الجمعة، 26 يونيو، 2009

رقم قومي كل 7سنوات

بطاقة الرقم القومي من المشاريع الضخمه والتي أنجزتها مصلحة الأحوال المدنيه
وعممت بشكل شبه كامل بين كل المصريين
وقد ساعد النظام في تحديد الهويات للأفراد بشكل عالى الدقه لدرجة كبيره

وقد ظهر حديثا قانون جعل لتلك البطاقه فترة صلاحيه لا تتعدى السبع سنوات أسوة بجوازات السفر

وقد عمم هذا القرار على بعض المصالح الحكوميه وبالأخص مصلحة الشهر العقاري والتوثيق وسيتبعها باقي المصالح الحكوميه بالتدريج , حيث أنه يمتنع حاليا موظف الشهر العقاري عن إجراء أي معامله لصاحب بطاقة تجاوزت السبع سنوات ولو بيوم واحد , ورغم كل ما قيل حول هذا القانون وحول قيمة الإستماره التي تبلغ 15 جنيه لكل تجديد إلا أنني أنظر للأمر بمنظور آخر فنحن في مصر ينقص قواعد بياناتنا الكثير من الدقه وكذلك يوجد تشابهات كثيره في الأسماء

فإن هذا القرار أعطى فرصة لهيئة الأحوال المدنيه تجديد قواعد بياناتها ومراجعتها لكل فرد كل سبع سنوات

وأيضا يمنع هذا القرار الكثير من الجرائم التي تنتج عن تغير شكل الشخص بعد فترات زمنيه طويله

فنجد شخص كان ذو شعر إختفى شعره ولكنه مازال يستخدم بطاقه تظهره بشكله القديم وقد رأيت بنفسي مشكلة من هذا النوع في أحد البنوك حيث أمتنع الموظف عن الصرف للمواطن لأنه أصلع والصوره في البطاقه تظهره بشعر , فالتجديد للصوره الذي يتم أيضا مع تجديد البطاقه سيلغي مثل تلك المشكلات

فهذا القرار أؤيده تماما لما فيه من مصالح ومنافع عديده تعود على المواطن نفسه وتجنبه الكثير من المواقف التي هو في غنى عنها, إضافة إلى أن مصلحة الأحوال المدنيه لدينا من المصالح الحضاريه والتي نفخر بقاعدة بياناتها التي توفر الأمان للمواطن من حالات الإشتباه الجنائي

والسلام عليكم ورحمة الله وبركاته

هناك 45 تعليقًا:

صيدلانيه طالعه نازله يقول...

قرار التجديد كويس فعلا بس تحس انه طلع فجأه من غير تنويه او تخطيط يعنى مع اوائل 2009 ظهر فجأه ان التجديد مطلوب و ضرورى مع ان محدش جاب سيرته قبل كده و على العموم عااادى ما كل حاجه فى بلدنا بتحصل فجأه من غير سابق انذار جت على البطاقه يعنى

محمد فوزي يقول...

تحليل محترم ومقنع وعقلاني جدا وحاجات كتير لو فكرنا فيها بعقلانيه من غير ما نبادر بسوء الظن هنلاقيها حاجات كويسه وده هيساعدنا على تقبل حياتنا بصوره أفضل

تحياتي ليك

ماما أمولة يقول...

اخي أحمد

عجبني تحليلك العاقل والمقنع للتجديد

ربنا يصلح حالك

اللؤلؤة يقول...

السلام عليكم
على فكرة أنا كنت ساخط على هذا القانون ولكن تحليلك للموضوع أقنعنى بأهميته ولكن يعيب على حكومتنا الغراء أنها تخرج من القمقم فجأة بقرارات وقوانيين بدون سابق إنذار
دمت فى حفظ الله

عصفور المدينة يقول...

حمدا لله على سلامتك يا أستاذ
فعلا اتفق معك رغم أنني قضيت يوم عصيب في التجديد

ahmed_k يقول...

صيدلانيه طالعه نازله



إزيك يا دكتوره
وبخصوص قانون التجديد هو كان صدر قبل بدئ العمل به تقريبا بستة أشهر وتم إعطاء مهاه للمواطنين لتجديد البطاقات التي مر عليها سبع سنوات لبداية مارس 2009ولكن طبعا لأنه التجديد الأول فوجدنا إزدحاما شديدا في مكاتب السجل المدني هو بالفعل كان المفروض مهلة التجديد تكون مده اطول

ومعلش يا دكتوره نجدد البطاقه وأهو كلله بثوابه هههههه
منورانا يا فندم
دمتي بكل خير
********************************************
محمد فوزي



اهلا وسهلا دكتور محمد
أسعدتنا بأولى زياراتك والتي أرجو أن تتكرر دوما
وبالفعل يا فندم بلدنا فيها إيجابيات كتيره بس للأسف فيها سلبيات كتيره برضو وقد يكون هناك سلبيات في نفس الإيجابيات
مثلا في موضوع تجديد البطاقه وجدنا أن المهله غير كافيه مما ادى لإزدحام مكاتب السجل المدني
برضو عندنا مشكلة إداره
وربنا يصلح الحال
وتقبل خالص تحياتي
********************************************
ماما اموله



جزاكي الله عني خير الجزاء
وأحمد الله أن الموضوع نال إستحسانك
دمتي بكل خير
*********************************************
اللؤلؤه



وعليكم السلام أخي العزيز
ومعلش يافندم أبتسم أنت في مصر
نورت يا صديقي
في امان الله
*********************************************
عصفور المدينه



يا مرحبا بك يا بشمهندس
أنا بقا مخدتش في التجديد نص ساعه
واسطه بقا هههههههه
نورت يا فندم
تقبل خالص تحياتي

norahaty يقول...

السلام عليكم ورحمة
الله تعالى وبركاته
وصباح الفل ياأستاذ احمد
مش عايزة اقولك انا من الناس
كنت حاطة صورتى بالمدرسة الثانوى
فى البطاقة القديمة خالص بعد كده
اتغيرت بالرقم القومى اللى فاتت
واهى اتغيرت الايام دى :)ولما نشوف
حيخترعوا ايه ياخدوا مننا فلوس بيها
لكن والله تحليلك غير وجة نظرى للموضوع
وبدال انت موافق:)انا كمان حوافق:)
نهارك ابيض استاذ احمد

نهر الحب يقول...

يابنى انت حزب وطنى
يعنى تؤيد وتؤيد وتؤيد ثم تؤيد
اية الجديد فى دا بقى !!!!
لا بجد شئ لطيف ان البيانات الموجودة فى مصر تدقق بشكل دورى ويصلح ما بها من اخطاء ساء فى الاسم او الشكل

همس الاحباب يقول...

القرار صائب جدا
ولا اعتراض عليه
ولكن مع الاسف فى بعض المناطق يتم التجدبد بدون تغيير الصورة القدبمة للشخص وحدثت مع اكثر من شخص
لذا يجب الاهتمام اثناء التجديد بتغيير الصورة واستكمال البيانات بدقة
تحياتى

جنّي يقول...

السلام عليكم

ازيك يا عم احمد لعلك بخير والحمد لله وحمدا لله على السلامة ..
جميل التحليل ودا شكل جيد للحكومة الذكية .. بس ياريت كمان يستغلوا ذكائهم في تغيير حياة المواطن المصري للحد الادنى من حياة الشعوب المحترمة ..

كمان ياريت يحسنوا البطاقة فالصورة ابض واسود واسوأ صورة ممكن تشوفها لنفسك .. لا باين اصلع ولا بشعر وتنعكس حالة الموظف الذي يصورك عليك فيصبح وجهك متجهم من الموظف ومن قرف الطوابير والزحام والتراب والحر ..
ولا ادري لماذا لا يستخدمو طريقة وضع الصورة مثل جواز السفر الجديد صور حديثة وملونة وجميلة ذات خلفية بيضاء وتأخذ بالسكنر وتوضع اليا في الجواز ..

تحيتي

عايش... ولكن !!!! يقول...

احمد
تحليلك ده بجد اقنعنى بالقرار
كان فى تساؤلات ليه طلع فجأه كده وبدون مقدمات وعلى اساس ايه اصلا
لكن تحليلك رائع وعقلانى اقنعتنى

دمت بكل الود

ahmed_k يقول...

norahaty



وعليكم السلام ورحمة الله
ونهارك زي الفل والورد يا دكتوره
وده شيئ اعتز به إقتناعك بالقانون
بناء على ما كتبته رغ أني أؤيد الفكره لكني ضد الإسلوب تماما
فال15 جنيه في كل تجديد نوع من إمتصاص الأموال بدون وجه حق
لكن النقطه دي حيكون ليها بوست خاص
نورتيني يا دكتوره نور
دمتي بكل خير
**********************************************
نهر الحب



ههههههههه طيب خدي بالك من التعليق اللي بعدك أهوه الرفيق خالد ممكن يزعل منك ههههههههه
والمصيبه أني أكتشفت أن في بعض مكاتب السجل المدني بسبب الزحام مبيصوروش التجديد وبياخدوا بالصوره القديمه
سيبك ربنا يسترها هي في الساس فكره ممتازه بس التطبيق سيئ كأمور كتيره في البلد
أسعدتيني بقدومك يا فندم
دمتي بكل خير
**********************************************
همس الأحباب



صح يا خالد الفكره زي ما قلت للمعلقين قبلك ممتازه لكن يعيبنا التطبيق السليم لأنه لدينا عيوب إداره مزمنه
المهم أنت منورنا يا باشا
في أمان الله

ahmed_k يقول...

جني



وعليكم السلام
إزيك يا سعيد انا بخير والحمد لله
وممكن أختلف معاك شويه يا سعيد
فأحنا والحمد لله حالنا أحسن من بلاد وشعوب تانيه كتير سواء في التنميه المستدامه أو في الحاله السياسيه رغم كل العيوب بس برضو أحسن من غيرنا
وقد قال الرسول عليه الصلاة والسلام
(لا تنظروا إلى من فوقكم ولكن أنظروا إلى من دونكم فذلك أحرى أن لا تذدروا نعمة الله عليكم)
فنحن والحمد لله في نعمة يحسدنا عليها الكثيرون
وأنت تعيش في إحدى دول الخليج فأسألك هل يستطيع أحد في تلك الدول الغنيه إنتقاد حكامها أو حتى أفراد عائلاتهم طبعا لأ مهما عملوا لكننا ننتقد ونهاجم حتى وإن كان لا يغير شيئا ولكنه تنفيث أفضل من الكبت
وتاكد أننا شعب له باع طويل في السياسه والرأي بخلاف شعوب أخرى كثيره لا هم لها سوى الأكل والخلفه
طبعا في لدينا فقر وغلاء معاك لكن حتى في البلاد الغنيه في فقراء من مواطنيها
فنحن شعب ككل الشعوب فينا الغني والفقير والمثقف والجاهل ولدينا حضاره لا توجد إلا هنا ولدينا تاريخ وجمايل على كل بلاد المنطقه
فبلدك بخير يا سعيد وفيها الأمن والحمد لله ,
اما بخصوص باقي تعليقك حول البطاقه فاتفق معك حول الصوره لابد من تطوير نظام إدخالها وتأكد انه في التطوير سيحدث ما تقول عنه
منورني يا سعيد كعادتك
في امان الله
*******************************************
عايش... ولكن !!!!



ربنا يبارك فيك يا هندسه
ودي شهاده أعتز بيها
وفقك الله لكل خير
تقبل خالص تحياتي

بحب كل الناس يقول...

السلام عليكم ورحمة

بجد يا استاذ احمد القرار ده كويس جدا اي نعم هو متأخر اوى بس الحمد لله ان فى حد فكر ان (شكل الشخص ممكن تتغير بعد فترة

تقبل تحياتى

وردة يقول...

تصدق فكرتني بحكايه البطاقة ديه
اي نعم انا بكرها من البداية لان الصور بتطلع شبه رايا و سكينة
بس كويس انهم يغيرو البطاقة علشان كمان البيانات
يعني مثلا انا عملتها وانا طالبة وكسلت اني اغيرها
لكن دلوقتي مجبر اخاك لا بطل
ولازم نروح نغير البطاقة
كرا علي البوست وكمان انا اعتبرته تنبيه ليا علشام مش انسي
ربنا يكرمك
سلام

احمد يقول...

القرار ممتاز
وعندنا في السعودية التجديد كل عشرة سنوات

حاول تفتكرنى يقول...

حقيقي موضوع حيوي جدا ، ولو أردنا وصولا اسلم للهدف من التغيير البطاقة فكان يجب أن يكون كل خمس سنوات وليس سبع


فقط اتحفظ على الاشادة بمجهود مصلحة الأحوال المدنية ، التي اراها متأخرة جدا فى مجال التقنيات اللازمة والمناسبة لإنجاز الاهداف ، فعملية استخراج البطاقة فعلا مرهقة بالنظر إلى ما يجب أن يكون ، خاصة أن هذه التقنيات موجودة ومتوفرة بل وقديمةايضا .
فى البلد الذى اعيش فيه ، استطيع أن اجددها بالتليفون واتابعها ايضا به ، حتى يرد الكمبيوتر فى خلال 48 ساعة ليخبرني باي جهاز توجد بطاقتى وما على إلا أن اذهب - فى اى وقت - لأضع النقود فى الماكينة فتخرج البطاقة - تزغرد - من الماكينة ذى البيبسي كولا.
هل تظن أن هذه التقنيات مسأل صعبة ومستحيلة على مصلحة الأحوال المدنية ، حتى لو فيما يتعلق بالتجديد ، ولو تطلب منى أن اعيد الكرة كل سبع سنوات سيكون ذلك مثاليا ومطلوبا .

تحياتي لك
ولموضوعاتك المثمرة

mohamed ghalia يقول...

تعرف معاك حق فى كلامك

جحا المصرى يقول...

معاك حق فعلا
أتمنى دوام التواصل

على عبدالله يقول...

السلام عليكم
كيف حالك يا عمنا

شكلك كدا حزبى وطنى بتاع الحكومة
ههههههههه
لا والله دى حاجة كويسة اننا ((نبص )) شوية على ايجابيات الحكومة بنت الستين فى سبعين دى
:)
وانا متفق معك فى موضوع ((احنا احسن من دول كتير )) بدليل دول الخليج مثلا ماحدش يقدر يقل بم او تلت التلاتة كام مع (( الحكومة )) والا تنقطع رقبته

مصر عظيمة اوى يا رأفت (قصدى يا احمد )
:)

سلام

Appy يقول...

اول مره اشوفك متفائل وموافق على حاجه يا سلام تتحسد يا احمد
انا معاك انها حلوة على الاقل نعمل نيو لوك كل سبع سنين
بس بقولك ايه مينفعش يعملوا بتاعت البنات بينك ولا بيربيل هههه

فراشة يقول...

احمد بصراحه انت فعلا نبهتنا لشىء ايجابى فى موضوع الرقم القومى ده
بس المشكلة فى تطبيقه على اكمل وجه

انا عن نفسى رحت بالفعل وقمت بتجديدها ولكن فوجئت بأن التصوير حسب الرغبة

يعنى فى ناس ماتصوروش وناس اتصوروا

لكن لو يبقى التطبيق كامل يبقى ساعتها كلامك 100 %

تحياتى لتوضيحك
اكيد لكل شىء مميزات وعيوب

بستان الحب يقول...

تناولك للموضوع كون عندى قناعه ايجابيه به مع بعض التحفظات جزاكم الله خيرا

فشكووول يقول...

ازيك يا احمد
فعلا يا احمد بطاقة الرقم القومى اصبحت مهمة جدا وعليها تبنى قواعد بيانات كامله عن كل شخص وكل انسان مصرى موجود على ارض الوطن
من مزايا الرقم القومى فعلا انه عند استخراج جواز سفر يتم الرجوع اليها من قاعدة البيانات الموجوده فى الاحوال المدنيه
لهذا تجد السهوله الكامله فى استخراج جواز السفر والتى يتم فى ادارة الجوازات مراجعة بيانات استمارة الجواز مع قاعدة البيانات الموجوده فى الاحوال المدنيه
شوف يا خويا وانا كنت فاكر انهم بيطلعولى الجواز بسهوله ليه .. اتاريهم بيرجعوا للبيانات بتاعة الرقم القومى فى الاحوال المدنيه
على كل حال اصبحت الخدمة فى الاحوال المدنيه وجوازات السفر سهله طبقا للحكومه الاليكترونيه وعقبال بقى المرور والمخالفات وما شابه
تحياتى

بسنت يقول...

هو قرار كويس لانه كان فرصه الواحد يغير بعض البيانات القديمه فعلا فيها

انا معاها تماما بس السؤال هل هى قابله مثل غيرها للتزوير؟

بجانب ان فى الاستماره البيانات المكتوبه بتمضى عليها الهيئه اللى تابع ليها ودى حاجه سهله جدا لاى حد على فكره

انا كنت افضل ان يكون فيها مضمون جديد زى بصمه العينم او الاصبع حاجه اكثر دقه يعنى

احمد
دمت طيب

واحد من العمال يقول...

السلام عليكم

فعلاً القرار له فوائد كثيره
وفيه قفزه واضحه فى مستوى مكاتب السجل المدنى وفى أسلوب التعامل
ياريت يعدى المصالح الأخرى التى ماذالت كئيبه ونخشى من التعامل معها
ومثلما ننقد السلبيات يجب أن نشيد بالإيجابيات
بس للأسف البؤر المضيئه ماذالت قليله
بس أحسن من مفيش

ودمت أخى بخير

ملكة بحجابى يقول...

تحليل مقنع
يالله الحكومة كسبت واحد من مواطنيها
الحكومة لو سمعتك هتزغرط ان حد بدأ يقبل الوضع
لولولولولىىىىىىى

بس هو الكلام مقنع
كلااااام جميل .. كلام معقول.. ما أقدرش اقول حاجة عنه

تقبل تحياتى

(ملكة بحجابى )

rovy يقول...

السلام عليكم ..
نعم اخى الفاضل هو قرار صائب حقا و تحليلك واقعى جداا

تحياتى لك دوما

akeed يقول...

هو القرار جيد لان كثيرين يمشون باكثر من بطاقة و سيحجم هذا الامر هؤلاء و ايضا تحديث البيانات و لاكن المفروض ان تكون الرسوم القل من هذا المبلغ حيث انه عبء على بعض الناس

موناليزا يقول...

بس انا سمعت انهم مش بيصوروا الناس صور جديدة ولا حاجة
ومش عارفة ده بجد ولا ايه

marmar يقول...

انا قلت اجي اسلم عليك يا احمد عشان وحشتنا ومدونتك وحشتني جدا
ويارب متغيبش تاني يا احمد
تحيه كبيره ليك وللأسره بحجم الكون

GiGi worled يقول...

طبعا راي بس ده راي الحكومه
لكن راى الانسان العادى مش معاه 15 جنيه يجيب اكل هيحطهم فى بطاقه
الحكومه لو صح تصرف من جيبها
ثانيا هما زمان كان الجرايم اكتر لان الناس معاها بطاقه مش بتتغير ابدا
ثالثا هى الصوره فى البطاقه دى اصلا بتصوير الكومبيوتر العيب فيها شبه مننا من الاساس
والله انا صورتى فى البطاقه ماتمتش للحقيقه بصله
وبالتالى شعر ولامن غير شعر ماهى غالبا الشعر مش باين وبالذات لو واحد كبير لان شعره ابيض فخلاص بيضيع
يعنى الحكومه عايزه فلوس وخلاص اصلها ناقصه يعنى
يرحمونا بقى

سمكه واحده يقول...

انا كمان أوايده
اذي حضرتك يا استاذ احمد
ربنا يخليك يارب متشكره جدا علس سوالك وزوقك
معلش انا الحمد الله بخير بس هو شويه ملل كده علي حبه زهق عارف انت جو الصيف
الحمد الله
ربنا يبارك في حضرتك
دمت بالف خير

علي محـمــــــد يقول...

السلام عليكم

اخبارك ايه يا ابو حميد .. ؟

ان شاء الله تكون بخير ..

والله يا احمد سبع سنوات حلوه وعلى فكره احنا عشره وتروح تجدد وما فيها لا غرامه ولا شي بس اي معامله حكوميه لاتنفذ اذا كانت صلاحية البطاقه منتهيه يعني غضباً عنك تروح تجدد .. ورخصة القياده تجددها كل خمس سنوات وفيها صوره وجواز السفر كمان خمسه سنوات اعتقد ان جواز السفر عندكم مدته 7 سنوات والا انا غلطان ؟

المهم اطلع لي عالسكايب على يوزري الجديد Ali-M-74

في امان الله

قوس قزح يقول...

ليه الاذى بس ده
تتعمل لكم انتم يا رجالة ماشى
لكن الستات بيكون عاجبها صورهاو هى صغيرة
و بعدين احنا معندناش عوامل تعرية زيكم
اخرجنا نلبس طرحة على دماغنا و خلاص


انا عموما عجبنى جدا فكرة الرقم القومى من الاول لانها هتوفر كتير من وقت الناس
ياريت بس نختار ناس فعلا تعرف يعنى ايه كمبيوتر و تعرف ان فى فارق بينه و بين الالة الحاسبة

تحياتى

غروب يقول...

انا كمان موافقه جداااااااااا

اصل صوره البطاقه بتاعتى مش عجبانى خالص وعاوزه اغيرها
ههههههههه

محمد الجرايحى يقول...

نعم أنا معك فيما توصلت إليه..ولكن لماذا صدر القرار فجأة ؟؟؟
ولماذا 15 جنيه هناك الكثيرون مبلغ مثل هذا بالنسبة لهم قديؤثر تأثيراً كبيراً عليهم وخاصة إذا كان فى الأسرة مثلاً أكثر من فرد سيقوم بالتجديد.
ثم أن هذا القرار صاحبه كلام عن غرامة قد تبلغ المائة جنيه لمن يتاخر عن التجديد وهذا ماجعل الكثيرون يتشككون فى نوايا الحكومة.....

لو عرفوه هيحبوه يقول...

http://law3refoh.blogspot.com/2009/07/blog-post.html



تعرف على شكل نبيك

ahmed_k يقول...

بحب كل الناس



وعليكم السلام ورحمة الله
هو ممكن ميكونش الهدف بالظبط كده
لكن هذه المشكله من ضمن إيجابيات القرار فعلا من وجهة نظري الشخصيه
نورت يا صديقي
دمت بكل خير
*********************************************
ورده



ريا وسكينه ههههههه
هي بالفعل تقنية التصوير محتاجه لتعديل وربنا يسهل
وأشكرك على رأيك الجميل
وكلماتك المشجعه
تقبلي أخلص تحياتي
*******************************************
أحمد



حياك الله أخي أحمد
وعشرة سنوات من سبعه مفرقتش كتير
أحنا بنعوضها في رخص القياده لديكم كل 5 سنوات ولدينا كل 10 سنوات
دمت بكل خير
********************************************
حاول تفتكرني



حياك الله أخي الكريم
وكل 5 سنوات برضو حرام عليك
هي كل 7 بصراحه مده قليله المفروض 10 سنوات ههههههه
وخلينا أناقشك في موضوع التجديد بالتليفون إزاي ده ؟؟؟
طيب التصوير بيكون إزاي ؟؟؟
المفروض يتواجد الشخص بنفسه
وهذا قد يعطي مجال للمتلاعبين فمثلا سيتم تجديد بطاقات للمتوفين لأغراض أخرى كتفعيل توكيلات بيع وشراء وأكل أموال بالباطل
لا هذه الكيفيه ليست صائبه لأنها قد تدع المجال للمتلاعبين بتنفيذ مخططاتهم التي قد تضر بآخرين
وعموما الإختلاف في الرأي لا يفسد للود قضيه
ونورتني يا فندم
في أمان الله
**********************************************
mohamed ghalia



ربنا يخليك يا محمد
تقبل تحياتي

ahmed_k يقول...

جحا المصري



أسعدتني في أولى زياراتك
دمت بكل خير
*********************************************
علي عبد الله



وعليكم السلام ورحمة الله
هههههههههه ماشي يا عم علي
أنا قلت زي ما بننتقد السلبيات
نمدح شويه بعض الإيجابيات ولو أنها فيها بعض القصور ولكن تظل إيجابيات
منورني يا صديقي دوما
دمت بكل خير
********************************************
Appy



أيه ده آبي هانم هنا يا مرحبا يا مرحبا نورك غطى عالكهربا
ومعلش يا آبي أصل أخوكي صعيدي
ممكن تشرحيلي بينك ولا بيربيل يعني أيه ههههههههه
مع خالص تحياتي
*********************************************
فراشه



فعلا هناك قصور في التطبيق
لكن ده بيعود للموظف بذاته لعدم تشديد الرقابه عليه يعني مثلا لدينا في سجل مدني الغردقه لا يتم التجديد إلا بشرط تجديد الصوره أيضا
لكن نقطة الخلاف في سعر التجديد وده العيب الأكبر
نورتي يا فراشه
دمتي بكل خير
**********************************************
بستان الحب



بارك الله فيكي سيدتي الكريمه
وأحمد الله أن طرحي للموضوع نال إستحسانك
أسعدتيني بتواجدك
دمتي بكل خير

ahmed_k يقول...

فشكول



إزيك أستاذي الفاضل منورنا
وصدقت فيما قلت لذلك تجد غالبا إدارات السجل المدني مجاوره لإدارات الجوازات
أسعدتني بمرورك وتواجدك
تقبل خالص تحياتي
*********************************************
بسنت



فعلا زي ما ذكرتي بس السجل المدني مرتبط بكل هيئات معلومات الدوله
والمفروض زيادة قدرات التنسيق بين تلك الإدارات
والله الموفق
نورتي يا بسنت
دمتي بكل خير
*********************************************
واحد من العمال



وعليكم السلام ورحمة الله
وصدقت أخي الكريم وخصوصا إدارات الحكم المحلي وإدارات المرور ربنا يصلح حالهم
أسعدتني بتواجدك الكريم
دمت بكل خير
********************************************
ملكه بحجابي



ههههههههه وعلى فكره في مني كتير
والحمد لله أنه نال إستحسانك
أسعدتيني بمرورك المميز
تقبلي خالص تحياتي
**********************************************
rovy



وعليكم السلام ورحمة الله
بارك الله فيكي
وأشكرك يا فندم على كلماتك المشجعه
أسعدتينا بتواجدك ومرورك
دمتي بكل خير

ahmed_k يقول...

akeed



أتفق معك تماما في رأيك
فلو مثلا جعل إستخراج البطاقه لأول مره ب 15 جنيه
والتجديد ب5 جنيه مثلا أسوة بشهادات الميلاد لكانت كل إنتقاداته قد تلاشت
نورت في أولى زياراتك
وأرجو دوام التواصل
في أمان الله
***********************************************
موناليزا



لأ في بعض الموظفين بيستسهلوا عدم التصوير
لكن القرار يلزم تجديد الصوره أيضا
أسعدتينا بمرورك
دمتي بكل خير
********************************************
marmar



أولا حمدا على السلامه
ونورتي بلدك يا مرمر وإن شاء الله تقضي إجازه سعيده
وأنتي ومدونتك اللي وحشتونا أكتر والله
معلش أنا عارف أني مقصر معاكي بس غصب عني تقبلي عذري
وربنا يبارك فيكي
وخالص تحياتي لأسرتك الكريمه
دمتي بحفظ الله
**********************************************
GiGi world



ههههههههه معاكي حق تقريبا
بس الصور في البطاقه مش سيئه أوي للدرجه دي واضحه برضو
وموضوع ال15جنيه هو فعلا منتقد لأنه بيسوي بين التجديد وأول مره
فالتجديد لو كان 5جنيه كشهادة الميلاد
كان حيكون أفضل بس لازم كده الحكومه تستفيد مننا أكبر قدر ممكن
لأني كما ذكرت في ردي على بعض التعليقات هو القرار مش مخلص أوي لكن له فوايد لا يمكن إنكارها
أسعدتيني بتواجدك ومرورك
دمتي بكل خير
**********************************************
سمكه واحده



أهلا بسمكه إزيك
والله حكاية الخنقه بسبب الحر مع الكل
أحنا عندنا الرطوبه كمان زودت الحر خلته لزقه كمان فالجلوس عالكمبيوتر أصبح أمر مجهد حبتين
معلش أيام وتعدي
منوره يا سمكه ومتغبيش عننا كتير تاني
تقبلي خالص تحياتي

ahmed_k يقول...

علي محمد



وعليكم السلام ورحمة الله
إزيا يا بو علي أخبارك أيه؟؟
وكما ذكرت فعلا المعاملات الحكوميه هنا لا تنقضي إلا ببطاقه ساريه ولكن ليس في كل المصالح حتى الآن فالتعميم يتم بالتدريج وأحنا عندنا جواز السفر والبطاقه كل 7 سنوات ورخصة القياده الخاصه كل 10 سنوات أما رخص القياده المهنيه فكل 3 سنوات لنه يتم في كل تجديد كشف طبي على الشخص للتأكد من مدى قدرته على مشاق عمله كسائق

وحاضر حضيفك عالسكاي بي
بس ححمل البرنامج لأني غيرت نسخة الويندوز ولسه مضفتش البرنامج عالنسخه الجديده
منور يا أبو علي
دمت بكل خير
************************************************
قوس قزح



ههههههههههه والله معاكي حق
هو التجديد للستات متعب شويه خصوصا في الزحام والمشكله لو كانت منتقبه يوووووه بتبقى حكايه
وهما مش بيتعاملوا مع الكمبيوتر على أنه آله حاسبه ياريت لأ دي عندهم زي الآله الكاتبه بتاعت زمان عارفاها هههه
منوره يا قوس قزح كعادتك
دمتي بكل خير
**********************************************
غروب



الحمد لله يعني رأيك من رأيي
وبرضو فرصه لتجديد الصوره
انا عن نفسي مسلمتش القديمه ومخليها ذكرى معايا هههههههه
وفينك من زمان يا غروب ؟؟متغيبيش كتير
أسعدتيني بمرورك وتواجدك
دمتي بكل خير
***********************************************
محمد الجرايحي



بخصوص ال15 جنيه متفق معك تماما
أما بخصوص الغرامه فلم تطبق بعد فعليا مجرد تهويش زي ما قبل كده قالوا هناك غرامه على من لا يحضر الإنتخابات ويدلي بصوته قيمتها 100جنيه ولم يغرم أحد
في قرارات بتطلع تهويش كده ومش بتنفذ
نورتني يا أخي الكريم
في أمان الله
*********************************************
لو عرفوه هيحبوه



شكرا لدعوتك الكريمه
تحياتي

المسلم الصغير يقول...

السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..

ahmed_k يقول...

المسلم الصغير



وعليكم السلام ورحمة الله وبركاته
وكل سنه وأنت طيب وعقبال العمر الطويل المديد بصحه وسعاده
ورمضان كريم
وأنا ايضا يسعدني زيارتك وستجدني عندك قريبا بإذن الله

دمت بخير