الاثنين، 5 أبريل، 2010

تجمع الصدقة الجاريه




موضوع الصدقة الجاريه عبارة عن مساهمة فى شراء جهاز طبى ( مونيتور ) لخدمة الاطفال المرضى بمستشفى ابو الريش الجامعى
الجهاز تكلفته 15000 جم ( خمسة عشر الف جنيه ) تم توفير مبلغ خمسة الاف جنيه حتى الان من ثمن الجهاز

خطة العمل المقترحة :

الاعلان عن مشروع الصدقة فى بعض المدونات الصديقة بالاضافة الى كل المدونات كل حسب رغبته

- التبرع اختيارى وكل حسب امكانياته حتى لو مبلغ التبرع جنيه واحد .

التبرع هيكون باحدى الطرق الاتية

-عن طريق حوالة على بنك مصر- فرع الاورمان او اى فرع من فروع بنك مصر ( البيانات المطلوبة هنا )

- عن طريق الاتصال على الارقام الاتية

مدام نوران (بت خيخة)

0180004374

خالد (همس الاحباب)

0101345140

- اوالتبرع يوم الجمعة الموافق 9 إبريل بمستشفى ابوالريش الجامعى ( مكان التجمع )

--------------

تفاصيل اللقاء

========

- التجمع هيبدا من الساعة الحادية عشر صباحا وحتى الثالثة بعد الظهر لتجميع مبالغ التبرع وتسليمها للمسئول بالمستشفى

- زيارة بعض الاطفال المرضى وتقديم بعض الحلوى والهدايا البسيطة التى تناسب الاطفال لمن يرغب فى ذلك من المدونين

- امكانية التبرع بالدم فى المستشفى وذلك بناء على اقتراح فاتيما (روح قلب ماما)

- اى واحد عنده فكرة او اقتراح جيد ومفيد للاطفال وللمستشفى ممكن تنفيذه

- ان شاء الله بعد انتهاء التبرع سيكون هناك تجمع فى احد الاندية او الاماكن القريبة لمن يرغب فى التواجد معنا

***********

كيفية الوصول الى مكان المستشفى اليابانى للاطفال بالمنيرة ( ابوالريش الجامعى )

عن طريق المترو اقرب محطة مترو هى محطة السيدة زينب

بالنسبة للي حياجي بعربيته او اى مواصلة اخرى يسال عن القصر العينى الفرنساوى المستشفى قدامه على طول

هناك بعض التبرعات تم استلامها بحوالات بنكية


(رجاء خاص لمن يرسل حوالة ارسال رسالة على الموبيل لاخبارى بمبلغها اورقمها)
[منقول من مدونة خالد همس الأحباب ]

هناك 8 تعليقات:

ماما أمولة يقول...

جزاكم الله كل الخير وجعله في ميزان كل القائمين عليه والمشاركين فيه

تقديري

E73 يقول...

بسم الله الرحمن الرحيم
السلام عليكم ورحمة الله وبركاته

جزاكم الله خير وقدرنا وإياكم على فعل الخير ونشره

سمكه واحده يقول...

جزاكم الله كل خير
ربنا يارب يجعله في ميزان حسناتكم

اخبارك ايه يا استاذ احمد؟

يارب تكون بخير
وكنت مبسوطه جداااااا
بتعليق حضرتك المميزعندي
بقالي كتير اوي منورتش مدونتي كتير ايه؟
ده من زمااااااان
ولا ايه
كل سنه وحضرتك بخير


تحياتي

نور الدين يقول...

جزاك الله كل الخير اخى الحبيب احمد
واكرم الله كل من قام على هذا العمل أو شارك فيه
........
بس قولى انت رايح ولا لأ عشان لو هتروح يبقى لازم اشوفك طبعاً
منتظر منك تليفون يباشا
...
نورالدين

هانى زينهم يقول...

والله يا احمد انت لا تنفك عن اثارة اعجابى بيك واندهاشى فى ذات نفس الوقت !!
التفاصيل مش هتنفع على الملأ كدة بس لغاية ما اشوفك ربنا يجعل ده فى ميزان حسناتك .

عمرو جويلى يقول...

بارك الله فيكم
ووفقكم الله
لما يحب ويرضى
خالص تقديرى

ahmed_k يقول...

ماما أموله



ربنا يجازيكي كل الخير
أشكرك على المرور الكريم

خالص تحياتي
*****************************************
E73



وعليكم السلام ورحمة الله
أخيرا شفناك تاني هنا يامرحبا
واشكرك على كلماتك الطيبه

خالص تحياتي
******************************************
سمكه واحده



أهلا أهلا بسمكة البحر البيض
أنا بخير حال والحمد لله
فعلا أنا ظاهريا مقصر في حق مدونتك
ولكني من المتابعين لها ولو من غير تعليق
فعذرا على التقصير
بس أنا كان لي فتره كبيره منقطع عن التدوين بس أنتي مسألتيش علشان كده معرفتيش هههههه

تقبلي خالص تحياتي

ahmed_k يقول...

نور الدين



ربنا يعزك اخي نور
ومعتقدش أني حقدر أكون متواجد
بالرغم اني أتمنى ذلك كثيرا
ولكن على رأي أخوانا في المغرب العربي
الله غالب

تقبل مني كل الود والتقدير
********************************************
هاني زينهم




أعزك الله أخي هاني
أنت كده حيرتني ولكن عموما
جزاك الله عني كل خير

تقبل مني كل التقدير
********************************************
عمرو جويلي



بارك الله فيك أخي عمرو
ومرورك اسعدني جدا
وتقبل الله منا جميعا صالح القول والفعل

في امان الله