الخميس، 30 يوليو 2009

ثورة يوليو وحديقة الحيوان



شهر يوليو في مصر له بريق خاص وطعم خاص
ففيه قامت الثوره 23 وفيه تم الجلاء البريطاني بخروج آخر جندي من مصر وفيه عادت قناة السويس إقتصاديا لحضن الوطن الأم ,
والمتأمل لمصر في أيامها تلك بعد ثورة يوليو وحكم الثوار للبلد ويقارنها بوقتنا الراهن يجد أن الثوره بدأت تتلاشى شيئا فشيئا والمبادئ التي قامت عليها لا يكاد بقي منها غير المسمى للدوله كجمهوريه بدلا من المملكه وحتى هذه في سبيلها للإندثار لو تم المراد لمن هم في أقصى البلاد وسنتحول لجمورية مصر الملكيه أسوة بأشقاءنا في الجمهوريه الملكيه السوريه حاليا , وبالنظر لباقي أهداف الثوره سنجد أنها أصبحت في طي الماضي وحكايات زمان كمجانية التعليم ومجانية العلاج وقانون الملكيه الزراعيه وكلنا نتذكر الأغنيه الشهيره التي ظهرت في سالف الأيام (فدادين خمسه خمس فدادين) أما الآن فالخمس فدادين أصبحت خمستلاف فدان لمواطن أو غير مواطن متفرقش جاب الفلوس من بره ولا من جوه عن طريق قروض من البنوك المحليه برررررضو متفرقش المهم مين يقدر يوفر المبلغ الي عليه العين وبأي وسيله
وأصبحنا نرى الإنفاق العبثي في كل موقع وبدون هدف جوهري في حين أن هناك مرافق بحاجه ماسه لتلك المبالغ المنفقه في أمور عبثيه كنقل تمثال رمسيس مثلا لمنطقة الهرم والعبث في حديقة الأورمان ذات الثروه النباتيه منقطعة النظير وآخر العبثيات نقل حديقة حيوانات الجيزه لمدينة 6أكتوبر وبيع أرضها للمستثمرين وكأن القاهره مدينه نظيفه ونقيه حتى نهدر تلك المساحه الكبيره من الخضره والأشجار النادره التي تعتبر متنفث للقاهره ونقيم بدلا منها غابة من المنشآت الخرسانيه التي تزيد من أعباء التلوث في القاهره
إضافة للقيمه التاريخيه والأثريه لحديقة الأورمان وحديقة الحيوان والتي سيتم هدرها مقابل حفنة من الدولارات لربما لا تستفيد الدوله منها شيئا , فهل هذا منطق أو تخطيط سليم يهدف للمصلحه العامه ؟؟؟
ألهذه الدرجه خربت الذمم وإنعدم الضمير لدرجة إتلاف تاريخ بلدنا ؟؟؟ ومن المنتفع من هذا التشويه ؟؟
حسبنا الله ونعم الوكيل
هنا خبر نقل حديقة الحيوان بالجيزه إلى مدينة 6 أكتوبر

هناك 52 تعليقًا:

غير معرف يقول...

السلام عليكم
ما شاء الله
موضوع جميل
خالص تقديرى

عمرو جويلى يقول...

السلام عليكم
ما شاء الله عليك
موضوع أكثر من رائع
وجهد باين
دمت بكل الود

أمل حمدي يقول...

سوء تخطيط + مصالح شخصية + انعدام الضمائر

= اللي انت شايفه واحنا كمان

تقديري

نيوز فلسطين يقول...

اعـــلان هـــام >>>
للأصحاب المواقع والمنتديات والمدونات الالكترونية الراغبين بالمشاركة بدعم الاعلامى للحملة رمضان الخير
التى تستعد رابطة شباب فلسطين الخيرية للاطلاقها
اضعط على الرابط للاطلاع على تفاصيل الاعلان
http://www.rpales.com/play-188.html
معاوسوياً من أجل رسم الابتسامة على شفاه المحاصرين

على عبدالله يقول...

السلام عليكم

ماشاء الله عليك يابوحميد
فعلا الثورة او الانقلاب مش باقى منها غير ((الاسم)) من النظام الجمهورى !!

بالنسبة للعبارة دى :
وحتى هذه في سبيلها للإندثار لو تم المراد لمن هم في أقصى البلاد وسنتحول لجمورية مصر الملكيه أسوة بأشقاءنا في الجمهوريه الملكيه السوريه حاليا ,

مين بقى من هم فى أقصى البلاد ؟!

أما عن نقل حديقة الحيوان ..
أهو مال سايب ومالوش صاحب !
وفعلا افضل تعبير عما يحدث معادلة ماما امولة
سوء تخطيط + مصالح شخصية + انعدام ضمير = اللى انت شايفه واكتر !!

تحياتى وتقديرى
أوجزت فأحسنت

موناليزا يقول...

حسبى الله ونعم الوكيل
تعرف كنت لسه بتكلم عن اجازة 23 يوليو وان ماعدتش له لازمة الاحتفال باليوم ده
بس خبر نقل حديقة الحيوان بجد صدمنى
لان كانت طلعت اشاعة من كام سنة انهم هيبيعوها مش عارفة لبلد ايه ولان محصلش حاجة من يومها فقلت يمكن بجد تكون اشاعة لكن دلؤتى خلاص بقينا امام الامر الواقع
وعن نقل تمثال رمسيس ده برضه كان رأيى قلت الشعب اولى بكل هذا المبلغ الطائل مش فاكرة كان كام مليون باين

mohamed ghalia يقول...

نقول ايه
حسبنا الله ونعم الوكيل

حاول تفتكرنى يقول...

الثورة ولدت عملاقة وماتت بعد عامين فقط

وبقيت اجبارا تارة بالاغاني وتارة بالسياط ، حتى مسمي ( الجمهورية )لم نعد نسمع به ، وإن سمعناه سمعناه كعادة وليس كمعني

تري هل القادم اسوأ

اعتقد

أحييك على فكرك وصدقك

تحياتي

جود الحزن يقول...

السلام عليكم

كيف الحال اخي العزيز احمد..

اول مدونه ازورها من بعد انقطاعي
هي مدونتك العزيزه...


اشكرك اخي الفاضل على إلقاء الضوء
على هذا الموضوع

كل الود...

Unknown يقول...

ايوة يااستـــاذ احمــد
كذبوا الخبر بس تأكد
انهم حيعمولوها
حيعمولوها
مادامت جت فى البال
يبقى ياالله السلامة عليها
ماينفعش فيهــــــا الا :
حسبنا الله ونعم الوكيل
ثم:-
يالهوتىىىىىىىىى
يالهوتىىىىىىىىىى
يالهوتىىىىىىىىىىىى

Unknown يقول...

كل لحظة وانت بالف
خـــير يااستاذ احمد
بتحتفل دكاكينى ياسيدى علشان ما نجيش ناكل من التورتة ولا نشرب من العصير
بس برضه احنا جينا اهوه ومش مهم
التورتة خلصت لكن الروح الطيبة
لك ولمدونتك واصدقائك موجودةةة
وهذا يكفى وزيــــــــــــادة

Unknown يقول...

ومعلش حطيت هنا التعليق
عن التدوينة السابقة
ما حبيتك تتعب نفسك
وتررررررررررررروح
هناك وتاخد تاكسى
وكده وانت لسة
جايب تورتية
بدعوة 3 جنية
ولا حـــاجة:)
كل لحظة وانت بالف
خير ياأستاذ احمــــد

Unknown يقول...

سلم لسانك يا احمد
يعنى كل مصر بقت ملجا للمحتالين المنتفعين من اموال الفقراء وكمان حكومتنا ما عليها الا دعم اصحاب الخمس الالف فدان
شفت اللى حصل فى كوبرى ابو العلا
تمثال رمسيس
حديقة الحيوان بعد ان كانت المصنفة الثانية عالميا خرجت من التصنيف تماما
حديقة الاورمان المحمية الطبيعية للاشجار النادرة تجرف وتمهد للبيع ؟!!
وغيرها
وعندنا فى بورسعيد
اسأل كدة ارض البلاج فين ولا الشليهات ولا العمارت السكنية ؟؟؟
اقولك متدقيش
خلينا ساكتين



كل سنة وانت طيب يا راجل يا طيب

اعشق فى الليل ضوء القمر يقول...

السلام عليكم ورحمه الله

و الله يا احمد فكره نقل الحديقه انا شايفها فكره كويسه
اولا فلوس داخلا جيوب ناس اهم برده من الشعب و ابناء الشعب
ومنها نجيب مستثمرين يشغلو الشباب فى مصر
وفكره نقل الحديقه حلوه
علشان نروح الحديقه نركب مواصلات ومنها نشغل البلد و ندخل فلوس انت شايف المواصلات هاديه و فاضيه
غير كده لما نشتغل فى حاجه تنهب البلد اقصد تهي بالبلد لأعلى افضل من سرقه الحيوانان و عملها كزينه ولا انت مش معايا

أختكم فى الله يقول...

بعتذر جدا عن الغيبة الطويلة عن متابعة مدونة حضرتك وكل سنة وحضرتك طيب وبالف خير

موضوع يوجع القلب ....

للاسف مصر بقت كدة

ahmed_k يقول...

العصفوره



وعليكم السلام ورحمة الله
ربنا يبارك فيكي يا عصفوره
ويفرح بيكي قلب والديكي وأمتك

تحياتي
*********************************************
اللؤلؤه



وعليكم السلام ورحمة الله
أخي الكريم أبو العصفوره
أشكرلك مرورك الكريم
دمت بخير
*********************************************
ماما اموله




فعلا معادله صحيحه جدا
آل والناس فاكرينها كيميا لآ طبعا
أهه سهله خالص ههههه
منوراني بتواجدك الكريم دوما
خالص تحياتي
*********************************************
نيوز فلسطين




بارك الله فيكم
أسعدني تواجدكم الكريم
تحياتي
*********************************************
علي عبد الله



وعليكم السلام ورحمة الله
مين بقى من هم فى أقصى البلاد ؟!
هما اللي الشعب في ناحيه وهم في ناحيه
وربنا يسترها
منور يا صديقي الغالي
معلش وأنا بكلمك السكاي بي فصل
الظاهر كان التحميل عليه عالي جدا
تتعوض بإذن الله
في أمان الله
***********************************************
موناليزا



ومازالت وزارة الزراعه بتكدب الخبر لكننا تعودنا منم تكذيب الأخبار التي مازالت في المطبخ حتى تنضج ونتفاجأ بها
وإلا ما سبب أعمال التجريف اللي بتم في حديقة الأورمان حاليا؟؟
ربنا المنتقم الجبار
دمتي بحفظ الرحمن
**********************************************
mohamed ghalia



فعلا مفيش أحسن من كده يتقال
تقبل تحياتي

ahmed_k يقول...

حاول تفتكرني



بارك الله فيك
فعلا ولدت عملاقه وماتت رويدا رويدا
لدرجة أنه كان أيامها ناس كتيره تقول أين أيامك يا فاروق
والقادم أسوأ ؟؟؟ لا أعتقد فالخير في أمتنا ليوم القيامه ولا بد لليل أن ينجلي
دمت بحفظ الله
**********************************************
جود الحزن



وعليكم السلام ورحمة الله
يا هلا يا هلا أيوه كده نوري صفحتى بتواجدك دايما
وده شيئ أعتز به أن مدونتي تنال الحظوه بأن تكون أول ما تزوريه بعد طول غياب
كفايه غياب عايزين دايما الجديد عندك
دمتي بكل خير
**********************************************
norahaty



هههههههه كل ده يالهوتي
دول مينفعش معاهم إلا المواجه الشعبيه
وتكثيف الحمله لتنبيه الرأي العام لما تحيكه لهم حكومتهم ولتاريخهم من تدمير
ربنا يسترها يا دكتوره
دمتي بحفظ الرحمن
**********************************************
norahaty



وأنت بألف صحه وسلامه يا دكتوره
هههههه ولا دكاكيني ولا حاجه كل ما في الموضوع أي مش بحتفل بيه بس لازم أتركله بصمه فسبت البوست لمدة يوم واحد فقط وبعد كده كتبت الجديد
ويا فندم التورته والعصير أبعتهم لحد عندك بس أدينا العنوان ههههه
منوره يا دكتوره وربنا ما يحرمني من لفتاتك الرقيقه دي أبدا
دمتي بحفظ الرحمن
********************************************
نهر الحب



وأنتي بالصحه والسلامه
وفعلا الوضع أصبح سيئ جدا والجماعه مش مخليين حاجه ينهبها اللي جاي بعدهم هههه
وأيه حكايتك غياباتك كترت
خلااااص ملكيش رصيد إجازات تاني
دمتي بكل خير
**********************************************
أعشق في الليل ضوء القمر



وعليكم السلام ورحمة الله

ههههههه مش أنت رأيك كده برضو
أنا كنت بقول كده بس محدش مصدقني

منور يا صديقي كعادتك
دمت بكل خير
**********************************************
أختكم في الله



وأنتي بالصحه والسلامه يا هندسه
وأنتي تنورينا في أي وقت بس الغياب لأ
طبعا أنا مقدر ظروف الإمتحانات وتوابعها ربنا يكتبلك النجاح دايما

ومتبقيش تطولي الغياب تاني ماشي
دمتي بحفظ الرحمن

GiGi world يقول...

ياخبر ابيض
ربنا يعزك ويباركلك يارب
ايه الخبر ده معقول
والله الواحد مش عراف بلدنا رايحه على فين

rovy يقول...

اردد معك و مع الجميع اخى الفاضل حسبى الله و نعم الوكيل ..
مش عارفه فاضل ايه لسه علشان يتباع ؟ و ليه صوتنا مبقاش مسموع و لو انسمع كأننا بنأذن فى مالطا .. !
يارب ارحمنا برحمتك ..

دمت بخير يا اخى الكريم

تحياااتى

ميرا ( وومن ) يقول...

حسبي الله ونعم الوكيل

كلة إلا الأورمان وحديقة الحيوان دول مرتع طفولتي وحفظاهم عن ظهر قلب

والله بفتكرهم كتير ونفسي نعمل حاجة علشان المستوي المذري اللي وصلولة

حرااام بجد حراااااام

Empress appy يقول...

بقولك ايه روح اسال الحزب الوطنى هتتنقل ولا لا
(وش واحده بتغيظ فيك وتطلع لسانها )
موضوع الانقلاب ده انا زهقت منه هو انقلاب ومكملش اهدافه ولا تحقيقها مع السلام عليكو

اشراقة ففجر يقول...

اتشرف بزيارة مدونتى http://eshraqtfagr.blogspot.com/

ahmed_k يقول...

GiGi world



رايحه على كارث لو ما تمش الأخذ على أيديهم بأي شكل وبأي وسيل لمنع تدميرهم لكل مصادر دخل وثروة البلد
ربنا يلطف بيكي يا مصر من ولادك
خالص تحياتي ليكي يا حاجه جيجي
*********************************************
rovy



لأنهم أصبحوا لا يعملوا للشعب حساب
فالقمع وضرب المربوط كسياسة تعامل خلقت منا شعبا سلبيا
ربك يلطف بينا
منوره يا فندم
دمتي بكل خير
***********************************************
وومن



تصدقي أنا بروح القاهره ببقى خايف أروح حديقة الحيوان علشان الصوره المطبوعه ليها في ذاكرتي متتشوهش ,
فالإهمال أصبح سمة العمل الحكومي لدينا كسياسة تدمير لتحليل البيع بعد ذلك
حسبنا الله وحده
تقبلي أخلص تحياتي
***********************************************
APPY



سواء إنقلاب أو ثوره مش موضوعنا لكن أن البلد تتباع وبالشكل البجح ده أمر خطر لا بد من تكثيف كل جهودنا للتصدي له بشرط عدم إدخال البلد في فوضى
منوره يا آبي , دمتي بخير
*********************************************
إشراقة فجر


العنوان إشراقة فجر مش ففجر هههههه
ربنا يوفق صاحب المدونه وفي أقرب فرصه يسعدني التواجد بين ضفتيها
في أمان الله

r يقول...

حديقه الحيوان ما زرتها من فتره طويله ولكن اخوتى زاروها من شهرين قالولى انها اصبحت خرابه ووغير نظيفه اطلاقا يعنى يد الخراب مسكت فيها
وكمان يد الفساد هتستولى على ارضها
عادى جدا فى مصر اللى الفساد اصبح هو الوسيله الوحيده للكسب
الواحد حزين بجد ان كل حاجه حلوه فى البلد دى بتتباع يا يبوظوها

حسبنا الله ونعم الوكيل فيهم

محمد سعد القويري يقول...

الأخ الفاضل :: ahmed K ::
تحية طيبة وبعد

الأمل ما زال موجود

ومصر لسه أم الدنيا

وأشوفك على خير ^_^

مهرة سالم يقول...

السلام عليكم ...
للأسف زرة مصر أكثر من مره ولم أزر الحديقه ....
الغريب أنها معلم مهم وستزال...
....
في أمان الله

Ehab يقول...

يا خبر ابيض امال العيال بتوع مدرسة السعيديه هيصيعوا فين بقى ويهربوا يروحوا فين ايام الدراسه

هههههههههه

يا ابو حميد انا بعتقد ان الناس دي على بال ما احنا ناخد موقف والشعب يوقفهم عند حدهم هيكونوا باعو كل حاجه ومبقاش فاضل حاجه خالص

ربنا يستر علينا

دايما مبدع وكلامك في الجون وحشتني جدا يا اخي

سلااااااااااااااااااااااام
اخوك ايهاب

اقصوصه يقول...

رغم زيارتي لمصر منذ عدة شهور

الا ان الفرصه لم تسنح لي

بزيارة الكثير

من الاماكن الشهيره فيها

فالزياره القادمه

باذن الله

ساحرص على ان لا يفوتني شيء بالتاكيد

مودتي:)

محمد الجرايحى يقول...

خى الفاضل: أحمد
السلام عليكم ورحمة الله وبركاته
هذه الثورة المزعومة كانت ومازالت وبالاً على مصر والأمة العربية.

وتقبل أخى تقديرى واحترامى
وأشكرلك طرحك الطيب
أخوك
محمد

غروب يقول...

انا جيت اقول كل سنه وانت طيب وبسسسسسس

وبعد كده مخصماك بقه

وردة يقول...

لاحول ولا قوة الا بالله
المصيبة ان اللي بيعملو كده المفروض
ولاد البلد ديه
المفروض يخافو عليها
بس المصالح وانعدام الضمير تفشي في بلدنا
ربنا يرحمنا ويستر علينا يارب
سلام

Dr. Ibrahim يقول...

انا هرد على حضرتك بجزء من مقال فلا تتعجب...

إذا علمت أنه لا يوجد بلد فقير ولكن هناك بلاد تساء إدارتها وتنتهك ثروتها وتهدم مؤسساتها

فلا تتعجب

طوبه فضه وطوبه دهب يقول...

bgd z3ltny 7dekt el 7ywan de 3lm mn a3lam el giza azay ynaloha kfaya 3lehm lakhbta fkol m3almna baa f3ln 7asbna allah wn3m el wakel

بـِصَمتـِـ أميرة ــــى يقول...

نفسى افهم السبب الحقيقى ورا موضوع نقل حديقة الحيوان وهيستغلو المساحة دى فى ايه ؟



تقبل مرورى
(أميرة )
ملكة بحجابى

MAIS M.ISSA يقول...

مدونة جميلة و مواضيع اجمل.

منه مرتجى - عازفة الأوتار يقول...

كالعادة بتختار مواضيع فى الصميم

طبعا بغض النظر عن الحيوانات لان انا فقدت الامل فى البلد دى
مدونتك اجتماعية لابعد الحدود
ماشا الله مش بتسيب حاجة بتهم المجتمع غير لما تتكلم عنها

بجد مدونة ثرية جدا جدا


و طبعا بعتذر عن تغيبى كالعادة
انت عارف بقى ظروفى

صباح الصباح يقول...

حراام فعلا يا احمد.. حديقة الحيوان فيها اشجار اثرية.. اللى بيحصل دة جريمة بكل المقاييس.. البلد باظت والقرش بقى سيد البلد.. لا قيم ولا اصالة ولا بتنجان.

ميادة مدحت يقول...

سلامو عليكو
مدونتك حلوة اوى على فكرة
أما بالنسبة لكلامك عن الثورة فهى انتهت من زمان ومش من ايام السادات بس لا من مارس 1954 انتهت الثورة وبدأت صراعات السلطة ثم صراعات الحفاظ على السلطة المطلقة

ahmed_k يقول...

بسنت



أنا يا دكتوره بروح القاهره وأعدي جمبها ومبرضاش أدخلها
علشان الذكرى القديمه عنها متروحش من خيالي .... ربك يعدلها
منوره يا فندم
دمتي بكل خير
**********************************************
محمد سعد القويري



لك مني كل التحايا أخي محمد
وأم الدنيا تئن فأين الطبيب ؟؟؟
منور يا صديقي
في أمان الله
*********************************************
نهار



وعليكم السلام ورحمة الله
كذبوا الخبر بس دي سياسه
ربنا يسترها ويصدقوا المره دي
أسعدتيي بمرورك
دمتي بخير
*********************************************
الشنكوتي الكبير



والله أنت وحشتني أكتر يا هوبه
والعيال بتوع مدرسة السعيديه معندهمش حل إلا أنهم يستقيموا ويزاكروا
أنا دلوقتي عرفت هما ليه عايزين يزيلوا الحديقه هههههههه
مورني يا هوبه كعادتك
دمت بود
*********************************************
أقصوصه



أها دي الظاهر بقت دعايه للحديقه هههه
يا فندم أدعي ربا أنهم ميزيلوهاش لأنها تاريخ لا يقدر بثمن بالفعل
نورتي يا أقصوصه
دمتي بكل خير

ahmed_k يقول...

محمد الجرايحي



وعليكم السلام ورحمة الله
الخطأ في التنفيذ ولديناعيوب في الإداره
ربك يعدلها
منوري يا فندم
دمت بكل ود
*********************************************
غروب



وأنتي بالصحه والسلامه
ربنا يبارك فيكي وليه مخاصماني بس ؟؟
لالا لازم نشوف أيه السبب
منوره كعادتك
دمتي بكل خير
*********************************************
ورده



والله ياورده حكاية ولاد البلد بقت فيها كلام كتير أوي
ومن أنفسكم يولى عليكم
محتاجين فعلا للتغيير
منوره يا ورده
دمتي بكل خير
*********************************************
Dr Ibrahim



فعلا زي ما قلت هو سوء إداره
وللأسف في كل مناحي حياتنا
أسعدتنا يا دكتور
دمت بخير
********************************************
طوبه ذهب وطوبه فضه



لخبطه في المعالم ولخبطه في التاريخ
ولخبطه في كل حياتا للأسف
وهما كذبوا الخبر بس زي منتي عارفه يا دكتوره دي سياسة التنويم
وإلا فلماذا تجريف حديقة الأورمان؟؟
والإهمال المتناهي في حديقة الحيوان التي أخرجت من التصنيف العالمي بعد أن كانت الرابعه عالميا....... ربنا يستر
منوره يا دكتوره ومتغيبيش كتير
ملحوظه:
النبي عربي يا دكتوره
في أمان الله

ahmed_k يقول...

ملكه بحجابي



علمي علمك ههههه
السبب معروف بيع الأرض للمستثمرين
وشوفي أرض في وسط المدينه وموقع متميز شوفي مترها يوصل كام
بس أدعي أن تمنها يدخل بالكامل خزنة الدوله مش يخلص عمولات ومنح وهبات
هيييييه ربنا هو المنتقم
أسعدتيني يا أميره
دمتي بكل خير
********************************************
ميس الخالدي



ربنا يكرمك أشكر مرورك
في أمان الله
**********************************************
عازفة الأوتار



بارك الله فيكي يا منه
بجد رأيك أسعدني جدا وشهاده أعتز بيها
وجودك دوما بيسعدني ويثلج صدري
بارك الله فيكي
دمتي بكل خير
**********************************************
صباح الصباح



معاك حق يا محمد
ربنا يلطف بينا وبالبلد كلها
نورت يا محمد
دمت بخير
**********************************************
مياده مدحت



فعلا فعند وفاة عبد الناصر كان من تبقى من رجال الثوره في العمل السياسي السادات و حسين الشافعي فقط
أما الباقي فكان قد تم الإطاحة بهم
لكن مقياس الإنحدار تسارع بشكل رهيب في السنوات القليله السابقه ,
ورأيك يا مياده في مدونتي أثلج صدري
دعينا نسعد بتواجدك دوما
في أمان الله

أحمد عاطف يقول...

هما حولوا حديقة الحيوان لأثر

وتحويلها لأثر عشان يسيلوها بعد كده ويقولوا

متهمناش اثار مصر

يهمنا شعب مصر

لازم نقرف اللي جابته

تحياتي

أحساس لسه حى...كلام من جوه روح لكل روح يقول...

عزيزى

ما الحكومة كل ما تتزنق تبيع مش عارف هتبتدى تبعنا امتى

ما خلاص باعوا البلد كلها

يعنى حكومة فاشلة مش بتزود املاكها بتبيع فى املاكنا

سلام

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

غير معرف يقول...

السلام عليكم
انا رأيى لو عايزين يوسعوا على الحيوانات يعملوا حديقة اكبر و اجدد فى 6 اكتوبر
لكن ارض الحديقة و اشجارها التاريخية لا تتغير تظل حديقة فقط
مش يبيعوها و يتاجروا فيها
لانها هبة مثل الوقف للشعب
و فيها اشجار نادرة
ثانيا كل رمضان و انت و زوارك بخير

r يقول...

كل سنه وانت طيب
رمضان على الابواب

على عبدالله يقول...

السلام عليكم

وينك يا بو حميد ؟
لك وحشة والله
كيف حالك اخى الحبيب لعلك بخير والحمد لله

كل عام وانتم بخير
مبارك عليكم شهر رمضان
أهله الله علينا وعليكم والامة الاسلامية بالخير والبركات

RASHA يقول...

ازيك يا احمد وكل سنة وانت طيب

الحقيقة الخبر لاقى اعتراض كبير جدا
من كل الناس وسمعت انه اتلغى

ahmed_k يقول...

أحمد عاطف



هههههه فعلا كده
وبيني وبينك ولا حتى الشعب
منور يا فندم وأرجو دوام التواصل
دمت بكل خير
********************************************
إحساس لسه حي



أهلا بصديقي القديم فينك يا راجل
معاك حق المفروض زيادة مثل تلك المشروعات ذات الدخل الدائم .
منور يا صديقي ومتطولش الغياب عننا
دمت بكل خير
*********************************************
ريمان ونوسه في هاكونا مطاطا



هاكونا مطاطا
مش هتقدر تغمض عنيك !!!!

أيه ده هو أنتوا أنضممتم لروتانا هههه

حاضر يا فندم وبكل سرور
تقبلوا أخلص تحياتي
*********************************************
Sonnet



رأيك فيه الكثير من الصحه
ولكن ليس الغرض إشاء حديقة حيوان بقدر إستثمار الموقع ببيعه لرجال الأعمال والمستثمرين
منور يا دتور وأرجو دوام التواصل
في امان الله

ahmed_k يقول...

بسنت



وحضرتك بالصحه والسلامه يا دكتوره
وبعوده عليكي الأيام بخير وسعاده
رمضان كريم
في أمان الله
********************************************
علي عبد الله



وعليكم السلام ورحمة الله
موجود يا حبيبي بخير ونعمه لله الحمد
وأنت والله وحشتني أكتر
ورمضان خلاص قرب ومجيئك لمصر برضو قرب
علشان في إنتظارك يا صديقي الغالي
وكل سنه وأنت بخير وصحه وسعاده
ورمضان كريم
**********************************************
shasha



أهلا إزيك يا رشا فينك من زمان
وفعلا صدر تكذيب للخبر بس تجريف حديقة الأورمان مازال مستمرا
والإهمال في حديقة الحيوان مازال مستمرا
يعي واضح أن النيه مازالت مبيته
فلابد من الحذر الدائم
منوره يا فندم ومتطوليش الغياب عننا تاني
دمتي بحفظ الرحمن

د. إيمان مكاوي يقول...

كل سنة وحضرتك بخير
أعانكم الله على الصيام والقيام والإستزادة من الخيرات
تحياتي

ahmed_k يقول...

د.إيمان مكاوي



اللهم آمين
كل سنه وحضرتك طيبه
وبعوده عليكي وكل أسرتك بخير وسعاده وأمان