الجمعة، 24 أكتوبر 2008

من طلب العلا

السلام عليكم ورحمة الله
نعلم جميعا أهمية العلم والبحث العلمي في رقي البشريه وتنمية المجتمعات
لذلك حرصت كل الحضارات على تنمية الفرد وصقل قدراته لكي يكون اللبنه
الصحيحه لإرساء حضارة المجتمع وإخراج أجيال قادره على حمل أمانة تعمير الأرض,
والإسلام أول ما بدأ أكد هذه المعلومه وجعلها أول منابع نوره الذي سيعم على البشريه
فكان أول ما نزل به الوحي قول الحق سبحانه (إقرأ)
ليؤكد أنه دين يدعو للعلم ويحض عليه,
وكان للمسلون الأوائل باع كبير في الإكتشافات العلميه والتنمية البشريه ,
مازال العالم حتي الآن يعترف بأفضالهم على البشريه وبأبحاثهم
التي كانت بوابة الهدايه للكثير من الإكتشافات الحديثه ,
وتفطن الغرب لهذه الحقيقه فرصد الميزانيات وأعد المعامل
وهيأ الجو الملائم للباحثين والعلماء لكي يأدوا دورهم في تنمية المجتمع ورفعته ,
وتراجعت أمتنا فأصبحت ميزانية البحث العلمي في ذيل الإنفاق الحكومي
وأصبحت هناك أولويات أخرى للإنفاق , ولكننا نسينا أمرا مهما
وهو أن البحث العلمي له عائد كبير على الدخل القومي قد يفوق
عوائد الكثير من المشروعات التي تعتمدعلى الخبرة الأجنبيه ,
ونحمد الله أنه بدأت بعض الهيئات العربيه في تغيير تلك النظرة السلبيه ,
فقد وصلتني رساله عبر الميل من مؤسسة محمد بن راشد آل مكتوم
تدعوا الشباب الراغب في إكمال الدراسات العليا على نفقة المؤسسه ,
فمن يجد في نفسه المؤهلات للحصول على تلك المنحه
فاليطلع على الجدول الموجود بالموقع المعلن عنه ليلتقى بوفد المؤسسه ,
مع أطيب أمنياتي للجميع
وإليكم الرساله كما وردت :

هل ترغب في الحصول على منحة دراسات عليا من
مؤسسة محمد بن راشد آل مكتوم ؟
يقوم ممثلو مؤسسة محمد بن راشد آل مكتوم
خلال شهري نوفمبر وديسمبر 2008
بجولة على عدد من المدن في أنحاء الوطن العربي
لعرض فرص ابتعاث الشباب العرب على نفقة المؤسسة
للحصول على درجة الماجستير في إدارة الأعمال،
والإدارة العامة، والسياسة العامة، والمالية
من أرقى الجامعات العربية والعالمية.
ينبع هذا البرنامج من إيمان مؤسسة محمد بن راشد آل مكتوم
بأهمية تطوير القدرات المعرفية للشباب العربي
كي يسهم بفاعلية في مواجهة تحديات التنمية الاقتصادية
والاجتماعية للوطن العربي.
لمزيد من المعلومات،
وللاطلاع على الجدول الكامل لجولة الفريق في الوطن العربي،
يرجى زيارة الموقع الإلكتروني: www.mbrfoundation.ae

يمنى يمين، مؤسسة محمد بن راشد آل مكتوم

هناك 48 تعليقًا:

اهالينا زهقوا يربونا يقول...

يا لهوى يا ولالالالالالالالالاد د احنا اول تعليق

بنقول ايه احنا جايين نعزمك على عيد ميلاد سمكه

التفاصيل في البوست الحالى والحفله قريب متنساش الهديه

واى حد يقرا الدعوه يعتبر نفسه معزوم

سلاموووووووز

mahasen saber يقول...

الامارات بجد اصبحت مناره من منارات النور فى الوطن العربى وده لان حكامها بشر ماشين فى اغلب تصرفاتهم على نهج الرسول الكريم انا منساش وقفتهم مع الشعوب الاسلاميه فى اوربا ابان ازماتهم وقفتها مع كوسوفا وبناء مطار خاص على نفقة الشيخ زايد عشان استقبال المعونات للاقليم بعد ما الصرب هدموا المطار واتحججت الامم المتحده انها مش عارفه توصل الاغاثه .ربنا يجعله فى ميزان حسناته..
وحاكم الشارقه وبنائه لاكبر مسجد فى غرناطه وده بيعتبر اول مسجد ينشئ فى اسبانيا بعد سقوط الاندلس
..او دعم حاكم دبى للشيشان وضحاياها ولا اهتم بالعلاقات ولاا هذه الحجج الواهيه واهتم بس برسالته كفرد مسئول
فالموسسه ودورها يا احمد مش غريب على الامارات لا حكومه ولاا شعب
.........
ربنا يجعله فى ميزان حسناتهم ويفيد بافعالهم الامه العربيه

أمل حمدي يقول...

ماشاء الله

ربنا يجعل هذه الفرصة في ميزان حسناتهم

اللهم امين

وبارك الله بك الدال على الخير كفاعله

دمت بكل الخير اخي احمد

سمكه واحده يقول...

بجد ربنا يكرمك والله
ويجعله في ميزان حسناتك والله لما الواحد بيدخل مدونه ويلاقي صحبها همه بلده واهل بلده ومش بيبخل باي معلومه بيفرح بجد وبيقول البلد دي لسه فيها امل
كمان كان ممكن اوي كنت تقري المعلومه دي وتقول ياعم طنش كبر دماغك بس بجد ربنا يكرمك
ويفقهك في الدنيا والدين اللهم امين
تحياتي
سمكه

Beram ElMasry يقول...

الاح العزيز . ahmed_k
السلام عليكم ورحمة الله وبركاتة
كيف اسعى لصداقتك ثم اهمل الرد عليك ، ليست هذه اخلاقى ولا اخلاق اى مدون جاد ، وانت انسان عف اللسان فما الدافع لى كى اكون سيئ الخلق مع رجل اكرمنى بزيارته والتعليقات طرفكم فى اغتيال زعيم وفى جميع الاحوال انى اعتذر وهذه صور التعليق من مدونتكم
ahmed_k
ياصديقى الكريم الحديث عن الاحساس او غموض معنى اوخلل فى الميزان السماعى ، اهم وانفع من الحديث عن القوالب الشعرية والتفاعيل والموازين ، والصدق والصراحة اجدى
صدقنى زيارتك ورغم بخلك والاقلال من النصح انفع
اجعلنى من الاصدقاء وداوم على الزيارة
وكل عام وانت واسرتك فى خير وسلامة
06 أكتوبر, 2008 11:01 مahmed_k
السلام عليكم ورحمة الله

شكرا جزيلا للمشاركة والتعليق
لو اذنت لى اخى الكريم ، المبالغة هى تجاوز المعيار المعلوم بين الناس ، فتقول عن المراوغ ، اروغ من ثعلب ، او للسريع اسرع من البرق ، فلا الاول اروغ ولا الثانى اسرع ولكن للمبالغة ، باعتبار ان كل منهما المعيار فيما نسب اليه ، فلا مقارنة بين النبى ايوب عليه السلام والشعب، ولكن المبالغة والتهويل ، وكلنا نقول يا صبر ايوب دون ان نقصد صبر ايوب عليه السلام بعينه
شكرا للزيارة ولا تحرمنى المعاودة
وكل عام وانت بخير
تحياتى لكم

Beram ElMasry يقول...

كلمة فى سرك باحث يحضر الدكتوراة رفضت الجهة اللتى يعمل بها دفع 400 جنيه قيمة جمرك مادة كميائية مدفوعة الثمن ولم تتنازل الدوة عن الجمرك
تحياتى

على عبدالله يقول...

يا استاذ احمد

انا مش عاوز ازكيك وانفخ فيك
بس بجد ربنا يكرمك انت انسان جميل والله واتمنى ان شاء الله اننا نتقابل كده ونبقى اصدقاء بمعنى الكلمة

زى ما بيقولو كده معرفة الرجال كنوز وانا يا استاذ مغرم بالبحث والتنقيب عن الكنوز ،،،، عشان كده بتلاقى عندى ثراء فاحش ،زى احمد عز كده بس مش حديد لا كنووووووووووووووووز

ربنا يستجيب لدعوة ماما امول ،والاخت سمكة ،،وهنيالك يا عم


خالص تحياتى

كاميليا بهاء الدين يقول...

مبادرة طيبة وبداية غاية فى الأهمية

ليتها تعمم وتشمل بقية المؤسسات بالدول العربية القادرة على ذلك

وقتها سوف تتغير الخريطة العلمية والسياسية والاقتصادية ايضا لكثير من الدول

بل ستتغير النظرة الى العرب بشكل ما

ادعو الله بالتوفيق للجميع يارب


تحياتى

بنت مصريه يقول...

هى دى البلاد ولا بلاش
ههههههههه
مرسى عالبوست المفيد جدا دا

Unknown يقول...

السلام عليكم ورحمة الله وبركاتة
والله هى فكرة جملة جداا
ربنا يقدره على التمنية ويقدرنا احنا على تحقيق الاحلام
والخروج من حالة الركود الذهنى والعملى اللى احنا فيه
كل التحية لك احمد

رئيس التحرير يقول...

قرات اول تعليق قارن هذا بالكلام بتاعنا في وثيقه الشرف بالله عليك ايه الي بيحصل ده ؟ اكبر الd ولا افضي الg ولا احط في بقي حاجه كده ...واسكت ...
انا سعيد جدا بزياراتك ..تمني ان تدوم المحبه ...

ahmed_k يقول...

أهالينا زهقو يربونا


مرحبا بكم في أول تعليق
وكل سنه وسمكه بخير
بس بما أنكم طالبات جامعيات
مذكرتوش رأيكم بخصوص المنحه موضوع البوست
ياريت تبلغوا من تظنون أنه لديه مؤهلات الحصول عليها

وتقبلوا خالص تحياتي
*********************************************
محاسن صابر


طبعا أتفق معاكي تماما بخصوص
رأيك في الشيخ زايد رحمه الله
فهذا الرجل لو في أمتنا المزيد
من أمثاله في الإخلاص والحب والتفاني لتغيرت أحوال شعوبنا كثيرا
نسأل الله أن يجعل اعمالهم خالصة لوجهه الكريم
سعدت بمرورك أختي الكريمه
دمتي بكل خير
***********************************************
ماما أموله


بارك الله فيكي أختي الكريمه
وأسعدكي كما تسعديني دوما
بمرورك الكريم
وياريت تبلغي من تظنين لديه مؤهلات
الحصول على تلك البعثه
دمتي بكل خير
***********************************************
سمكه واحده


ربنا يبارك فيكي يا سمكه
على كلماتك الجميله
فوالله لقد اخجلتم تواضعنا
وما قدمت سوى جهد المقل
فالرساله وردت لي من المؤسسه
عبر الإيميل الخاص بي وطلبوا مني نشرها
لتعميم الفائده
والله من وراء القصد
أسعدني مرورك الجميل
دمتي بكل خير
*********************************************
beram elmasry


مرحبا بك أ/بيرم
في البدايه أخي الغزيز أشكرك على تواجدك الطيب وأحب اوضح نقطه
أنا لم أتحدث عن تعليقات سابقه
فتواجدك عندي معلوم وهو شيئ أسعد به
ولكن ما يحز في قلبي أن تعليقي لم يحظى بشرف ردكم عليه بالرغم من ردك على الجميع
فلو كنت ترفض مبدأ الرد على المعلقين فالتكن المساواه
أما تميزي بذلك هو ما احزنني
وعموما أنا في مثل تلك الحالات أقوم بحزف تعليقي الذي أهمل
وأشكر لك أخي توضيحك وردك

وبالنسبه للباحث الذي ذكرته وهو كما قرأت في مدنتكم يعمل بمشروع توشكى
فهذا ليس بمستغرب في بلد لا تعنى بالبحث العلمي
رغم أنه من الواجب ان تقوم مؤسسته التي يعمل لصالحها بتحمل مثل تلك الأعباء
ولنا الله
تقبل مني خالص التحيه

ahmed_k يقول...

علي عبد الله


بارك الله فيك أخي الحبيب
ووالله لأنه شرف لي أن ألتقيك
وأن أنال الحوزه بالقرب منكم
فانت من الناس الذين أحببت التدوين
لأنه كان وسيلة للتعرف بهم
أكثر الله من أمثالك
ووالله يا أخي لم أقدم سوى جهد المقل
فالرساله وصلتني عبر الإيميل وطلب مني نشرها لتعميم الفائده
وأرجو أن يكون لما نشرت صدى لمن لديه مؤهل الحصول على البعثه
والله من وراء القصد
لكم سعدت يا على بمرورك الجميل
أدام الله الحب فيه بيننا
ودمت بكل خير
************************************************
كاميليا


أضم صوتي لصوتك بالمطالبه بإنتشار مثل
تلك الأعمال الهادفه والنافعه لمستقبل أمتنا
والحمد لله بداية الغيث قطره
لعلها تكون البدايه
أشكرك يا عروسه على المرور الجميل
وتقبلي خالص تحياتي
**********************************************
بنت مصريه


نورتيني بزيارتك الجميله
وأسأل الله أن يتحقق الهدف من البوست
ويكون سبيلا لمن لديه مؤهل الحصول عليها
لمعرفة أمر تلك الحمله
وتقبلي مني خالص التحيه
***********************************************
نهر الحب


وعليكم السلام ورحمة الله وبركاته
البدايه لابد وأن تكون من أمثال تلك المؤسسات ومن القدرين على تحمل مثل تلك الأعباء من المخلصين من أبناء امتنا
وحينها نكون بدأنا أولى خطوات التقدم
والإزدهار
أسعدني يا نهر الحب مرورك الجميل
دمتي بكل خير
************************************************
رئيس التحرير


أشكرك أستاذي على زيارتك
وأتمنى تبلغ من لديه مؤهلات الحصول
على تلك البعثه فأمتنا في أمس
الحاجه لأمثال هذه العقول المؤهله
وتقبل خالص تحياتي

راعى الناقه يقول...

فعلا احنا محتاجين جدا لناس بتفكر بالتفكير دا لان العلم دا هوا السلاح اللى خدوه منا الغرب وتفوقوا علينا
بارك الله فيك

Bosssssy يقول...

الله دى فكرة جميلة .........

أسأل الله أن يجعل لنا نصيب فيها ....

بجد حضرتك مدونتك جميلة اوى .. ربنا يكرمك يارب ..

انا حالا هشوف الموقع .......

بووووووووسي

Bosssssy يقول...

أنا شفت الموقع ياأستاذ أحمد لان الفكرة عجبتنى جدا وتصورت انى ممكن أشارك فيها بس للاسف يبدو ان مفيش نصيب لانى دورت ع الشروط ولقيتها صعبة شويه .. وجبتهالكم عشان ماحدش يحلم زيي ويفوق على كابوس ........


للحصول على منحة للدراسات العليا عبر برنامج محمد بن راشد آل مكتوم للبعثات، يتعين على المرشح الوفاء بالمتطلبات الآتية:

1- تأمين قبول في أحد برامج الماجستير المذكورة آنفاً، من إحدى الجامعات العالمية الشريكة

2- تقديم شهادة خبرة عمل لمدة عامين على الأقل
3- حضور مقابلة مع اللجنة الاستشارية لبرنامج البعثات في المؤسسة، في حال طلب منه ذلك
4- ملء الطلب الخاص ببرنامج البعثات الموجود على الموقع الإلكتروني وإرساله مع نسخ عما يلي بالبريد الإلكتروني على العنوان: fellows@mbrfoundation.ae

oرسالة القبول في إحدى الجامعات العالمية الشريكة
oالشهادة الجامعية
oالعلامات الدراسية الجامعية
oعلامات اختبارات اللغة الإنجليزية TOEFL، أو IELTS
oعلامات اختبارات GRE وGMAT في حال توفرها
oالسيرة الذاتية
oجواز السفر
oرسالة حديثة من محل العمل

هى طبعا مش كلها صعبة بس فيها حاجات كنير صعبة .....

بوووووووسي

مهرة سالم يقول...

أستاذي أحمد.....
لن أعلق على دور مؤسسة صاحب السمو الشيخ محمد بن راشد آل مكتوم...
وبرنامجها لأن شهادتي بها مجروحه...
.....
جزيت خيرا لنشرك الخبر...
نفع الله بك...
في أمان الله

أختكم فى الله يقول...

والله حاجة جميلة جدا

جزاك الله خيرا اخى احمد على الموضوع ده

اقصوصه يقول...

العلم نور:)

ahmed_k يقول...

راعي الناقه


فهلا أخي العزيز فالمسلمون
كانوا أصحاب الرياده والسبق
في إقتحام آفاق العلم
عسى بجهد المخلصين أن نعود لسابقنا
أسعدني مرورك الكريم

دمت بكل خير
**********************************************
bosssssy


ربنا يبارك فيكي يا بوسي
وأشكرك على كلماتك العذبه
وبالنسبه للطلبات فمش صعبه أوي كده
في شباب كتير يحملون تلك المطاليب وأكثر
ولديهم شغف للزياده ولكن تمنعهم
الكثير من المعوقات فبالطبع لهم الأولويه
والإختيار سيكون من بين أعداد غفيره
من المتقدمين على مستوى العالم العربي
فلابد من وضع شروط للمتقدم بأن يكون
حاملا لمؤهلات فيها نوع من التميز.
وأشكرك يا بوسي على إهتمامك ومتابعتك
وربنا يكرمك بفرص أحسن وأفضل

تقبلي خالص تحياتي
***********************************************
m.k


مجرد مرورك شيئ يبهج ويسعد
وشهادتك ليست مجروحه يا أم كي
ولو كانت مجروحه فألف سلامه عليها هههه
نورتيني يا أختي
دمتي بكل خير
***********************************************
أختنا في الله


بارك الله فيكي يا هندسه
نورتي بورودك هنا

دمتي بكل خير
**********************************************
أقصوصه


أهلا وسهلا بكي في أولى زياراتك
وأرجو أن نسعد بوجودك دوما

دمتي بكل خير

Mony يقول...

جزاك الله خيرا


ياريت فعلا يكونوا صادقين في كلامهم


و شكرا لحرصك علي الافاده

moory-mero يقول...

السلام عليكم و رحمة الله و بركاته
اسيك يا أونكل ولا على طول أحمد ما أنا موش عارفه كام سنه هههههههه


مصر فيها كوادر علمية بسم الله ما شاء الله عباقرة بس للاسف يا أحمد ولا أونكل احمد ههههههه
موش بتتعتني بيهم كويس ولا بتعتني بعمليه البحث العلمي والغريب إنهم يرجعوا يقولوا ليه علماؤنا بيبيعوا علمهم للخارج ماهم لاقيين اللي يقدر ويصرف ومعترف بعقليتهم وتركيبتهم العلمية
بس متهيألي هيبقى الحال على ماهو عليه وهتفضل كده مصر طول ما اسمه إيه فيها
وعوضنا على الله بقى

في رعاية الله

Unknown يقول...

السلام عليكم ورحمة الله تعالى وبركاته
جزاك الله ورعاك وهداك لكل خير تود القيام به لكل انسان بصرف النظر عن معرفته به او عدم معرفتك به وجازى الله خيرآكل من كان مثلك.الامارات واهلها صاروا الحين اصحاب مكرمات كثيرة تحسب لهم فى ميزان حسناتهم .
****بودى لو كان هذا العرض جاء من سنوات بعيدة حينما كنت احتاج اليه ولكن لا ينفع الندم الحين ولكنى اقول لكل انسان عبر مدونتك وخاصة الاطباء لا تتنازلوا عن الدرسات العليا وأكمالها بأى طريق (ولو حتجوع!! وعفوآلكلمتى)ولكنى اقولها صادقة من قلبى لابد من اكمال والنجاح فى الدراسات العليا لاكمال حياتك العملية بعد ذلك.
تقبل تحيتى مرة اخرى أستاذ احمد.

Ehab يقول...

يا ابو حميد كالعاده انت اجدع اخ
ومدور على مصلحة الناس

عارف ان بلدنا فيهاالحاجات دي من فتره كبيره بس مقصوره دايما على الناس المحظوظين بس
فاهمني طبعا
ييعني لازم يكون عندك حد يقولك تروح فين وتسأل امتى وكده وحاجات كتير بتضيع في الأدراج

ربنا يجعله في ميزان حسناتك يا كبير
تحياتي ليك ولأسرتك الكريمه
سلااااااااااااااااااام
اخوك ايهاب

جنّي يقول...

السلام عليكم

كيف حالك اخ احمد لعلك بخير

جزاكم الله خيرا على نشر هذه الرسالة

فنحن في امس الحاجة لعودة البحث العلمي لتطوير بلادنا واللحاق بركب التقدم العلمي ..

كنا نقول ولا زلنا عندما نريد ان نسخر من أحد نقول عنه دا هندي ..أونقول هو انا هندي ..

الهند الآن تسبقنا بسنين طويلة في التقدم العلمي والتكنولوجي وارسلت سفينة فضائية ..

ونقول الآن : ياليتني هندي ..

انتقاص الاهتمام بالتعليم والبحث العلمي جعل جامعتنا في زيل الجامعات في العالم ..

شكرا وتحيتي

DR.HAMAS يقول...

ربنا ييسر و أخلص دراسة بس

كلها سنتين

و ربنا يعين

GiGi world يقول...

ربنا يكرمك بجد البوست ده مهم قوي ويارب يوصل للى يستحقه واللى بيدور على منحه دراسات عليا يلاقى اللى عايزه ويقدر يعلى يااااااااااارب
ونعلى بلادنا وامتنا واسلامنا بدل مااحنا بنخذله على طول كده

الربان يقول...

تحياتي اخي الكريم

صدقت و الله....الاسلام حث علي العمل و علي التميز....كل في مجال عمله...و المؤمن القوي خير من المؤمن الضعيف.. وفي
رأيي ان المؤمن القوي ليس فقط قوي البدن...بل ايضا القوي في عمله و تخصصه

جزاك الله خيرا علي نشرك الرسالة الخاصة
بمؤسسة الشيخ محمد بن راشد....و اسمح لي ان اضيف ان هناك مؤسسة للملك عبدالله
عاهل المملكة العربية السعودية و ايضا
تمنح منح مجانية للمتميزيين ....

لك مني خالص التحية و التقدير.

قوس قزح يقول...

انا كل يوم بيزيد اعجابى بالدولة دى
و بحس فعلا ان هدفها مش بس الرقى بشعبها لكن الرقى بالعرب كلهم

شكرا لك على ايصالك المعلومة للناس

و الدال على الخير كفاعله


تحياتى

RASHA يقول...

اعلى دولة فى نسبة الاختراعات والبحوث العلمية هى اسرائيل

والدول العربية كانت فى ذيل القائمة

عن احصائية عالمية للعام الماضى

مشكور المكتوم على هذه الانجازات

Unknown يقول...

أخى الفاضل : أحمد
السلام عليكم ورحمة الله وبركاته
وندعو الله أن يعود للأمة السبق فى العلم والمعرفة كما كانت ..
وأكيد جهد الإمارات فى إتاحة الفرصة للشباب العربى للتعليم وفتح سبل المعرفة أمامه أمر جيد ورائع

ahmed_k يقول...

mony


بارك الله فيكي يا موني
وهم بالفعل صادقين
لكن الشروط المطلوب توافرها في المتقدم
صعبه شويه

دمتي بكل خير
**********************************************
mero-moory


وعليكم السلام ورحمة الله وبركاته
أتفق معكي تماما
حتى المعهد القومي للبحوث ينقصه
الكثير من الإهتمام بمتطلبات البحث
العلمي
ومرتبات الباحثين فيه تتبع التسلسل الحكومي
وتقبلي تحيات أونكل احمد
*********************************************
norahaty


وعليكم السلام ورحمة الله وبركاته
بارك الله فيكي يا دكتوره
ووالله لإنه جهد قليل لا يستحق كلماتك الجميله , جزاكي الله عني خيرا
وهذه المنحه مقدمة لدارسين الإداره بفروعها وياريت كانت للأطباء
بس معلش ححاول أكلمهم هههههه
وفعلا لابد للطبيب دوما من ملاحقة ركب التطور العلمي ومتابعة الجديد من نتاج البحوث الطبيه والمعدات الطبيه
لكي لا يقف عند حد علمي واحد بدون تطور
أشكر لكي يا دوك مرورك الكريم
وتقبلي خالص تحياتي
*********************************************
الشنكوتي الكبير


ربنا يكرمك يا هوبه
إنت دايمامنورني وبتسعدني بوجودك
وفاهمك تمام ياهوبه ههههه
الواسطه والمحسوبيه مضيعانا
أسعدني مرورك يا الغالي
في أمان الله

Gannah يقول...

جميل جداا اتاحة الفرصة للشباب للابتعاث وجلب الخبرات من الخارج ولكن الأجمل هو الاستفادة منهم فى عمل قاعدة علمية للابحاث فى الدول الاسلامية لان معظم هذه الخبرات اما تتراجع بعد عودتها او تظل فى البلاد التى ذهبت اليها
محاولات نرجو ان تتحول الى تفكير بعيد النظر وخاصة ان الامارات لديها من رؤوس الاموال ما يمكنهم من انشاء هذه القواعد البحثية
تحياتى

ahmed_k يقول...

جني


أهلا وسهلا بك يا سعيد
الحمد لله كثيرا ,إزيك أيه أخبارك؟؟
صدقت والله يا سعيد فالهند وصلت لمراحل في التطور العلمي لم نصل لها بعد
ولن نصل طالما تحكمنا هذه العقول
الجامده والتي لا تنظر إلا تحت أقدامها
نسأل الله أن يولينا الأصلح
أشكرك يا صديقي على مرورك الجميل

دمت بكل خير
**********************************************
dr.hamas


ربنا يكرمك ويقدر لك النجاح دوما
وإن شاء الله تأتيك الفرص الأفضل والأصلح
أسعدني يا اخي مرورك الكريم

دمت بكل خير
***********************************************
gigi


وهذا هو الهدف منه
أن الحاضر يعلم الغائب
فمن توفرت فيه الشروط فاليسعى إليها
واسأل الله له التوفيق
نورتي يا جيجي
تقبلي خالص تحياتي
*********************************************
الربان


بارك الله فيك أخي العزيز
وأسعدتني بتشريفك وبزيارتك الكريمه
وأرجو دوام التواصل
ونحمد الله ان امة العرب بدأ لديها الوعي لأهمية البحث العلمي ورعاية الراغبين في التميز العلمي

وتقبل أخي خالص تحياتي

ahmed_k يقول...

قوس قزح


يا مرحبا يا مرحبا
قوس قزح عندنا هذا شرف كبير
فينك من زمان؟؟؟؟ منوره والله
هم طبعا يقومون في مثل هذا العمل بجهد كبير, لا أنكر ذلك
فأسأل الله أن يكون ما يقومون به
خالصا لوجه الله الكريم

أشكر لكي اختي مرورك الكريم
دمتي بكل خير
*********************************************
shasha


معاكي حق
وخصوصا في مجال الأبحاث الزراعيه
ونحن نستورد منهم الأسمده المسرطنه
ونستورد منهم بعض البذور العقيمه
والتي تنتج لمرة واحده وتكون النبته
ذات بذور عقيمه لا يمكن إعادة زراعتها

فسبحان الله إسرائيل حاليا أساليب حربها معنا تغيرت وبأشكال عديده
ونحن نستورد بدون تفكير!!!!!
لنا الله
نورتي يا رشا
تقبلي خالص تحياتي
*********************************************
محمد الجرايحي


وعليكم السلام ورحمة الله وبركاته
أضم صوتي إليك بالدعاء لله تعالي
وليست الإمارات فقط التي تسعى
لمثل تلك المنح
ولكن هناك مؤسسات عديده تقوم بمثل هذا الجهد ومنهم مؤسسات مصريه
ولكني وردت فقط لى هذه الرساله
فأرجو ان يكون عملهم خالص لوجه الله
أسعدني مرورك الكريم
دمت بكل خير
**********************************************
gannah


إزيك يا دكتوره
أيه اخبارك وأخبار طيبة الطيبه ؟؟
صدقتي والله يا دكتوره
ففي منحة مؤسسة بن راشد يوقع المتقدم
على تعهد بالعمل في إحدى الدول العربيه لمدة عامين على الأقل بعد حصوله
على الماجستير
وذلك لعدم حصول ما ذكرتيه
منوره كعادتك دوما يا دكتوره
تقبلي خالص تحياتي

همس يقول...

ايه دا


انت فتحت فصول محو الاميه

من ورايا يا احمد

ماشى

انا دخلت الموقع وفرصه حلو للى يناسبه


جزاك الله خير

Geo Amr يقول...

والله الناس دى بتفهم صح وربنا يجازيهم خير على هذا العمل ياجماعة يقاس تقدم الشعوب بالعلم مش بالموضة

maha zein يقول...

اذيك اولا
اعذرلي غيابي ثانيا
اولا كان نتي بايظ وثانيا انا بجد طالع عيني ولسة وقت الراحة مجاش لسة

بخصوص التنويه الرائع ده ربنا يجازيك خيرعليه وفعلا هو فادني انا شخصيا بس مشكلته انه مش كان في مجالى بس هيفيد ناس اعرفهم اوي
جزاك الله خير عنا

بخصوص التعقيب اللى كان عندي ليك
بخصوص الاسلوب الجامد اللى كتبت بيه التحديث في موضوع لم يحبها يوما
انا فهمة انت تقصد ايه
بس صدقني اللى انت قصدته انا قصدته انا كمان
يعني
انا قصدت اتكلم باسلوب رخم كده لاني عرفة مين الشخص اللى كان معلق واسمه غير معروف
بجد كان لازم ارد كده
وتعمدت اتكلم كده
خاصة ان الناس اللى كانت علقت مكنتش كتير لسة وكمان انا رحت عندهم ووضحتلهم الفكرة في مدوناتهم
يعني عشان محدش يزعل
لكن بخصوص الانسان ده فأنا قصدت اخنقه واتهكم عليه لانه فعلا ميصحش يكتب كده و ويرمي جتته بطريقة تخنقني
اشكرك جدا علي اهتمامك بتنبيهي
واشكرك فعلا تاني لاني لو حد عادي كده بتقراله عادي مكنتش نبهته
وبعتذر لو كلامي حسسك اني رخمة او مش بحافظ علي شعور الاخرين
بس انا كنت قصده لهدف معين

PrInCeSS BeRy يقول...

فرصة حلوة جدا بجد ما شاء الله ربنا يكرم القائمين عليها وربنا يكرمك يارب ان شاء الله

Unknown يقول...

الوووووو
هل تسمعنى حول ؟؟
الشهر خلص فين البوست؟

صباح الصباح يقول...

صباح الانوار يا بو حميد

الفكرة بجد ائعة بس تفتكر مين والا مين فى العالم العربى ممكن تكفيهم منحة او مؤسسة واحدة حتى لو بحجم ال مكتوم وان كان بكل تاكيد جهد يستحق كل التقدير بس مش كان الاولى ان يجى من بلدنا ؟؟؟؟

انما تقول اية بقى

بحب كل الناس يقول...

اه لو كان عندنا فى كل بلد واحد زي الشيخ ابن مكتوم

!!!!!!!!؟؟؟؟؟

rovy يقول...

جزاك الرحمن كل الخير فالدال على الخير كفاعله ..

اكثر الله من امثال تلك المؤسسه و جزاهم جميعا خيرا و بارك بهم و لهم ..

دمت بكل خير

تقديرى و تحياتى

ahmed_k يقول...

همس


ههههههههه
آه تصدقي
وفعلا هي فرصه حلوه للى تناسبه
نورتي يا همس
دمتي بكل خير
*********************************************
geo amr


فعلا صدقت فبالعلم ترفع بيوت لا
عماد لها والجهل يهدم بيوت العز والمجد

نورت يا صديقي في أولى زياراتك
وأرجو أن تسعدني بتواجدك دوما
دمت بكل خير
********************************************
maha zein


أهلا بيكي يا مها
وبارك الله فيكي على المشاركه
بإعلام من تظنين أن الشروط تنطبق عليهم
والشروط والمؤهلات المطلوبه موجوده بالموقع وفي تعليق بوسي بالأعلى ,
وكلك زوق يا مها وفهمت وجهة نظرك دلوقتي بخصوص التحديث الذي عملتيه عندك
بس في كتير ممكن ميتنبهش للحقيقه دي فالأفضل أهمال أمثال من قصدتيه بالتحديث
أسعدني ردك ووجودك هنا يا مها
دمتي بكل خير
**********************************************
princess bery


بارك الله فيكي يا عبير
ونورتي مدونتي المتواضعه
بس ليه بتطولي الغياب؟؟؟
متغبيش كتير تاني
دمتي بكل خير

ahmed_k يقول...

نهر الحب


ألوووووو أسمعك بوضوح
حاضر البوست الجديد إن شاء الله يومان كده مش أكتر, بس هو محتاج تحضير شويه
شكرا لمتابعتك المستمره

تقبلي خالص تحياتي
**********************************************
صباح الصباح


أهلا يا محمد فينك من زمان
ويوجد بالفعل مؤسسات مصريه بتقدم
مثل تلك المنح , بس أنا جالي رساله
من تلك المؤسسه فقط لذلك نشرتها

نورت يا محمد ومتغيبش كتير تاني
دمت بكل خير
*********************************************
بحب كل الناس


أهلا وسهلا بالأخ الغالي
أشكرك على مرورك الكريم
نورت يا صديقي
دمت بكل خير
**********************************************
rovy


بارك الله فيكي علي تلك الكلمات
والمرور الجميل
ونسأل الله أن يكثر من الحريصين بصدق
على مستقبل امتهم،
نورتي يا روفي
دمتي بكل خير

غير معرف يقول...

::::::::::::::::::::::

ما شاء الله ..

مثل هذا الأمر يحقق نورا وإشراق لإماراتنا الغالية ..
وأسال الله أن يجعل مثل هذه الإعمال في ميزان حسناتهم ..
:
هذا التعليق كان من اجل السؤال عن الأستاذ أحمد ..
أتمنى أن تكون بخير وبأحسن حال ..!
:
حفظك الله ..
::::::::::::::::::::::

Unknown يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

ahmed_k يقول...

الوجد


بارك الله فيكي يا الوجد
وأشكرك جزيلا على سؤالك الكريم
فنحن والحمد لله بخير حال
جزاكي الله عني خير الجزاء

دمتي بكل خير
*********************************************
نهر الحب


بارك الله فيكي يا إيناس
وربنا يجعله في ميزان حسناتكم
وفعلا دايما سباقه للخير
جزاكي الله خيرا
وإن شاء الله أكون ممن يسعد بهذا التجمع الكريم

وأشكرك على الدعوه الكريمه
دمتي بكل خير