الثلاثاء، 29 يوليو 2008

يوم ميلااااااااادي


حدث في مثل هذا اليوم 29/7
ان جئت لهذه الدنيا الكريمه
طبعا انا كنت سعيد جدا ومبسوط خاااالص أني وصلت

ومش ححكي عن فترة طفولتي لكني أعتقد اني وكل جيلي
جئنا في اواخر الزمن الجميل
في كل شيئ في القيم والعادات والفن بجميع أشكاله
طبعا كانت طفولتي في الغردقه اللي كنت شايفها في تلك الأيام
أجمل بقاع الدنيا رغم بساطة الحياه فيها وقلة الأمكانيات المتوفره بها آنذاك
ولكنها كانت رااائعه في كل شيئ في جوها وبحرها وناسها
اللي لغاية دلوقتي ممكن نقول يعرفوا بعضهم رغم ذوبانهم في الزحام الذي أحدثته السياحه
بس وبكل أمانه كانت أيام جمييييله
وربما أشعر بالشفقه علي الأجيال التاليه التي جائت في زمن الماديات والدش والمحمول
لأنهم لم يعاصروا البساطه اللي نشأنا فيها
بس يمكن كل زمن وله مميزاته
لكني سعيد جدا بذكرياتي في تلك الأيام

وفي النهايه عايز دعواتكم لي بالسلامه
لأني إن شاء الله بعد ساعه بالتمام سوف أستقل سيارتي مسافرا من القاهره للغردقه
والسلام عليكم ورحمة الله وبركاته


كتبه أحمد في الساعه الثانيه فجرا(صباح يوم 29/7/2008)

هناك 41 تعليقًا:

Saudi Romantic يقول...

السلام عليكم

أخويه أحمد كل سنه وانت طيب ..

بس ليه تحدد السنه .. انتبه لايقولوا لك بعدين عم احمد ههههههههههه ..
ترى انا ما ني بعيد عنك في العمر بس انا ما اقول زيك ههههههههه .. وبعدين بصراحه .. اللي عمره ثلاثين فما فوق مأخوذ عنه إنه بكرش وشنبه كثيف هههههههههههههه وصدقني الاغلبيه راح يتخيلوك كذا..انصحك توصف نفسك اذا كنت غير كذا او تحط صوره لك ..انا دايما بقول لاي احد يعرف عمري اني صحيح انا همري ** بس شكلي واللادي يعني لما احد يشوفني مستحيل يديني اكثر من 26 او 27 سنه ويمكن اصغر لما اشيل الشنب كمان هههههههه ..
عرف بنفسك يا احمد اذا كنت زيي لايتخيلوك عم احمد . ^_*
وربنا ان شاء الله يعطيك طولة العمر ويمتعك فيه بالخير ..
وفعلاً الغردقه جميله ..
وتروح وترجع بالسلامه ان شاء الله
وقبل لا انسى ترى موضوعي عن مصر كنت ابغى انزله اليوم بس المشكله اني ابغاه موضوع مليان صور وبصراحه ابغاه كمان يحمل صور من الريف المصري عشان كذايمكن يتأجل لبكره ان شاء الله ..
انتبه على نفسك من الطريق واقرأ دعاء السفر انت واللي معاك .

في امان الله

ahmed_k يقول...

ههههههههههههه
والله معاك حق يا رومانتك
بس ايه رأيك في التعديل اللي عملته علي البوست هههههههههه مش أحسن كده

انا لسه واصل من السفر حالا
وسو ارد علي تعليقك بالتفصيل
بس دلوقتي محتاج أنام بشكل مريع

الى لقاء قريب يا صديقي

أميرة يقول...

كل لحظة وانت الي الله اقرب .. معلش جت متأخرة لظروف كده

ان شاء الله ربنا يجعلك السنة الحالية مليئة بالخير و يزيده من فضله

كل عام و انت بخير

ابوعبدالعزيز الكثيري يقول...

أخي الكريم / أحمد
تحية طيبة

جميل ان تعيد عجلة الوقت للخلف و تتذكر الأيام الحلوة .. فلها ذكرى جميلة
أخصك هنا بأمر .. أشعر بالخوف عندما تنقضي سنة من عمري .. يمتلكني شعور بنفاذ شيء عزيز لا يرجع عندما أطوي آخر ورقة أقترب منها من يوم مولدي ..
ولكني استجمع قواي و أستقبل اليوم الجيد من سنة عمري الجديدة بتفاؤل و أمل .. متمنيا ألا يأتي ذلك اليوم الذي انتظره و ينتظريني إلا وقد قرت عيني بما خططت له .

عزيزي الكريم
أسأل الله ان يبارك لك في عمرك و وقتك و كل أيامك تقبل مني التحية و التقدير .

صباح الصباح يقول...

حمداللة على السلامة يا ريس
انا رحت الغردقة مرة واحدةبس بجد الحاجة الوحيدة اللى عجبتنى هناك ناسها الطيبين اوى
ماعدا كدة بخخخ

سبهللة يقول...

كل سنة وانت طيب
كل سنة وانتى الى الله اقرب
وان شاء الله توصل بيتك بألف سلامة
وابقى إعملنا جولة سياحية فى الغردقة وصورها
انا جيت رة واحدة الغردقة ومالحيقتش املى عينيى منها
انت ممكن تنقلها لنا بالصور وتعرفنا عليها أكتر

Saudi Romantic يقول...

السلام عليكم

الحمدلله على السلامه يا عم احمد ^_*

حلو التغيير اللي حصل ..ههههههه

لا يهمك ياعم يقولوا عن الشيب إنه

وقار هههههههههه .

في امان الله

أميرة يقول...

هو ايه الموضوع باه يا شباب؟؟

:) هي الحكاية فيها شيب :) اوعي نكون المفروض نقول ابيه احمد :)

يلا مش مهم حتي لو ابيه :)

tote يقول...

السلام عليكم
توصل بالسلامة يا رب والصراحة احنا ما عيشناش الايام الجميلة بس عايشين على ذكراها وهى اللى معيشنا لحد دوقتى
بوست جميل احيك

ahmed_k يقول...

سعودي رومانتك

أخي العزيز كلامك يدل اننا عجزنا
لا لا لا أبدا دحنا في عز شبابنا
أحنا ما زلنا في أواسط الثلاثين وبعدين أنا لسه متجوزتش أنت كده حتوقف حالي ههههههه
بص يا سيدي انا لا بالطويل ولا بالقصير وسط يعني
وعمري ما كان عندي كرش بل أعد في الجسم رفيع , مش نحيف لكن مش سمين
ما في ولا مره حد إداني أكتر من 27 أو 28 سنه علي أقصي تقدير ودي في كل العيله عندنا الشكل يدي أصغر من السن بمراحل
ومربي شنبي فقط لكن ممكن أخللي ذقني دوجلاس لفترات من باب التغيير
لكن شنبي مستحيل أحلقه ولو علي رقبتي
بخليه خفيف لكن مش محلوق
ده بالنسبه للوصف
وأسالوا الشنكوتي هو قابلني في الغردقه ولما قلتلله أنا أكبر منك في السن مكانش مصدق
وغير كده إحنا مكبرناش قوي أمال لو وصلنا الأربعين حيحصل ايه؟
حيتقال عننا بقينا خرده هههههههه

وموضوع مصر حضره على مهلك في إنتظار مفاجآتك

ودعاء السفر أحفظه عن ظهر قلب والحمد لله وأذكار أخرى كثيره وعلي الله التوكل
وعلى فكره أنا سافرت لوحدي في معية من لا يغفل ولا ينام

ودمت بكل خير

ahmed_k يقول...

اليس في بلاد العجائب

وإنتي بالصحه والسلامه
وربنا يجعلها كلها أيام سعيده وجميله علينا جميعا بفضله ومنه

دمتي بكل خير يا باشمهاندسه
*************************************

بسام الكثيري

بارك الله فيك علي كلماتك الجميله
والله وإنها لتحتاج لتدبر
فحقا قد يسعد البعض بأيام ميلادهم دون الإنتباه الي انها تعني مرور عام كامل من العمر وقروب من الأجل
وأنا أصدقك القول أني أفكر في كل عام في مثل هذا اليوم فيما مر بي من احداث خلال العام المنصرم وما قد حققته خلاله وما أخفقت في تحقيقه
ولكنها مشيئة الله في خلقه
عام ذهب وعام سيأتي
فليكن دوما أملنا في الله بتحقيق ما نصبوا اليه

سعدت جدا بزيارتك أخي بسام
ولا تحرمنا من دوام طلتك
في أمان الله

ahmed_k يقول...

صباح الصباح

ههههههههههه بخ ازاي يعني ههههه

تنور الغردقه في أي وقت
ولما تكون جاي اديني خبر ونمشيلك البخ قبل ما تآجي ههههههه
وأنا رحت مدونتك الجميله بس لاحظت انك مقل شويه في الكتابه بها
شد حيلك ده عالم التدوين بجد جميل

نورني دوما ستجد إن شاء الله ما يسرك
دمت بخير
**************************************
سبهلله

وانتي بالصحه والسلامه
وأسعدك الله علي دعواتك الجميله

وبصراحه انتي لفتي نظري بخصوص بوست عن مدينتي
وإن شاء الله أحضر قريبا موضوع بناء علي طلبك

منوراني دايما بتعليقاتك الجميله ومقترحاتك الرائعه

دمتي بكل خير

ahmed_k يقول...

سعودي رومانتك

أييييييييييييييييه
شيب ايه يا عم سعودي !!!!!
ووقار ايه اللي بتقول عليه!!!!
هههههههههههه
مين قاللك اني شايب
يا راجل حرام عليك ده أنا لسه متجوزتش عايز تشيبني
يقولوا ايه الناس دلوقتي ؟؟؟؟؟
شايب وبيلعب عالنت ههههههههه

لالالالالالالا ولا شعراااايه واحده بيضه عندي
وغير كده في حد بيشيب في مثل سني

أوعى تكون شبت يا رومانتك هههههههه

سنتقابل باذن الله قريبا ونبقى نشوف
ههههههههه

في أمان الله
**************************************

اليس

ههههههه أنتي صدقتي سعودي

وبصراحه أنا شايف عم أحمد شكلها مش وحش برضه

آه أنا عمو أحمد ههههههه
عمو يا عمو ههههههه
لكن ابيه لالالالالالا والف لا
آل أبيه , أنا لسه متجوزتش
حرااااام عليكم ههههه

الله يسامحك يا رومانتك عملتلي حكايه هههههه
يا أليس منوره مدونة عمو
تبقي تيجي علطول وحبقي أجيبلك حلاوه وشوكولاته

بااااااااااي

ahmed_k يقول...

توتي

الله يسلمك دوما يا رب
ومتطوليش الغيبه عننا تاني
وكل زمن له جماله
بس يمكن طغيان الحياه الماديه دلوقتي بيجعل الحياه طعمها صعب حبتين
منوره دايما

وملقتليش عروسه لسه ههههههه

أصل الجماعه فوق عايزين يعجزوني
فلازم ألحق نفسي ههههههه

دمتي بكل خير

أميرة يقول...

باشمهندسة مين دي كمان :)
هو في هندسة من ادبي .. جديدة دي

وبعدين عمو مين دا كمان ... ياباشا كلها سنتين و ابقي بلعب معاكم في نفس العقد :)

ال عمو ال

يارب تكون قضيت يوم كويس:)

RASHA يقول...

اول مرة ادخل هنا وفرصة عشان ااقولك كل سنة وانت طيب

Unknown يقول...

كل سنة وانت طيب
وعقبال ملياااااااااااااار
سنة وان شاء الله السنة الجاية تكون اقرب لله ومحقق كل ما تتمنى

Unknown يقول...

ان شاء الله يوم الجمعه 1/8 الساعة عشرة صباحا امام هيئة المصل واللقاح فى الدقى51 ش وزارة الزراعة وبعد كدا هنروح علي نادي الزراعيين علشان نحتفل باعياد ميلاد المدونين
سووو
لماضة
جنة
شيماء الجيزى
الدعوة لكل مدونى مصر
الدعوة تنظمها
بنت خيخة واى كلام
يارب تعرف تجى يا احمد

مواطن مصرى نايم يقول...

كل سنة و انت طيب يا ابو حميد
عقبال كده مليوووون سنة
نيعت الهدية ازاى
طب بلاش دى
ناكل التورتة ازاى
طب بلاش دى
هههههههههههههه
كل سنة و انت طيب يا باشا
تحياتى
اسلام

Saudi Romantic يقول...

السلام عليكم

أخويه العزيز ahmed_k

تقول في تعليقك الموجه لي

(((أخي العزيز كلامك يدل اننا عجزنا
لا لا لا أبدا دحنا في عز شبابنا
أحنا ما زلنا في أواسط الثلاثين )))

انا اقول وارد عليك
اتكلم عن نفسك ياعم ههههههههههههه انا مليش دعوه بيك دا أنا اصغر منك بتحطني معاك ليه ههههههههههههههههههههههه ؟

انت بتقول يا احمد

((( سعودي رومانتك

أييييييييييييييييه
شيب ايه يا عم سعودي !!!!!
ووقار ايه اللي بتقول عليه!!!!
هههههههههههه )))

وانا اقول اني ميت من الضحك هههههههههههههههههههههههههههههههههههههههههههههههههههههههههههههههههه .

انت تقول

((( أوعى تكون شبت يا رومانتك هههههههه )))

انا ارد عليك واقول
ايه يا عم احمد دا انا اصغر منك ههههههههههههههههههههههه

انت تقول

((( سنتقابل باذن الله قريبا ونبقى نشوف
ههههههههه )))

انا ارد عليك واقول
لا تحاول انا اصغر منك شكلاً وسنناً
وراح نتقابل ان شاء الله .

واقول كمان عسى الله يوفقك في حياتك ويمتعك بعمرك في طاعته .. وفعلاً ترى سن الثلاثينات هو سن القوه مع اني مش متعمق في الرقم هذا الا انه معروف هذا السن هو افضل سن في العقل والجسد ..والحمدلله انك وصفت شكلك عشان ما احد يتخيلك غير الحقيقه ^_* .. بس لازم اقول هنا اني مش معاك في تمسكك الشديد بشنبك ههههههه حسستني ان شنبك واحد من مبادئك ههههههههههه ..انا اتعامل مع الشنب على انه اداة تجديد مره اشيله ومره اخففه وهكذا لكن مش غالي عليه اوي .
وان شاء الله تلقى بنت الحلال اللي تكون بنت ناس طيبين وتتزوجها وتحلق شنبك ^_*

اعتذر عن الاطاله في بوست ميلادك وعذرني لو تماديت بمزحي .

في امان الله

ahmed_k يقول...

أليس في بلاد العجائب

باشموهاندسه ونص كمان
مش بتعملي رساله في الزراعه
تبقي باشمهاندسه زراعيه
والأدبي دول ناس مفيش احسن من كده
أنا كنت أدبي كمان
علشان مكنتش بحب الرياضه والكيميا
واليوم كان طبيعي زي كل الأيام
بس هو مناسبه بيني وبين نفسي
يعني بحتفل فيه لنفسي مع نفسي

ونورتيني يا أليس

دمتي بكل ود
*****************************************
shasha

وإنتي بالصحه والسلامه
ياريت تكوني صديقه دائمه لمدونتنا المتواضعه
سعدت جدا بمرورك
ودمتي بكل خير

ahmed_k يقول...

نهر الحب

يا مرحبا يا مرحبا
وإنتي بالصحه والسلامه
والسنه الجايه تكون سنه سعيد علينا جميعا باذن الله
وكان نفسي أكون معاكم يوم الجمعه
بس أنا من يومان جئت من القاهره
فمن الصعب اني استطيع اسافر تاني
ولكن ان شاء الله يكون في لقاء قادم تسمح الظروف اني اتواجد فيه

نورتيني وأسعدتيني بطللتك أسعدك الله
دمتي بكل ود
********************************************
مواطن مصري نايم

وإنت بالصحه والسلامه
وجودك وتشريفك لي ده لوحده أكبر هديه وأجمل هديه ربنا ما يحرمني من تواجدك
والتورته يا سلم اتاكلت
لو جيت يوم 29 كنت لحقت نايبك
بس أعمل ايه ظروفك كده ههههههه

نورتني يا غالي
ودمت بكل خير

ahmed_k يقول...

سعودي رومانتك

ههههههههههههههههههههههههههههه
يا راااااجل أنت اعترفت خلاص واللي كان كان ههههههه
وانت فاكرني كام سنه دول يا دووووبك 20 سنه ههههههه
وبالنسبه لشنبي هو فعلا أحد مبادئي ههههههههههههههههههه
وتنورني وتقول اللي انت عايزه
وتطول على كيفك يا صديقي

وأتركك في رعاية الله وحفظه

أختكم فى الله يقول...

كل سنة وحضرتك طيب وعقبال 1000000000000000000000000000000000 سنة

د. إيمان مكاوي يقول...

أخي في الله
كل سنه وحضرتك طيب وعقبال 100 سنه في طاعة الله عز وجل
وسلامي للغردقه الجميله ..إحنا لينا فيها ذكريات جميله والأولاد بيحبوها جدا لكن السنه دي للأسف مش هنيجي وعدلنا الخطه لمكان تاني
وبالنسبه لمدونة عايزه اطير ملغيتهاش ولا حاجه وكاتبه والله حاجات كتير لكنها على الورق ومش لاقيه وقت أنزلها أصلي داخله على إمتحانات ماجستير بعد رمضان بإذن الله أسألكم الدعاااااااء..وربنا يسهل وأحاول أنزل حاجه جديده
أنا دلوقت بحل الواجب إللي حضرتك بعته لي من فتره ممكن تقرأه بعد شويه
تحياتي وتحيات فريق الزعر

فاتيما يقول...

كل سنة و إنت طيب يا احمد
أنا بعتذرلك من هنا للسنة الجاية
على تقصيرى تجاهك
فيا رييييييييت
بمناسبة عيد ميلادك السعيد
بقى تسامحنى ...
كلامك يصادف هوى فى نفسى
لأننا من جيل واحد
و أتصور إننا عشنا البساطة دى
و صعبان علينا ولادنا مش هيعيشوها زينا
ترجع بالسلامة إن شاء الله يا أحمد
و هابى بيرث داى تو يو

غير معرف يقول...

أخى الكريم : أحمد
السلام عليكم ورحمة الله وبركاته
عيد ميلاد سعيد
وكل عام وأنت فى صحة وسعادة وهناءة
ولاحرمنا الله منك ولامن تواصلك الطيب

أخوك
محمد

أختكم فى الله يقول...

بنحاول نتغير 5

ياريت تشرفونا و تقروا الفكرة و تقولولنا رأيكم

kochia يقول...

كل سنة وانت طيب

وطبعا الذكريات بتكون احلي حاجة في مخ الانسان لما يكبر ويبص حواليه ويلاقي الحلو في الدنيا قليل

تحياتي
وان شاء الله سنة سعيدة

Abdallah Hosni يقول...

كل سنة وانت طيب

همـ القلم ـس يقول...

كل عام وانت بخير وصحة وسعادة
فى طاعة الرحمن ..

سعدت جداً بالتعرف على مدونتك
وان شاء الله اكون من متابعين جديدك بأستمرار ..

وفقك الله ..
دمت بخير ..

ahmed_k يقول...

أختكم في الله

وانتي بألف صحه وسلامه
بس كام صفر دووول هههههه
لو عشت كل السنين دولا يبقا حكون موميا وأتحط في متحف ههههههه

مرورك جميل وبسعد بيه دوما

دمتي بكل خير
********************************************
الدكتوره إيما أم البنين

منوره دردشتي يا دكتوره
وانتي بالصحه والسلامه
وسلمتلك علي الغردقه الجميله لكن الوحشه لأ
وخساره أنك مش حتنوري الغردقه
دي اليومين دووول حاجه جميله خالص
أزيب يجنن ويهوس يعني لو جيتي كنتي حتلاقي الناس هنا زي العسل كللهم ملزقين هههههههههه
ومنتظرين جديدك في عايزه أطير بس خللي بالك وأنتي طايره وتممي عالجناحات كويس هههههههه
سعدت بوجودك ودمتي بخير
*******************************************
أم يوسف فاتيما

منوراني وأنا اللي مقصر معاكي اليومين دول بس غصب عني معلش سافرت كذا سفريه الأيام دول
وانتي بالصحه والسلامه
وأنا سعيد جدا في جيلي ناس جميله كدا زي فاتيما
ربنا يسعدك ويفرحك ويفرحنا برجوع يوسف لحضن أرق أم

تقبلي تحياتي
ودمتي بخير
*******************************************
mgh1962

وحضرتك بصحه وسعاده
والله تشريفك لمدونتي المتواضعه بيزيد من سروري
وبارك الله فيك علي كلماتك الطيبه

ودمت بكل خير أستاذي العزيز
***********************************************

أختنا في الله

يشرفني دوما المرور لمدونتك الغاليه
ده حتي موجوده في المفضلين عندي

وإلي اجمل أيامنا فووووورا
آه معلش أعذريني تأخرت في حل التاج
ولكن قريبا باذن المولي ستجدي الإجابه

دمتي بكل خير

ahmed_k يقول...

kochia

وحضرتك بالصحه والسلامه
ويا مرحبا ببنت السويس الغاليه علينا
وحضرتك برج الأسد زيي يعني يوم ميلادك اليومين دولا فيا ريت تدينا خبر قبليها علشان ناجي وناكل التورته هههههههههه

ومين قاللك أن الحلو في الدنيا قليل
أدخلي أي محل كشري وقولي في حلو حيجيبلك علي طووووول وحتلاقي عنده حلو كل يوم لو عايزه هههههه

نورتيني وخلينا نشوفك هنا علطووووول

في أمان الله
***********************************************

عبدالله حسني

وإنت بالصحه والسلامه
ومرحبا بك صديقا لمدونتنا

دمت بكل خير
*********************************************

همس القلم

وانتي بالصحه والسلامه
وأنا الأسعد بالتعرف علي مدونتك الجميله الهادفه
وحعتبر كلامك وعد ووعد الحر دين عليه
يعني كل بوست لازم أقرأ همساتك بخصوصه
أتفقنا ......أتفقنا خلاص

في أمان الله وحفظه

متمردة .. Rebellious يقول...

كل عام وأنت بخير يا أحمد

سنة حلوة يا جميل

وعقبال مية سنة

تسافر وترجع بالسلامة

وتذكر أن الطفولة هي أجمل ما في الحياة، ولاتنسى أن تعيش طفولتك بحذافيرها هناك في الغردقة، وبما أني سأعود لأيام الطفولة، فأنا هنا أبكي يا أحمد لأنكم أكلتوا التورتة وما تركتوا لي شي :)

رحلة موفقة

وأتمنى أن يمر عليك هذا العام بكل سعادة وتحقق أمنياتك

متمردة .. Rebellious

Gannah يقول...

كل عام وانت الى الله أقرب. أنا اتولدت بعدك بيومين. النهاردة ذكرى ميلادى بس مش بحتفل لاقتناعى انه بدعة ولكنى اذكر نفسى ان عاما مضى وادعو الله ان اكون افضل فى العام الذى يليه.
ان احب الاماكن الهادئة واتخيل ان طفولتك كانت سعيدة.
ان شاء الله تسافر وترجع دايما بالسلامة
تحياتى

ahmed_k يقول...

المتمرده

وإنتي بالصحه والسلامه

ومنقدرشي ننساكي
نصيبك في التورته موجود شايلهولك في التلاجه مبسووووطه ؟؟؟

يلا بقى إمسحي دموعك يا أمااااااال
ههههههههههه

نورتيني
وكوني علي تواصل دائم
دمتي بخير
***********************************************

gannah

وانتي بالصحه والسلامه

يوم ميلاد الشخص يكون ذكرى ليوم قدر له الله أن ينضم فيه لأهل الدنيا لذاك يهتم الفرد منا به
أنا لم أحتفل به سوي معكم من خلال مدونتي المتواضعه
وده كل اللي في الموضوع

وجودك أسعدني
و هابي بيرث داي تو يو جنه

nonni يقول...

كل سنة و انت طيب ، و عقبال مليييييييييييييون سنة بس لازم تعمل حساب كللاالمدونين فى التورتة دى


"تحياتى"

ahmed_k يقول...

nonni

وانتي بالصحه والسلامه
وبالنسبه للتورته مش كنتي تقولي من بدري
دي إتاكلت من زماااااان

عموما في لسه حته في التلاجه بس من غير الرمان اللي فوق ده ههههههه

ألا هو في تورته بيتحط عليها رمان ولا أنا مش شايف الصوره كويس ههههههه

نورتيني ومتغيبيش كتير عننا

موناليزا يقول...

كل سنة وانت الى الله اقرب والى طاعته ادوم

كـــيــــــــارا يقول...

كل سنه وانت طيب

ومن الله اقرب


وتكون السنه القادمه حققت فيها امانيك كلها

لك تمنياتي بالتوفيق والنجاح

نيمو

ahmed_k يقول...

موناليزا

وانتي بالصحه والسلامه

متحرمش من طللتك دوما

دمتي بكل خير
*****************************************

نيمو

وانتي بالصحه والسلامه

وآمين يا رب
ربنا يحقق كل أمانينا جميعا

زيارتك أسعدتني
دمتي بكل خير