في مدونتهم لكي يتم الاستفاده من هذا النقاش
13- عدم التسلط أو التطاول علي من يقوم بنقدنا ، ومحاورته بكل حب وتفاهم لكي يتم تصحيح المفاهيم
14- مقاطعة مدونات الشواذ والمثليين وارشادهم للصواب وتعريف المدونين بيهم لكي يتفادوا التواجد معهم
15- عدم نشر العادات السيئة والتقليعات الغريبة التي لا تمت بأي صله للإسلام ولا للعادات والتقاليد الشرقية


*******
اقسم بــالله الـعـظـيم

أن احــــافــظ عــلــي شـــرف التدويــن

وأن أعـمــل جــاهــدا عــلــي ان أرتـقـي بـهــذاالـمـجـتـمع الإلكتروني

لـكــي يـــكــون صـــوت الـناس وللناس

وأن أقـــوم بنشر روح الأخـــوة والـمحبه بـيـن الـنـاس

وأن أعمـل جـــاهـــدا عــلــي رفـــع الـمـعـنـويــات لــدي الـمـدونين

لــكــي يبدعــوا وأن نقف بجــانـب كـــل مــــن يـحـتـاج الــعــون

وأن نتـعـامــل مــع أخــوانـنـا الـمـدونـيـن بــالــحسنى والأخـــوه

وأن التزم



**********************
هذه الوثيقه منقوله من مدونة مجنووون
والذي تحمل هذا المجهود لصياغة تلك الوثيقه
فبارك الله فيه على هذا الجهد الكبير

هناك 24 تعليقًا:

أختكم فى الله يقول...

ايه ده اول مرة ابقى اول تعليق !!!!!

جزاكم الله خيرا على الموضوع المهم ده

ما شاء الله اتنشر انا قريته لحد دلوقتى تقريبا 4 مرات

صبرني يارب يقول...

سبقتنى اختكم فى الله

تمام الوثيقه يا فندم

وحقيقى ده المفروض مش بس بين المدونين والله بين الناس كلهم

اعتبرني مضيت تحت الوثيقه يا استاذنا

تحياتي لك

ماما أمولة يقول...

جزاك الله خيرا اخي احمد

جميل ان تتوحد موضوعاتنا ولو مرة

واحدة

الله الموفق

kochia يقول...

حلو الموضوع
وانا رديت عند كيارا لاني قراته اول مرة عندها وعلقت علي نقطتين في البند الخامس والبند 14
ومستنية التوضيح

تحياتي

مواطن مصرى نايم يقول...

جميله جدااااااا الوثيقة يا ريس
الله ينور عليكوا بجد
و الف شكر يا كبير على السؤال عليا و انا منقطع
و ربنا يخليك يا رب

تحياتى ليك يا ابو حميد

اسلام

mony يقول...

طبعا انا من اشد المؤيدين للوثيقة

و اعتبر ردي ده توقيع عليها


جزاك الله خيرا

رئيس التحرير: يقول...

اشكرك لقد قمت بنشر الوثيقه ..ويارب نلتزم بالي فيها ...ارجو الا تغيب عن أخي الكريم

كـــيــــــــارا يقول...

احمد

عملنا مدونه عشان نناقش المشاكل اللي في التدوين مره اخري

http://blogers2008.blogspot.com/

وده لينكها ابعتلك دعوه عشان تكون مساهم ؟؟؟

على عبدالله يقول...

على ذلك اوقع

والله على ما اقول شهيد

الوجد يقول...

:::::::::::::::::::::::

ما شاء الله تبارك الله ..

حقيقة هذه النقاط قمة فالروعة ومهمة جدا في عالم التدوين
والأهم من ذالك هو الفعل وجعل هذه النقاط منهج يتبع في هذا العالم الذي يحمل بين طياته الكثير
منهم من يكتب على أهواء شخصية ونشر الرذيلة ومنهم من يكتب من أجل نشر الفضيلة والمحبة ..

أحمد .. بارك الله فيك ..

دمت ناشرا للخير ومعينا عليه..
:
حفظك الله ..
:
:::::::::::::::::::::::

خديجه الجُهني يقول...

نقاط جميله ووثيقه أوثق :)
على الخير نسير معاً بإذن الله

كاميليا يقول...

أنا أيضا اوقع معكم على هذه الوثيقة

واسجل اعجابى بصياغتها

كل الاحترام

بسّام الكثيري يقول...

أخي الودود / أحمد زكي الدين
السلام عليكم
كيف حالك ..

أشكرك على هذا الموضوع الطيب ، وكم هو جيد أن يكون هناك دستور و نظام و وثيقة شرف للحفاظ على ماء وجه التدوين من الإبتذال و الإراقة بين قدمين ِ مجردة من المرؤة و الحياء و الكرامة .


أضم صوتي و توقيعي معكم ..
وعلى ما تقدم آنفاً أوقع أدناه /
بسّام الكثيري
مدوّن بيَادر العُمر

بالتوفيق
و الله يحفظكم

mahasen saber يقول...

اولا انا شاكره زيارتك الجميله وكرم اخلاقك وذوقك وكلامك الجميل ليا...
الله يكرمك ويجعله فى ميزان حسناتك
........
ثانيا انتى سبقتنى فى نشر الوثيقه والله يا احمد عايزه اركز كده وانقلها عندى يله ادعيلى بقه وانا هحاول اخد الخطوه....
......
بس انتا بئه اليى مدونتك جميله وعجبنى بوستات كتير فيها زى بوست التوبه وبعدين كاريكاتير مصطفى حسين بس صور السادات بتحسس بكارثه يمكن لانها كانت فعلا كارثة المنصه....
........
شاكره ليك ذوقك كمان مره....

mohamed ghalia يقول...

اقسم بــالله الـعـظـيم


أن احــــافــظ عــلــي شـــرف التدويــن


وأن أعـمــل جــاهــدا عــلــي ان أرتـقـي بـهــذاالـمـجـتـمع الإلكتروني


لـكــي يـــكــون صـــوت الـناس وللناس


وأن أقـــوم بنشر روح الأخـــوة والـمحبه بـيـن الـنـاس


وأن أعمـل جـــاهـــدا عــلــي رفـــع الـمـعـنـويــات لــدي الـمـدونين


لــكــي يبدعــوا وأن نقف بجــانـب كـــل مــــن يـحـتـاج الــعــون


وأن نتـعـامــل مــع أخــوانـنـا الـمـدونـيـن بــالــحسنى والأخـــوه


وأن التزم
معكم بإذن الله
تحياتى

ahmed_k يقول...

أختكم في الله


مبرووووووووووك أول تعليق
فرحتلك والله ههههههه
وإن شاء الله تلاقيها خلال الأيام الجايه
منتشره أكتر وأكتر
وأنتي مش حتنشريها ولاايه ؟؟؟
نورتي يا أسماء
دمتي بكل خير
*********************************************
صبرني يا رب


والله معاكي حق
فعلا المفروض المجتمع كلله يمشي على مبادئ
وقيم ميحيدش عنها وهو ده العرف
نوتيني يا أم مريم واهلا بيكي عضوه في الجمعيه ههههههه
دمتي بكل خير
**********************************************
ماما اموله


فعلا وياريت تنتشر وعن إقتناع
أكتر من كده
أسعدني مرورك الجميل
دمتي بكل خير
**********************************************
كوشيا


أنا متفق معاكي أن البند الخامس
محتاج إعادة نظر ولكن لسه حيتم
التعديل بإذن الله بس أنا نشرت
لأنها اللبنه الأولى لمبادي وقيم التدوين
ويشكر مجنووون صاحب برائة الإختراع
مرورك أسعدني يا كوشيا
دمتي بكل خير
*********************************************
مواطن مصري نايم


إزيك يا إسلام وحشنا يا راجل
أيوه كده نورني بتعليقاتك وأسمك
اللي بفرح بوجوده عندي جدا
ربنا يديم تواجدك وطلتك دايما

دمت بكل خير

ahmed_k يقول...

موني


أهلا بيكي في جمعية المدونين
وتم أخذ نموذج التوقيع يا فندم هههه
أسعدني مرورك الجميل
دمتي بكل خير
**********************************************
رئيس التحرير


بارك الله فيك يا أخي
ويسعدني ويشرفني التواجد لديكم يا فندم
دمت بكل خير
**********************************************
كيارا


معاكم قلبا وقالبا
أشكرك يا كيارا على دعوتك الكريمه
ومنتظر دعوتك ليا
بس تكون دعوه كبيره مش صغيره هههههه

دمتي بكل خير
**********************************************
علي عبد الله


أهلا بيك يا علي
وأنت طول عمر مدونتك ماشي على هذه المبادئ
ربنا يكتر من أمثالك
دمت بكل خير
*************************************************
الوجد


ربنا يبارك فيكي
ولكي بمثل ما دعوتي لي به ,
وهذا الجهد وعلى الله التكلان,
نورتي يا الوجد وأسعدتيني
بتواصلك الدائم
دمتي بكل خير

ahmed_k يقول...

خديجه الجهني


أهلا بيكي يا خديجه في جمعية
وثيقة التدوين
وحبلغك بميعاد الإجتماع ههههه
دمتي بكل خير
***********************************************
كاميليا


العروسه كامي مره واحده
يا مرحبا يا مرحبا,
ياترى خلتيلي حته من الجاتوه ولأ ؟؟
ربنا يسعدك دايما ,ومتغبيش عننا تاني
فرحت جدا بوجودك يا كامي
والصياغه صياغه المجنون العاقل
ربنا يجازيه خير,
دمتي بكل خير
************************************************
بسام الكثيري


وعليكم السلام أخي الحبيب
ومرحبا بك في جمعية الوثيقه
وإنضمامك يبهج النفس
فأنت دوما صاحب مبادئ وقيم
في عالم التدوين ,
وكان لك مقال بنفس الخصوص وقد
أعجبني جدا
بارك الله فيك
ودمت بكل خير
***********************************************
محاسن صابر


أيه النور ده محاسن عندنا
حاقه ساقعه يبني بسرعه ,
وأسرعي بقه في نشرها أصله موضوع ميزته في توحد نشره
وأشكرك على رأيك الجميل في مدونتي
بس برضو العين متعلاش عالحاجب
نورتيني يا محاسن وكرري الزياره دايما
دمتي بكل خير
************************************************
محمد غاليه


أهلا بيك يا محمد
أسعدتني في زيارتك الأولى وأرجو
دوام التواصل
ومرحبا بيك عضو في جمعية الوثيقه
دمت بكل خير

»-(¯`v´¯)-»Ahmed.3LaM»-(¯`v´¯)-» يقول...

يالهوي حتي التدوين بقي ليه وثيقه
بلد بتاعت شهادات صحيح ههه

استاذ احمد انا معاكم ان شاء الله

MaGn0liA... يقول...

بحييها بشده

و اوقع عليها

saso يقول...

جميله اووووى يا استاذ احمد بجد انا شوفتها عند ماما اموله وانا من المؤيديين لك ولحكومتك ولست ان شاء الله من المعارضين هههههههه(محمد صبحي)

ربنا يبارك فيك

mero-moory يقول...

السلام عليكم و رحمة الله و بركاته

و ربنا أنا عارفه إني وحثه خالث خال و مقصرة وموش جيت خالث :(( و زحلانه من نفسي بس والله غصب عني ظروف والله :((

بس بجد مبسوطة من البوست ده أوي ومباديء و قوانين الوثيقة دي رائعه بجد وبنود في منتهى الاهميه وانا معاك ومؤيداها بشده والله المستعان

ويارب تكون بخير يا أحمد ولا مستر أحمد اللي تحبه بقى .. احم احم ..وموش زعلان لتقصيري :((

في عاية الله

ahmed_k يقول...

أحمد علام


يا أهلا بيك يابوحميد
نورت أسعدت بتواجدك الجميل

تقبل خالص تحياتي
**********************************************
magnolia


بارك الله فيكي
وإنها لبنه للتواصل الجيد
بين المدونين
دمتي بكل خير
***********************************************
saso


ههههههههه هي دي الديكتاتوريه
يووووووه قصدي الديمقراطيه
ويحيا الشعععععععب هههههه
دمتي بكل خير
**********************************************
mero-moory


أونكل أحمد لو سمحتي هههههههه
وتنوري في أي وقت يا مريوم
بس أهم حاجه تنورينا
وطبعا زي ما قلت سابقا
هي وثيقه من حيث المبدأ كلام حلو
بس ميمنعش أني لي بعض الملاحظات عليها

دمتي بكل خير

mero-moory يقول...

السلام عليكم و رحمة الله و بركاته

أوك يا أونكل احمد هههههههه

يارب تكون بخير

في رعاية الله